Zack Snyder版正義聯盟睇後感

gashapon

各位好, 都好耐無出post了, 感覺真係有一年無入過戲院. 雖然今次都唔算係入戲院, 但都算是睇戲吧~~

先"利申"一下, 當年的正義聯盟電影上映時, 我係覺得OK的, 當然之後都覺得可以拍好d, 同埋再知道當時更多內幕事件(WB高層與ZS之間的關係), 就好想睇刑Zack導演本身的版本係點. 問心想還想, 但明白真係會出zack版的機會可以說是零...

正當zack版變了"都市傳說"時, 居然有新聞說真係會出, 真係好開心, 但同時都擔心"新版本"究竟係點, 始終當時是因為"因高層睇完覺得太差而決定修改", 唔想再一次失望. 不過睇完後都知道Zack版(之後簡稱ZS版)真的唔錯, 比之前的Joss版(之後簡稱JW版)都要好. 當然我唔會將ZS版講到係"神作", 因我都覺得有些地方是要彈的. 但睇完我係好開心的. 我成日都會用"食物"去比喻電影, 其實我真心相信電影沒有好壞(當然肯定有些是粗製濫造呃票房的), 好唔好睇是好個人的. 唔會因為網上某個人講好差就真係差. 我自己一直替ZS不值, 因為公司/金主一定俾好多限制佢, 令佢根本無法拍出自己的想法出來. 就如我整一份餐, 明明我想慢煮牛排, 但你要我煎30秒就上碟. 明明我唔想咁重味, 你就要我落好多黑椒, 咁又點會好食. 所以當ZS有機會按自己方式煮, 我是十分欣慰的.

同舊作比較下, 最明顯是電影的長度. 之前的是2小時, 而新的是4小時. 即就算將整個舊版放進去, 都多了一倍的新畫面. 當然呢個都係雙面刃, 如果叫我在戲院坐4小時, 相信我都會幾辛苦, 所以我都明白點解WB想整短d套電影. 第二明顯的是由於時間長了, 因此每個角色都多了時間去描述, 變成成套電影佢地做的事都有有根有據, 唔似JW版唔知點解咁做, 又只係搞下爛gag咁. JW版基本上結尾前的打鬥, superman出場之後都係佢一個打晒, 其他人可有可無. ZS版之下每個成員都係分工合作各展所長, 大家都用同自己本身的專長. 同埋FLASH同CYBORG的改動最大, JW版cyborg只是個路人, flash仲話係"新手", 但ZS版flash真係好重要, 係"一個救全家", 用speed force令時空"回帶". 就算是奸角都好了不少, ZS的steppenwolf搵盒子的原因都明確了不少, 唔係只係一個"打工仔" 不過無o左件裝甲下佢個樣好cute, 有少少唔慣XD

不過我都有地方要彈, 就係個flow真係比較慢, 有時連aquaman落水都要加一段唱歌...flash救佢女友iris又拖到好長,我覺得aquaman船上救人, wonder woman救d學生, 呢d都可以短一些, 因唔會影響劇情. 同埋都幾多慢鏡頭, 睇睇下其實會悶. 另外少少覺得超人黑衫係當時佢未完全回復100%, 如果多d時間比佢回復會攻好, 依家感覺係一穿黑衫就無事, 馬上就去打大佬.
另外就係寫故事的問題? 因darkseid一直話要搵"anti-life equation" (簡單來說係一種"能量", 令人失去自由意志, 變成奴隸),  之後steppenwolf又話搵到啦, 原來在地球上. 但大哥, 5千年前大戰時明明係你一野劈落個地出現個anti-life equation符號, 依家又話地球發現係咩意思...唔係咁都唔記得呀~~

可惜的是都應該唔會再有續集, 變成"knightmare時空"都應該不會再出現在電影了. 遲下flash電影又會講"flashpoint", 一切又被reset, 相信要集齊人馬再拍多集應該無咩可能了...同埋電影是4:3咁拍, 我自己睇起來有少少唔慣(明白當時是以imax的比例去拍) 如果有16:9可能會好d.

總括來說, ZS版JL我會俾8~8.5分. 當然好大原因都係因為有同舊版比較. 問心如果一開始係睇呢個4小時版本我可能只會俾7分, 因個flow真係比較慢. 反而我唔介意佢分成2集, 每集2至2.5小時咁可能更好.同埋剛剛才記得, JL係除了man of steel之外最好拍的電影, 但同其他電影加埋一齊又唔會出現好多矛盾. 同埋WW都係打鬥最好睇, 相比下WW84睇完真係唔知睇o左咩咁...      

  




   

小瑟

好同意呢個版flow係比較慢, 我睇左30分鐘就已經覺, 不過唯一係fans既就會好過引呢!!!
尤其係第一場開波戲!!!

Brian

等你呢篇評論好耐，仲諗住問你睇咗未，有咩觀後感，點知就見你出咗po

小弟都覺得如果比上一套確實好睇好多，完整性高，角色更立體，唔會好似舊版咁睇到唔知點解會咁，莫名其妙，Cybrog直頭脫胎換骨，唔怪之得個演員Ray Fisher插Joss Whedon插得咁狠
但如果當上一套唔存在，咁只可以講合格，算唔上特別精彩，同埋有啲場面Zack為咗突顯自己風格，真係拖得太長

jacky622

其實部分慢動作部分包括Flash救女 果段當中背境音樂既歌詞係好有意思, 冰島女唱歌首歌內容亦係有歌頌神既含意 而查導對JL 中既角色亦有相當既隱喻 例如超人多次以十字架姿勢出現，救世人而死後復生亦相當有宗教色彩,查導透露想超人以長髮留so既造型出現 但華納怕太似耶穌而ban左 (所以先前有張劇照係小丑型似耶穌),  查導一直亦有一種對JL角色以 "新神" 為中心既意向, 可惜面對一間咁既華納公司同高層 咁多野綁手綁腳 繼續合作都冇意思, ........一套咁 Epic既電影可能係最後一次, 又即管睇下華納以後又搞到DCEU 變成pat屎會點 (WW84同小丑女2 已經見到可以收皮)

kan

終於睇到一篇理性客觀既影評，理性分析；坊間一面到話係神作，一講到呢套戲有問題，就話係你唔識野，有時都覺得可惜。

其實DC世界觀唔會比marvel差，華納係商人，當然以票房行先，BVS票房口碑都未如理想（利伸我覺得幾好睇），今次你整套4個鐘既JL高層真係會擔心，如果真係將今次zack版分上下集戲院上影，問心你覺得會唔會成功？

有時覺得DC粉太離地太孤高自賞，拍得商業D，有娛樂性D就話唔得唔夠黑暗，冇DC神粹。而家JL應該好大機會冇續作，其實我覺得好可惜…

onlinevengeio@G

The qualifying thing can be said, but nothing particularly interesting. There are also scenes where Zack highlights his own style, which is actually too long. In fact, DC's worldview is no less than Marvel's. Warner is a businessman, of course at the top of the box office. BVS's box office reputation isn't as ideal (I think it's better to see Lishen). This time, you have a full set of 4 watches and the JL operators will be really worried if it is true that this zack version will be split into two episodes and the movie will be shown in theaters venge io . Do you think it will be successful?

jacky622

kan 發表於 2021-3-23 09:34
終於睇到一篇理性客觀既影評，理性分析；坊間一面到話係神作，一講到呢套戲有問題，就話係你唔識野，有時都 ...

其實DC 角色至少正義聯盟既幾位大部分都係悲劇角色，又真係好難拍到好歡樂合家歡既

gashapon

jacky622 發表於 2021-3-23 04:38
其實部分慢動作部分包括Flash救女 果段當中背境音樂既歌詞係好有意思, 冰島女唱歌首歌內容亦係有歌頌神既含 ...

呢個我都明呀, 不過如果WW救完班學生佢地又唱歌, 咁又更加拖長了.  但可能ZS都預o左在HBO在播, 加上都係最後一次咁做, 所以可以"完汁完味", 咩野都放晒落去咁播晒出來啦. 但我始終認為如果在戲院睇呢個節奏會幾辛苦.....不過電視睇我覺得長d都OK. (加上ZS真係做埋就唔再拍, 長d都明白)

gashapon

kan 發表於 2021-3-23 09:34
終於睇到一篇理性客觀既影評，理性分析；坊間一面到話係神作，一講到呢套戲有問題，就話係你唔識野，有時都 ...

其實我一直覺得睇電影(或其他興趣) 同食野, 拍拖差不多. 我喜歡某類型女仔唔代表其他人喜歡. 同埋自己喜歡, 就強迫人都一定要接受係好怪. 問心就如一個人喜歡佢自己老婆, 好錫佢, 都唔會強迫其他人都要錫佢吧...  當然我明白堅持是好, 就如我出post都係覺得好睇就講好睇, 唔會為寫而寫. 但唔代表人地都要一樣接受, 別人都可以話睇完浪費時間. 無所謂電影收得我又無錢分   所以我真係好少會理d影評, 就算高分低分, 自己想睇才會睇.

gashapon

小瑟 發表於 2021-3-21 21:50
好同意呢個版flow係比較慢, 我睇左30分鐘就已經覺, 不過唯一係fans既就會好過引呢!!!
尤其係第一場開波戲!! ...

頭30分鐘其實有少少"捱".... 一來本身有睇過, 二來其實有少少似幾套"獨立人物介紹短片咁, 都有d散. 不過一直都覺得WB高層好離地, 好似唔知出面d人喜歡什麼咁. 之前話拍什麼電影, 最終就係"導演意見不同而換人". 就如JL咁, 睇完我認為與其搵JW拍, 倒不如用ZS版本cut成2.5小時仲好....