薩克薛達13小時之《正義聯盟》

alleelarry

前言：
為了更加投入新版本的《薩克薛達之正義聯盟》，刻意先重溫了《蝙蝠俠對超人：正義曙光》，跳過了《超人：鋼鐵英雄》的原因很簡單，因為故事就只有超人，連貫性不大，3月18日看罷那一刻，證明自己的安排恰當。前一天看《蝙蝠俠對超人：正義曙光》加長版是 3小時，《薩克薛達之正義聯盟》是 4小時，緊接回看 2017年版的《正義聯盟》是 2小時，二刷《薩克薛達之正義聯盟》又是另一個 4小時，加起來就是 13小時，為的就是要對故事多了解一點，計劃在前後三天內完成！

串流：
雖然正式上架時間是上班時間，早已經預計是會有網絡塞車（結果大家有目共睹），決意趕快完成工作，回家後即時以 nowone 的自選收看，畫面是 1080p的解像度算是有了，音軌可選 DD5.1，相比起 HBO Go 的 2.0 好一點，使用擴音機的 AutoSurroud 就可以模擬 ATMOS 效果。雖然遲了個多小時才起步，播放途中原全沒有問題。



感覺：
同日先看《薩克薛達之正義聯盟》，即時回看 2017年版的《正義聯盟》，感慨良多，前者走暗黑路線，沒有不必要的滑稽情節，尤其是閃電俠的好玩，其對女性的好奇，水行俠更加沒有那麼「貪婪」，說故事的方式，角色定位同個性都明顯有著不同。對於大家口中的 2017年不良版本，經過 6小時之後，理解當日要大幅度減片長的原因，導演說故事的確有點長氣，個人來說沒有問題，但就可能影響了一點點節奏！新版明顯與前作《蝙蝠俠對超人：正義曙光》加長版，有呼應作用，前作末段 Lois 在超人死後才收到結婚戒指，新版中的超人（少了很多對白），簡單說：你大概已經接受了！

故事設定本來都好有「魔界」的風格，人神各自管有威力強大的神物，導演版就更加強烈，連過場都十分像「魔界」的加長版，有風景亦有歌可聽。發展模式某些時候，與對家的有共通點，總是有更強的敵人在遠方。

個人來說，新舊版各有好處，硬要選一個的大概沒有人會說舊版了吧！假若以迷你劇展現的話，融合兩者優點，大概可以有 5個小時之長。

配樂：
一直沒有留意 2017年版的配樂是 Danny Elfman，以往看電影都很喜歡去差是誰做配樂，往往自己心愛的都會差得中！同日回看時留意到神奇女俠首場大戰時，配樂有濃厚的 Danny Elfman 色彩，或許戲中要起用別的作曲家的調子，所以當日未有察覺得到！新版的是 Junkie XL  (as Thomas Holkenborg)，除了使用既有的英雄調子，其餘的都一如他的個人風格，節奏相當強勁！



補充：
4:3 也好，16:9 也好，重點不在於觀眾想看那一個，而是在於導演本來想如何展現，假如這一套是在 IMAX 影阮看的話，大概你會明白 4:3 會看得更有趣！

器材：
看到一些分享，啟發了一個話題究竟用甚麼器材看導演版最有感覺呢？答案是：使用 4:3 的 iPad 並透過 nowplayer 內的自選服務，實試 HBO Go 是不可行的，因為前者可以開啟「擴展」模式，4:3 的影片剛好就是 4:3 的全畫面！大家如果有訂購服務的話，不妨一試，附上兩張比較圖片，留意一下擴展後只看到 HBO 的 H字。

∇  擴展後的畫面


∇  原片播放畫面

MDLP

我入oppo乘1.2睇
上下飛少少

alleelarry

MDLP 發表於 2021-3-25 22:47
我入oppo乘1.2睇
上下飛少少

銀幕用盡左，但睇到既野相對少左，導演要你睇既就當然睇唔得哂！

MDLP

alleelarry 發表於 2021-3-25 23:16
銀幕用盡左，但睇到既野相對少左，導演要你睇既就當然睇唔得哂！

其實已經係兩害取其輕
x1.2兩邊都仲係有黑邊
我覺得冇所謂
總言之個比例睇落去
自己覺得舒服
有時2.35比1
我都係x1.2
上下黑位少咗
當然兩邊會有少少唔見

alleelarry

MDLP 發表於 2021-3-25 23:59
其實已經係兩害取其輕
x1.2兩邊都仲係有黑邊
我覺得冇所謂

了解，平時用 iPad 睇串流，16:9 的東西，都會開「擴展」用盡個 4:3 屏幕咁睇，只不過今次導演太刻意用 4:3，點都睇左「原裝」先，咁橋平日用開既 iPad 又係 4:3！另外，自己感覺係倍大左，唔係原生點對點，清晰度又爭咁D！

MDLP

alleelarry 發表於 2021-3-27 18:12
了解，平時用 iPad 睇串流，16:9 的東西，都會開「擴展」用盡個 4:3 屏幕咁睇，只不過今次導演太刻意用 4 ...

我乘大1.2上下唔見10%好少事
但左右眼角度就增加多各10%
至於是否點對點
我又覺得冇乜所謂
我部0.47根本上都唔係原生4K
最緊要視覺上包得舒服

MDLP

如果屋企用2.35:1仲疼苦
足足差唔多得返二份一

alleelarry

MDLP 發表於 2021-3-27 18:53
我乘大1.2上下唔見10%好少事
但左右眼角度就增加多各10%
至於是否點對點

自己睇得舒服，係一個重點，放大唔放大，個人認為無絕對的對或者錯。

LD 年代我都係比較喜歡 PAN & SCAN，因為個畫面會大好多，加上是處理過，所有重點位唔會錯失，我用 65吋電視，都唔算大，只係睇個陣充份了解得到導演的安排，所以都唔打算用放大模式去處理；最深刻既場面就係，JL 第一次係天台開會個段，Gordon 個大頭好有震撼力，但相信係 IMAX 影院會更好！

ChiKeungChow@FB

我個人就好享受呢個版本嘞,蝙蝠俠再冇俾超人一嘢掉走,水行俠再冇多口水,閃電俠再冇怕呢怕路,鋼骨再冇腳趾痛呢類廢話,超人終於冇咗個搞笑下巴,神奇女俠再冇俾閃電俠抽水,導演版嘅感覺氣氛唔同晒冇舊版咁卡通,呢班先似返個超級英雄!唯一唔滿意係啲配樂好似冇乜氣勢令人唔夠興奮,如導演版可分兩集再上imax重影嘅話我一定入場睇

alleelarry

ChiKeungChow@FB 發表於 2021-3-30 16:46
我個人就好享受呢個版本嘞,蝙蝠俠再冇俾超人一嘢掉走,水行俠再冇多口水,閃電俠再冇怕呢怕路,鋼骨再冇腳趾痛 ...

個人睇法都差不多，但音樂配對番英雄本身係一個不錯既做法！