［分享］陳奕迅 Eason Chan 英皇時期唱片

Hayden

到英皇時期喇～循例介紹下吧(僅供參考)

圖1：廣東

打得火熱：推出過三個版本(不包括復刻版)，有
普通版、磁石版和大盒版。當中收錄經典歌曲「K歌之王」，但其實這張專輯部份的冷門歌也不錯，例如「溫室效應」- 溫室的戀愛效應，將暗示全部接通～Wowo

Shall We Dance?Shall We Talk！ : 推出過兩個版本(不包括復刻版)，有大盒版(第一版)和膠盒版(第二版)。而膠合版（第二版)則附送VCD和多一首歌曲「遺失的國度」(某電影的主題曲)，並包含歌詞。在VCD中，收錄幾首歌的MV(畫質唔好，因為喺Vcd)
奇怪之處係「遺失的國度」(Audio) 竟然收錄在VCD!
當MV播完之後，個畫面就會無端端Stop咗，然後就開始播「遺失的國度」個audio，搞到我以為係隻CD跳線。之後我睇返個歌單，先知道係Audio, 嚇鬼死

The Easy Ride : 只推出過一個版本(不包括復刻版)。附送一隻VCD，並收錄「沖口而出」MV
冷門歌推薦：不知所謂

The Line Up : 只推出過一個版本(不包括復刻版)。附送一隻VCD，並收錄幾首歌的MV和一個遊戲(當年個有獎遊戲)。
呢隻碟好多宣傳單張，可以話係一堆
呢隻我keep左隻全新

Eason 4 a change and hits(其實我都唔係好清楚呢隻碟叫咩名)：有四個版本(不包括復刻版)。Eason精選碟，收錄他在英皇(2000-2002)的精選歌曲和四首新歌。附送VCD，收錄兩首新曲的MV。

Live For Today : 只推出過一個版本(不包括復刻版)。附送VCD、5張poster和少少宣傳單張
冷門歌推薦：New Order

圖2：演唱會+國語

The Easy Ride Concert : 出過VCD、CD和DVD
VCD的聲音聽得出冇執過，因為同DVD對比，明顯有一些不夠氣的地方！DVD則沒有。所以睇吓你想聽原聲定係執過的聲音
建議：可以用「孤獨探戈」來作對比，因為明顯少少

Eason And Lam concert : 比下去⋯⋯
出過VCD、CD和DVD
三款我都有買，不過我都比較少睇呢一隻

Third Encounter Concert : 出過VCD、CD和DVD
呢個演唱會真係好正吖
無限loop都可以！

Eason and Sally Concert : 出過VCD、CD、和DVD
令我最印象深刻係佢哋兩個一齊合唱「K歌之王」，之後Eason唱錯咗

反正是我：出過兩個版本(不包括復刻版)。一款是只有CD，另一款則加送VCD
Vcd嗰一款，個紙套好似已經唔夠攝隻VCD，逼到漲晒，側紙都唔夠套，爆開咁滯

Special Thanks To...... : 出過兩個版本(不包括復刻版)。一款只有CD，而令一款就附送VCD
我仲買咗一隻台灣版,就沒有 bonus track 給愛麗絲
呢一隻唱片個packing好易殘，好彩我嗰啲冇啫

(小弟最愛)黑白灰：出過三個版本(黑色、白色、黑色的版本)
呢一隻碟啲冷門歌都唔錯：謝謝、寂寞奏嗚曲丶Last order(聽埋廣東版New Order仲好！)

EEG之後再出過超級多精選,我冇擺埋落呢個post
EEG零六年幫佢做過復刻版，但膠盒10分薄，我嗰啲都裂咗（見圖四至五)

其實佢喺英皇嗰陣，啲專輯中出過台灣版、馬來西亞版等等。
小弟都唔係好清楚，我都仲收藏緊
各位師兄，多多指教