你地買碟係咪重重覆覆睇幾十次？

Mac · 發表於 2021-1-28 12:57

首先唔須要講買碟又生存、又生命、又着衫，又地球噤極端，完全不容討論空間，買或不買純個人喜好，這是個人的選擇，自由之可貴。
二三十多年前，根本你想買碟買帶買LD都無乜門路，有都價格極高，主要市場是租，大家只須十多元就可以租借回家慢慢煲促頭尾兩日，經濟娛樂，一到長假或打風就排隊租碟，不用浪費大量金錢和空間去買碟，無須斷舍離，但自金獅KPS執咗，快圖美又取消租碟，只剩下入碟唔多的小店繼續經營，影碟開始於市場上有零售，小店租賃和影碟發行就形成利益衝突，影碟發行無權突襲小店叫封鋪，但就小店只能租賃其公司發行的特別價錢影碟，慢慢賣碟舗愈開愈多，租碟舖就執一間執到無，記得當年一個區都有幾間租碟舖，地庫女人鋪當年都有租碟。
變成現今睇碟只有買與不買，無第三個選擇 - 租，反觀台灣，日本，美國等地仲有租碟舖的生存空間，各位一定同意不是每套電影都值得化百多二百元去擁有，最好就是租來睇一次算數，付費上網睇都是一個選擇，但感覺不同。

Camille124 · 發表於 2021-1-28 13:08

無計，香港市場細，如果俾埋租碟，咁唔洗賣碟都似，反而買二手睇完再放番，算係折衷方法。

C.F.Chung@FB · 發表於 2021-1-28 13:40

如果師兄們喜歡一睇再睇。其實Black Friday 在美亞買4K 碟，已經十分低。買滿US$49 又可以免運費。

densen · 發表於 2021-1-28 19:14

有無師兄好似我甘，有D電影喺戲院睇完好鍾意，到遲D出碟就買返嚟儲，純粹情意結，買完返嚟連一次都無睇過。

C.F.Chung@FB · 發表於 2021-1-28 20:15

買了碟回家後，我一定會再睇。因為有時碟的聲畫有可能好過戲院。除非你已經在最高級的戲院內睇。

stone1218 · 發表於 2021-1-28 20:29

各位師兄！我哋買影音器材，為咗睇碟！如果我哋連碟都唔買！整個影音器材界就會好快玩完！其實睇碟係－種享受！

C.F.Chung@FB · 發表於 2021-1-28 21:28

其實我個人來說。我喜歡在家睇碟多過去戲院睇戲。

kymak · 發表於 2021-1-28 22:17

影碟有時會有特別收錄, 如: 導演評述, 幕後花絮, 訪問等. 經典名片有時更會有當年在電視播上的製作特輯, 值得收藏
串流平台也要血電影公司/版權持有人取得版權才會提供, 約滿後亦無得再睇
有些比較冷門的片, 串流平台亦不一定照顧到.
有時發現在電視上播出的, 或串流平台的版本, 會把原本Aspect Ratio是2.35:1畫面 "調節"至1.78:1, 填滿16:9電視屏幕, "滿足"一般電視觀眾. 不能完整看到影原版構圖 (部份專登為電視播出而整理的例外)