尚一影音_深水埗黑店

Jojo1

上個禮拜我個女公司嘅外籍同事, 因為言語不通, 所以就托我個女幫佢買個暖爐, 但係周圍啲大嘅電器行豐澤/百老匯通通都冇, 最終係一個網站叫price.com嗰度搵到間店舖叫"尚一影音", 個老闆_陳生自稱係店員, 話有貨叫我個女即刻過數, 就安排第二日送貨, 點知佢個外籍同事第二日同佢講話部機係二手用過嘅, 係相片中見到連條電綫都發黃, 講緊$1680!!!!!  "店員"陳生話唔關佢地事, 要退貨就要自己攞返嚟, 最終我個女用咗三百幾蚊運費送返比佢, 呢間咁嘅黑店,希望大家真係千祈唔好中招   有圖有真相

小瑟

嘩.............過左數先咁驚既!!!! 一般如果係PRICE同D友仔DUE野, 我都會留左貨先(當佢有現貨), 之後就即日落去佢度取貨. 如果真係要送貨, 都會問下可唔可以貨到付款.

有時要買現貨, 都真係唔可以急, 我上次係網上買野, 一急就出事, 佢網店寫有貨, 仲以為可第二日去囉現貨, 點知第二日打去問先知原來係要等4日...好彩佢肯退錢比我!!!

kleung

小瑟 發表於 2021-1-27 10:02
嘩.............過左數先咁驚既!!!! 一般如果係PRICE同D友仔DUE野, 我都會留左貨先(當佢有現貨), 之後就即 ...

因佢知你係76大王

kkgoal

如果係Price到買野，可以同Price投訴和反映，佢地會幫手跟進和處理

mksoundhk

信PRICE就真係弓起了
老千集團散貨地

caca1984

mksoundhk 發表於 2021-1-27 14:23
信PRICE就真係弓起了
老千集團散貨地

又唔好咁講, 我全屋電器+影音野都係price.com 買, 平過大店不少, 又方便.  最緊要識揀姐. 可以貨到付款就多數無伏, 要落訂果d你就要小心了

LOENDFANS

caca1984 發表於 2021-1-27 14:36
又唔好咁講, 我全屋電器+影音野都係price.com 買, 平過大店不少, 又方便.  最緊要識揀姐. 可以貨到付款就 ...

大舖週不時都有推廣價錢有機會比網上店更平，去年在百x匯買左個"000"IH電飯煲扣理visa優惠比price.com最平價平百多元所以有時唔差太多寧可幫大舖買特別係影音器材費事一肚氣。

gamma

大舖都會上price check 行程，＄可以competitive。

經一事長一智，唔好比黑店再𠱓到就得。

剛在淘寶退了一件貨，過程都頗順利，不過就一定要keep 住和 客服對話紀錄，有cap 圖才有真相。

成龍大哥

點解做生意唔可以老實D,做衰自己個名唔知為咩........

ccchhh@G

講野 唔好以偏概全 ， 一： 你話部機有問題， 我地係話同你換過部新貨， 二。同你約左兩次日子時間 ， 到送上門日子（住址海怡半島）你又爽約， 兩次都冇人在家， 我們跟代理約了兩次 同你一換一， 約左又唔係度！ 咁咩哎， 玩野哎？
三： 我地話直接退錢比你。再叫你自己拎回來、點解要你拎回來？ 因為你約了兩次說好一換一比你 ， 你當日都不在 ！ 最好。我們怕能你呢d 麻西煩客 、 係我們退埋錢比你 、  係我地車上門收走你部機 ， 不是你拎三百幾蚊拎回來，。當日我們上門收你部機走 ，比你們樓下保安鎖埋車 ， 有晒紀錄， 你說你個女用3百幾蚊車回來？
你當日係你係你家門口 面對面 同你收走 ， 唔好空口講白話， 吹得就得！ 我出黎講不是怕左你留個言就會影響我公司！ 係不蝕 你呢d p k 片面之詞 講到自己咩都錯！ 本公司保留法律追訴權！
歡迎打電話來對質 你屋苑仲有當日鎖車紀錄 ，
有上門收機紀錄 ， 唔好講到你仲要蝕三百幾蚊車返黎！。有冇證據 send 出黎 ， 點樣車返黎哎？。
叫左咩車哎？。