初級入門問題：聆聽距離只有5尺，應否買座地喇叭！

Killerk

同事見我上post76，問我：屋企是日字廳，客飯廳分開成長方形，所以客廳的闊度只有7尺，如買座地喇叭是否不合適或沒需要，買同系列的書架喇叭就可以，因為梳化至喇叭的聆聽距離只有5尺，舉例，買b&w的606就足夠，不需要買603！我係草民初級玩家，當然上來問各位師兄，免得誤了同事！

WilsonYau@G

師兄，我相信我嘅聆聽空間都同你差不多，喇叭同皇帝位都係5呎左右。我最終都買咗細座地，起碼宜家都無後悔，仲覺得好正添😂
我諗最緊要係你自己去試聽下書架同座地邊樣啱自己聽（喇叭有無bi-wire都係考慮之一，因mission座地係有bi-wire，而書架係無嘅，我宜家玩bi-amp，覺得啲聲好正），再睇下夠唔夠地方擺，最後考慮埋budget。

koalaau

聆聽位置與喇叭太近，最大影響係聽不到低音，而唔係低音過多。

koalaau

用細書架要大音量才出到低音，我的情形係舊屋喇叭與聆聽距離夠，但搬屋後聆聽位近了，細喇叭大音量太壓迫，得個嘈字，較細音量又出不到低音，所以之後換了12吋大口徑低音喇叭，就細音量聽一樣音色平衡有低音。

留意我講係大口徑而不是座地，好多座地喇叭都係細口徑低音，只係多個聲箱谷出低音，量感係多了，但不會及大口徑出得從容，而且和細一樣書架需要較大音量低音始有看頭。

NM0101

其實只要唔影响到正常活動空間，放座地喇叭係冇問題。當然喇叭與喇叭之間要保留返一定距離，同埋因為聆聽距離近，音量自然唔會開好大，所以要搵一部推力夠的AMP，先可以在低音量下將三頻完全推出黎。

SimonHon@FB

koalaau 發表於 2021-1-25 14:39
用細書架要大音量才出到低音，我的情形係舊屋喇叭與聆聽距離夠，但搬屋後聆聽位近了，細喇叭大音量太壓迫， ...

師兄我聽緊 入門B&W607，都想換果對提升低音，

係咪低音單元，寧願一對大口徑書架 (eg 10吋) ，好過座地的兩對或多對的較細口徑 (eg 6.5吋) ？

Killerk

各位師兄嘅意見，我已比同事睇了，我只看到一個正直青年(其實都過咗30歲)誤交毒友，開始想take嘢沉淪毒海！

koalaau

SimonHon@FB 發表於 2021-1-25 15:52
師兄我聽緊 入門B&W607，都想換果對提升低音，

係咪低音單元，寧願一對大口徑書架 (eg 10吋) ，好過座地 ...

一般雙6吋或雙8吋座地，其實一隻係中低音，只有一隻係低音，與10吋中低音比，數據上細單元一樣落到50hz樓下，但聽感係會緊好多。

史提芬曾

如你同事目標係B&W，建議你同事去香港代理Show Room，帶自己聽慣嘅CD去試下邊個model啱自己。覺得咁樣最實際。

SimonHon@FB

koalaau 發表於 2021-1-25 16:08
一般雙6吋或雙8吋座地，其實一隻係中低音，只有一隻係低音，與10吋中低音比，數據上細單元一樣落到50hz樓 ...

thank you, 剛剛在 AV life 聽完
702 S2,
前級 Edge NQ
後級 Edge M 兩隻
Source Spotify

音場闊左 (係非常闊!) ， 結像也闊，成套野十四五萬，但人聲小品沒有我想要的 "濃厚"
貴，但不是本人杯茶
下個target 去試 8吋 /10吋/12吋 的三路書架


sorry 樓主，騎劫左你個post