《Tenet天能》4K 藍光碟 | 試機章節推介 | 限量鐵盒版開箱

avsuperman

工廈玩當然可以盡興，曾經有諗過，但始終唔方便，想炸機時，因為路途遠，好易令熱情冷卻，加上惰性，反而驚慢慢抽離。係屋企玩，想試野隨心所欲，最近疫情更係一放工馬上飛奔回家開場。問題係低頻滲透力難搞，以前玩太陽火12吋點爆都得，换左JBL係正好多，但一玩imax就㩒鐘仔，有次管理員係門口話聽左5分鐘，真係正，不過震得好厲害，而且我玩雙十，另一隻大地震雙10吋……太勁時唯有收斂下，真無瘾。天能用偷鷄真係好爆得，其實要多謝C兄發現850O升級韌體後仲玩到

carreyjim

avsuperman 發表於 2020-12-19 01:11
係太勁比人投訴，相位錯，低频點會有力，唔怪得你话自己的低音肥。玩親imax偷鷄好似挑戰者一号，今次天能 ...

我話肥，係因為新十仔完全未煲好又完全未開聲一定肥，低頻有力同相位係兩樣野，有好多師兄死扭十仔
又或者你某一個頻段谷鋒你唔知姐，所以成日比投訴，其實家居玩影音都要照顧鄰居感受，不斷爆機你就好開心，但鄰居放工回家想休息，但不斷比嘈音滋擾你話有咩感受
或者可以咁叫埋你鄰居一齊睇， 毒佢入坑，大家齊齊爆機

rach

avsuperman 發表於 2020-12-19 10:21
工廈玩當然可以盡興，曾經有諗過，但始終唔方便，想炸機時，因為路途遠，好易令熱情冷卻，加上惰性，反而驚 ...

我有林過直頭搬去工廈住😂😂

allen89

昨晚(12/18)經過旺角零售商, 店長同我講批港版天能4k普通版已去貨8，9成(鐵盒早已售罄)，想查詢manta lab能否聖誕前補返貨賣，答案又係同魔戒一樣，代理回覆4K港版已冇得補，(digibook 12/24已訂購人仕除外不受影響)下批普通4k膠盒版要等德國加印先有，但未有實期。

如有心想聖誕前入港版天能4k聖誕假期用來看門口爆下機的師兄們，便要留意，出手可能要快點。

carreyjim

rach 發表於 2020-12-19 13:40
我有林過直頭搬去工廈住😂😂

工廈租金唔平

chhanthony

今日睇多次，平時其他戲用－15dB睇，今日要減到－22dB，個音壓真係好誇張。

chhanthony

carreyjim 發表於 2020-12-19 11:59
我話肥，係因為新十仔完全未煲好又完全未開聲一定肥，低頻有力同相位有兩樣野，有好多師兄死扭十仔
又或 ...

一般相位唔啱低頻就唔會有力，因為反相就係cancelation，
如果玩一隻時只要夾啱main speakers嘅crossover point就得，但玩多過一隻subwoofer嘅時候，就要夾啱兩隻subwoofer嘅相位，有時夾到crossover point，但兩隻subwoofer就有啲位會有cancelation，就算係同一款subwoofer都可以發生。

allen89

chhanthony 發表於 2020-12-19 18:45
一般相位唔啱低頻就唔會有力，因為反相就係cancelation，
如果玩一隻時只要夾啱main speakers嘅crossover ...

師兄說出重點，三頻做無縫涵接，低頻量過大或過小，一樣影響高，中頻表現，試想想一個真鼓在你面前有人打緊，如幻想現場有EQ可用，加低頻量音會令鼓聲更傳真嗎？鼓聲非單單只有低頻出，破壞『原音軌』平衡度，三頻互動不可獨善其身，無多無小，低音才可能出得好，動態才會好細節收放自如，如實反映電影音響設計師的原意。好的環繞聲應該講究細緻及細節和動態一靜一動的對差，槍擊變炮轟係聽得過癮，但細節，對白傳神，微動態及動態會減低。

chm

今天已入手美版4K"天能"有中字👍

carreyjim

allen89 發表於 2020-12-20 15:11
師兄說出重點，三頻做無縫涵接，低頻量過大或過小，一樣影響高，中頻表現，試想想一個真鼓在你面前有人打 ...

兩位文筆好過我
三頻好，可以話難，可以話容易，仲要環境配合，擺位