2020年年終感恩日：為 Perfect List 加上第一個剔

alleelarry

前言：
2020年11月29日，星期六唔洗當值，天清氣朗打算出外走走，安全情況下食下買下，無太多準備下便出門，一心想買的 4K芒無哂貨，但並不是空手而回。

午餐：
首先吃了個非常豐富的「蕃茄午餐」，花費比起平日都要貴一點，但吃的有人情味，又有咩所謂呢！

∇ 滑一滑


∇ 一貝子


∇ 瑞士雞翼（帶點麻辣）


∇ 桂圓紅棗寄生茶 & 檸檬雪梨露


手信：
行過某電訊商，打開佢地自家既 AR app，搵到個禮物包，就可以免費攞到「蘇門答臘精選咖啡」！

∇ 一個人兩部手機，又或者有兩個冧把唔出奇啦，所以兩口子就攞走四枝，返去雪凍再慢慢試下


購物：
買唔到芒就四圍遊蕩下，見人家睇緊 WiFi 6 路由器，之前既去到尾房就係爭D力水，又八掛問下度下，原來買一個新的做「主機」，將舊有的化成為 MESH，不用浪費之餘，又可以確保網絡暢通，格價係電腦商場係基本步，個別鋪頭仲賣緊正價，雖然第一間問已經係減左價，最後行多兩間都可以平多廿二元，但還是比貴兩元光顧老店！

∇ 用開 ASUS 都有感情，自家合併成 MESH 點都最簡單


行行下又想起，Google Photo 就黎無得免費上傳相片，都係買定 HDD 自己做備份，行多兩間發現差價有成四十元咁多；之前買既 CM-X1 只有一個記憶卡插位，順手買張 256GB 打爆佢，行左幾間又返去賣 HDD 最貴個間，SD 卡又賣得最平，差價有十六元。



完美：
打算回家之時醒起仲未行模型鋪，可能預左十居其九又係買唔到想買既野，點知抬高個頭見到兩盒大野，大大只字寫住六百八十，當年出唔捨得買，期間都見過有減價，但就好似係倉底撈上黎，見到都怕怕；但今次呢間老鋪既好新淨下，唔算得超特價，總之係自己心目中既價位，即去櫃員機撳錢。如是者唔洗等到六十高齡，可以係自己既 Perfect List 上面加上第一個剔號；人老了自然就會有所謂既 Bucket List，早幾年已經定名為：Perfect List。話說 Perfect Grade 已經進化到 2.0，如是者剔走一個，又加多一個上去！



∇ 這個相信是當年的特典，終於可以「重逄」了

小瑟

嘩..........咁大手筆呀???

alleelarry

小瑟 發表於 2020-12-6 18:51
嘩..........咁大手筆呀???

又唔算好大既，買既野有用得黎又平左

有時刻意格價，又未必買平到，無所謂啦！最緊要人無事，開開心心又一日！