[開箱]Denon X6700H 不專業開箱文

anguslee2012 · 發表於 2020-11-20 19:50

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

本帖最後由 anguslee2012 於 2020-11-20 21:37 編輯

由10月中俾訂等左成個月，尋日終於等到佢返來了
好耐冇用過天龍，本來諗過吓8500，但諗吓又唔夠喇叭用咁多聲道（加上唔夠錢）所以一開頭目標選擇咗就係X6700H

點知間間都話要訂....有D仲唔憂賣，問吓大約幾時有貨答我：

＂唔知架，有就通知你，如果你諗住訂咗得閒就打電話來問，你就唔好訂喇＂
＂哦，好，咁我諗諗先啦，唔該你＂
＂唔緊要，你慢慢諗，你而家行出去轉頭返來可能就要等多十個人架喇＂

原來而家香港咁好景，唔出去行吓真係唔知....

之前用緊嘅係Pioneer LX901，多謝佢咁多年的辛勞，尋日終於送走咗佢，希望佢搵到一位新好主人啦

尋晚夜貓貓來行audyssey較聲，較完聲後試完好滿意，今晚試用偷雞IMAX睇吓得唔得先

同場加映佢未來兄弟...老婆送的生日禮物...

NETDSL0100 · 發表於 2020-11-20 20:11

好唔好景就唔知~不過如果佢咁答我,我會係第二到買囉

Martinkfc · 發表於 2020-11-20 20:48

本帖最後由 Martinkfc 於 2020-11-20 20:54 編輯

今時時今日，熟客有錢買嘢既人個個sales 搶住服待，今天買得4700h 6700h 8500h 唔用心養客，咁心態完全可以裁員炒走，老闆未炒完全係體量過往有貢獻，做生意唔係開善堂，老闆心事重重失眠擔心伙記養妻活兒，打工仔有無放上心？大把8500h 新買家好快影音分家，好快有要求，什麼金仔，老麥，貴豐，買唔起咩，冇可能只係佢地呢班sales 已經慣咗快錢咁心態，玩車，音響世界，攝影一直都係長江後浪推前浪。

anguslee2012 · 發表於 2020-11-20 20:57

本帖最後由 anguslee2012 於 2020-11-20 21:04 編輯

我當然冇喺果度買啦，我同我老婆去，我老婆聽到佢咁講就拉一拉我提示我走，我諗佢應該大把客，唔好阻人發達

我去左另一間買，有問有答，仲解釋埋俾我聽點解而家買呢Ｄ機要訂貨，最後落埋訂好開心有講有笑咁離開，佢話我排第７，話大約１１月中有貨返，我一直冇搵過佢，結果真係好好彩１６號就有貨俾我，因為剛剛夠貨分俾我，所以我特登落去俾錢佢同佢傾多幾句，仲好好傾添

有時去買影音野，講真，錢唔係最大問題，我預咗一筆錢去買，先問有冇現貨，問完再問你訂貨，我諗點睇都似有心買啦，但好似要求你賣俾我咁，好似去乞咁，我寧願唔玩架啫

試過去買一個DYSON吸塵機，幾千蚊，問佢連幾多個吸咀，叫我睇官網，問保養問題，又叫我睇官網，咁既然我乜都睇官網，你企喺度做乜？收銀機呀？

Martinkfc · 發表於 2020-11-20 21:02

anguslee2012 發表於 2020-11-20 20:57
我當然冇喺果度買啦，我同我老婆去，我老婆聽到佢咁講就拉一拉我提示我走，我諗佢應該大把客，唔好阻人發達 ...

呢隻sales 已經被自由行養懶晒，完全唔記得自己身份，完全配不上叫零售服務業，香港可以被所有亞洲城市代替到，完全係呢班出糧射波，認為出糧等於賠償精英搞到咁😂

anguslee2012 · 發表於 2020-11-20 21:11

Martinkfc 發表於 2020-11-20 21:02
呢隻sales 已經被自由行養懶晒，完全唔記得自己身份，完全配不上叫零售服務業，香港可以被所有亞洲城市代 ...

可能我唔係買Ｄ過十萬嘅器材啦，佢又服侍開呢Ｄ客，見我買唔夠兩皮野的器材冇乜心機，又或者佢心情唔好，但做得零售，一定要有待客之道，我以前做過幾年Sales，如果我咁做晨早俾人兜咗，我認為禮貌係對客一個基本的尊重，但某Ｄ sales可能唔係咁覺得啦...

Martinkfc · 發表於 2020-11-20 21:12

anguslee2012 發表於 2020-11-20 21:11
可能我唔係買Ｄ過十萬嘅器材啦，佢又服侍開呢Ｄ客，見我買唔夠兩皮野的器材冇乜心機，又或者佢心情唔好， ...

因為，所以，凡事總有前因後果，幾十歲人唔通幫人教仔咩😂

Martinkfc · 發表於 2020-11-20 21:19

anguslee2012 發表於 2020-11-20 21:11
可能我唔係買Ｄ過十萬嘅器材啦，佢又服侍開呢Ｄ客，見我買唔夠兩皮野的器材冇乜心機，又或者佢心情唔好， ...

零售管理，我用車牌十五分記分制，去到最後一分出 warning letter, 比個機會你上堂多三分，咁做後 MPF 有對沖咁長期服務金遣散費都可以慳番

avfansfans · 發表於 2020-11-21 12:00

c兄，可唔可以講少少，最初係邊間，後來喺邊間買？

anguslee2012 · 發表於 2020-11-21 13:33

本帖最後由 anguslee2012 於 2020-11-21 13:39 編輯

avfansfans 發表於 2020-11-21 12:00
c兄，可唔可以講少少，最初係邊間，後來喺邊間買？

最初邊間唔講了，可能係佢個人問題，唔想殺錯良民，請師兄見諒

我行了全旺角，最後竟然行遠到去左我以前玩影音從來唔會去，亦認為唔係專業的影音店 —— AV生命買

但我買得好開心，結果我同佢買左唔止一樣野，佢又叫我去第二度買喇叭（亦有可能係我撞著個好sales）

我之後上網搵咗一間好貴的音響店買，佢地差不多全店都係賣幾萬起跳至過百萬的器材，我只係買幾千蚊野，但人地服務好到不得了，由介紹我想買果對Focal喇叭性能，同叫我檢查對喇叭時要注意邊Ｄ地方，再清楚講俾我聽張單上面寫左Ｄ乜，好詳細同清楚，所以我覺得有Ｄ地方點解式微同做唔住係有理由的

[AV擴音機] [開箱]Denon X6700H 不專業開箱文

如果想睇到更多76師兄嘅分享，快啲登入成為會員啦！

評分

評分

評分

評分

評分

76 榮譽忠義勲章

76-FC 黑鑽石勲章