速評《Spider-Man: Miles Morales》PS5機主必買試機天碟 - 電玩天堂 - Post76影音玩樂平台
設為首頁收藏本站76Youtube 頻道

Post76影音玩樂平台

搜索
查看: 624|回復: 1
打印 上一主題 下一主題

[原創文章] 速評《Spider-Man: Miles Morales》PS5機主必買試機天碟

[複製鏈接]

1079

主題

1萬

帖子

41

精華

行動組版主

Rank: 8Rank: 8

積分
338635

76 榮譽版主勲章76 榮譽VIP勲章76 精選榮譽會員勲章76-FC 黑鑽石勲章

跳轉到指定樓層
1#
發表於 2020-11-20 17:31 | 只看該作者 加入黑名單 |只看大圖 回帖獎勵 |倒序瀏覽 |閱讀模式
本帖最後由 阿定 於 2020-11-20 18:17 編輯



作為PS5的第一套真獨家護航作品 (雖然PS4都玩得),除了「試機天碟」之外沒有更適合的形容詞。我用了大約8小時完成了這套作品的主線,以下逐一為大家介紹一下呢隻蜘蛛俠遊戲續作有咩必買理由。



再一次為畫面而感動
在PS5強大的機能下,用《Spider-Man: Miles Morales》試機實在係不二之選。由於遊戲中新蜘蛛俠全程以高速在紐約市中心飛盪,本身應該因為高速移動而模糊的畫質,在新主機強大的運算能力下依然能保持清晰,4K60FPS下蜘蛛俠的動作顯得更流暢,爽度實在達到頂點,當然如果想試下開啟光追功能後的4K畫面,你就要接受30FPS了,遊戲進行時只能二揀一,所以個人還是建議無玩開PC Game的朋友開光追效果感受一下新技術,特別係今集有唔少電光特效好值得細味。



試機碟般的遊戲長度
今集蜘蛛俠為2018年蜘蛛俠遊戲的正式續作,由於今集轉用了Miles Morales為主角,所以加入了幾招新招,但其餘遊戲玩法和上集事實上大同小異,有玩開上集的朋友真係教學都唔駛睇就玩得,而今集只走主線的話大約只有七至八小時的遊戲長度,BOSS戰亦只有三個BOSS,內容明顯較同類遊戲短,而支線故事、挑戰任務亦比上集少及短,唔知未來會唔會有DLC為遊戲補完。老實說,如果以今集的遊戲內容來說,他比較像上集的大型DLC而非一個完整的新作,亦因為呢個原因,我會笑稱為PS5試機碟,不過因為畫面夠華麗,這個故事長度我就原諒你吧。



新世代的過場體驗
另外,過場畫面配合PS5全新SSD硬碟,唔似上集咁要等好耐,不過我亦同時有係已更換SSD硬碟的PS4 Pro上玩,其實也比上集Load快不少,相信寫呢集遊戲時,開發組亦落了不少功夫,終於唔駛搭咁耐地鐵了。



故事緊湊、政治正確 (以下小雷)
今集由於主線長度只有八小時左右,遊戲故事明顯比前作緊湊,由於少了很多無謂支節,所以故事說得十分流暢,玩家亦可以非常容易投入故事當中,整個遊戲的電影感十足,故事算是傳統美式英雄套路,尚算可觀。而由於主角轉為Miles Morales,Sorry.....係一位黑人男孩,整個遊戲Black Lives Matter的味道極度超級絕頂強烈,故事中所有壞人都係白人、所有黑人都係好人,就算黑人做壞事都係因為有苦衷,而個苦衷就係因為俾白人害……,好啦,寫到咁係咪以為我想開火鬧呢?咁當然唔係啦,我係想講,政治正確都唔一定討人厭的,只要唔過火,一樣可以讓玩家玩得開心又帶到正確信息比大家的,蜘蛛俠作為MARVEL最受歡迎的鄰家英雄,唔係無原因的。



結語
遊戲雖然有點短,但都有足夠故事比大家欣賞,如果好似上集咁多重複又重複的支線,我情願好似今集咁,唔好太長,全破都只係約20小時,以11月咁多大作推出來講,已經非常足夠,而未有PS5的朋友,應唔應該等埋PS5到手先開始玩呢?咁就真係有點兩難啦,因為如果你今日用PS4開始了遊戲,雖然存檔可以上傳到PS5版本,但可能你入手PS5前已經完成主線劇情了吧,我自己就係先用PS4 Pro玩,到後期才換上PS5玩的,感覺有少少後悔呢,最後,如果硬要找缺點來講的話,今集的衫,真係太少太普通了。

相關文章:
日本版 PlayStation 5 到港了,火速入手開箱
《Marvel's Spider-Man: Miles Morales》 11月12日發售

1079

主題

1萬

帖子

41

精華

行動組版主

Rank: 8Rank: 8

積分
338635

76 榮譽版主勲章76 榮譽VIP勲章76 精選榮譽會員勲章76-FC 黑鑽石勲章

2#
 樓主| 發表於 2020-11-23 17:04 | 只看該作者 加入黑名單
如果購買了PS5的《Marvel's Spider-Man: Miles Morales Ultimate Edition》又有買之前Peter Parker做主角的PS4版《Marvel's Spider-Man》的話,今日可以將舊版存檔帶去比《Marvel's Spider-Man Remastered》使用啦,之前未完成的旅程唔駛由頭打過,可以係PS5玩埋落去啦!



同《Marvel's Spider-Man: Miles Morales》PS4轉移去PS5一樣,按R1上傳存檔即可。



而原本只有Remastered版有的三套新服裝都開放埋比PS4原版使用啦。





您需要登錄後才可以回帖 登錄 | 成為會員

本版積分規則  允許回帖郵件提醒樓主

重要聲明:本討論區是以即時上載留言的方式運作,Post76玩樂討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。Post76玩樂討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。權利。
快速回復 返回頂部 返回列表