歡迎各位提問一些教養子女的問題

AVabc

小弟於過去十年,
從事青少年訓練工作,
訓練過的小朋友超過一萬人,
最小的小二,
最大的大學生都有,
有很多學校攪唔掂的,
都送比我教,
如果大家有什麼教養小朋友的問題,
歡迎留言。

tennishk

唔聽話，打佢仆街。

講下笑，唔好認真。

AVabc

唔聽話，打佢仆街。

講下笑，唔好認真。
tennishk 發表於 2010-3-9 07:55

TENNISHK兄:
   
第時你老左,
要靠佢養時,
你唔聽話,
又係米打到你卜街呢?
冤冤相報何時了呢.....?

lskthomas

謝謝avabc兄!

雖然我仲未有幸做老豆, 但將來一定有機會請教ching。

不過而家d年青人都幾難明, 唔好話十幾歲d青年住, 就算我同我阿妹只係差5年 (小弟32), 我好多時都明佢諗緊乜, 仲係好唔成熟, 只看今天, 不會plan將來, 不時一個星期總會請一兩天病假 (眼訓病), 令我爸媽和我都十分擔心。

Raphael

其實而家既細路, 同我地當年相比其實差唔多......不過就多咗一個毛病 (亦係好嚴重既一個毛病) :
每樣野都以為係老奉

老奉有公義
老奉食好著好
老奉有舒適既工作
老奉社會要照顧佢地

仲要唔知醜地自我吹捧呢種 "老奉" 文化, 話 "有自己既一套" ........ 未識貢獻, 先求收獲!
完全唔知自己之所以有得 "事事老奉", 係因為有其他人喺背後為佢地付出咗好多
睇見而家啲o靚仔o靚妹...... 真想同佢地講句 :
"有能力貢獻先至學人有要求啦!! 無份埋單又要求多多...... 以為通街都係你老豆老母咩?!!"

ADA

收到.
如小弟有這類問題一定PM向你請教.

tennishk

TENNISHK兄:
   
第時你老左,
要靠佢養時,
你唔聽話,
又係米打到你卜街呢?
冤冤相報何時了呢.....? ...
AVabc 發表於 2010-3-9 12:22

AVabc 兄，
乜你咁認真呀，我都話明係講下笑！唔駛咁緊張既。

其實而家好多人話年輕一代越來越差，例不如說這一代父母越來越差。
我覺得教子女唔駛太過執著，始終好多野都係控制唔到，做父母既最緊要教子女事非對錯，
記得有間酒樓寫住幾個大字，(和子女來多，與父母來小)，當然，你點對你父母，佢未必會照做，但如果自己都未做好，點要求子女好，
我最討厭就係係子女面前食煙同講粗囗既人。

同埋我覺得人一出生就有天性，有好多野係冇得教。
孝順。(孝唔孝順，真係唔到你強求)
聰明與蠢。(所為人蠢冇藥醫，冇辦法)
貪心。(都係個句，天性)
邪惡。(真係冇得搞)

我成日覺得，好既孩子教唔壞，到咁上下年紀佢自己會識諗。
壞既孩子教唔好，比多D書佢讀，可能將來會係有智識既犯罪份子。

我唔係話孩子唔駛教，只係覺得盡左自己做父母既責任就可以，唔駛搞到個仔考邊間中學都緊張到想死咁囉。

alson

我個仔小一吾算曳,亦吾係叻,所讀嘅學校亦冇乜功課,而且係一條龍果隻,我以為好安樂,
所以,除咗keep住游水同英文外,基本上幾happy, 但係佢D同學仔嘅父母可能都是專業人仕,
個個谷到D小朋友好似last一百公尺一樣,搞到我都吾知點算?
請教.請教
無言感激

tung323

小弟都係三十有多，已經有一個小朋友六歲，今年會再多一名新家庭成員，自己都只是一個中下下下下家庭。每當一講到下一代，好多人都講佢地好多好多的不是，又或tennishk君所講好多都係"天性"或"天生"冇得攪，現在的年青人有大家所講的問題，小弟有些都認同，但問題卻是雙方面的，年青人是果，父母卻是因，所以在講一大堆年青人的問題時，都請大家苦心自問，對這班下一代用了幾多時間。
小弟在六年同小朋友一起生活的經驗，卻發現多了一些體會，也願意同大家分享，教導真係沒有一個真正的方法或方式，只是對咩人要用咩最好的方法才是重要。小朋友其實真係好似一張白紙，但佢地學壞真係易過學好，父母的懷習慣，小朋友就最易學到。小朋友當然都有佢地自己的性格，但或多或少，做父母係可以改善的，如果只是一句天生．天養，當然可以，但我只能講呢個不是一個負責的父母。
早陣子看了一本書"戒打機要有計"，是一本值得推介的書，最後作者提出最好還是唔好被小朋友禁早接觸遊戲機，原因我想大家都會想到，小弟都十分同意，但小弟卻在小朋友三歲時已經給她接觸 nds/psp... 等毒物，身邊好多朋友都提醒我，但我唔想只用家長的角色，使用權力給小朋友作出禁止，所以在給小朋友有機會打機的機會同時，會加倍的用更多時間去同佢作其它的活動，了解小朋友更多的感受而作出提醒，作什麼才是真正的開心，過程中當然還有很多經歷，直到現，屋企的nds/psp都只是四處放，沒有好明確的禁止，但小朋友都好少主動成日要玩了，遲多一兩年又未知會點，因為相信會接觸到更多更多機迷朋友，為了認同，可能又會有所改變。
所以一直相信父母係影響小朋友最多最多的人，早年開始直到現在，發現小朋友很容易的發脾氣，用了年多的時間，現在小朋友才有些微的改善．．．又是一個慢長的作戰，希望來年有機會再同大家分享小弟的成果 ^^~