攪完電容， 攪埋電阻

DAVIS5225

Alman 發表於 2020-11-25 09:14
那電阻色環已變色， 小弟估計第一環是黃色， 其餘是 brown brown 及 silver。

師兄知否電阻值？如果有m ...

multi meter係有，但係阻值已經變咗，實測爲462歐，我係估係橙色。因爲黃色色環應該係香蕉黃。

ADA

根據一張網上圖, 數值應該是470 ohm.

Alman

疍家鷄見水。。。

收到電阻， 今日花了幾個鐘換上係GG 前級 ： Audio Note， Vishay naked foil， Caddock 共12 粒 。 好開心咁開機， 點知無電到膽！再三check 之下， 原來voltage regulator LM1804 三隻腳斷咗 , 只為粗手粗腳之故。即刻去 Mouser 訂返嚟。

等待之際，如果夠力輸出的話， 可以用返隻無源前級頂住檔先

Alman

吖吖！ 捉蟲添？。。。。

諗住用 無源前級去頂檔， 點知頂出條蟲來。 接好後播首帕格尼尼小提琴協奏曲： 仲好聽過用GG前級！音色開放活潑， 樂器較質感之餘更顯大空間感。 假如GG換好voltage regulator 加埋新換的電阻都不及無源的話， 咁就乜乜啦 不過， 唔知點解用無源的電流聲幾明顯下， 有些不是味道。

以前GG同無源比較過， 最終都是GG在清晰度，層次等幾方面稍勝。 今次無源的表現唔同， 唔通與換了 AN DAC 同 最近的改動（例如 Amp換了電阻， 用了古河 NFC outlet 等有關？）

好快會收到替換regulator， 到時GG重新上路再顯下威風未定

Alman

超快shipping， 星期三訂， 星期五收到regulator！

今早換好， 一切正常。 聽咗大約半個鐘， 新電阻印象：較前厚聲一d， 背景音樂清晰dd。 今次無上次換係amp度嘅電阻效果咁即時／明顯。 可能 Audio Note tantalum欠煲之故。 話說回來， 始終小弟喜歡GG聲多過無源前級， 覺得GG的控制力及整體的solid感好d。 至於無源的電流聲， 真係唔多接受也

今次順便訂了一條三呎長專業用的 silver plated flat （ribbon） cable， FEP絕緣， 28 awg 共10 條。（每呎 加幣10元）得小弟垂青因用過Molex此牌子的50ohm 同軸做訊號線， 非常有印象。 今次試其flat cable做訊號線睇下又會點？

補充下， 小弟現在非常空閒， 所以訂嘢愈訂愈多， 將會到手的有 Viborg 紅銅鋁殼頭（Cable Asylum 有其擁躉）及 古河 14 awg nano 電線 （梗係覺得條Tri C 唔係好啱， 試下nano）。 可以陸續同大家交流了