意外做左白老鼠，天龍8500更新由頂氣變大驚喜

avsuperman

  上天係公平的，當你失去一d野時，同時會得到一d野，完全係今日的感受。
  早前出Post一直堅持唔會將8500更新，偷鷄imax的聲效比真imax勁好聲，相信近日來家訪的版友都親身體驗。真係天意弄人，自己的堅持守唔住。由18年出天龍8500，我向代理買筍機，玩得開心，由更新玩Auro3D，再去偷鷄imax，聽感大躍進，點知……返工忘了關上更新系統，就咁自動更新了。
  一開機真係好嬲，嬲自己大意，雖然DTS-HD升imax大多是舊片，無比較無事，一比較就出事。在哭機喪期間，忍痛感受下升左d乜，首先用挑戰者一号睇過30次以上的赛車戲，用玩唔翻的imax打回原形DTS-HD試聽，好傷心。手痕轉下Auro3D，空間感比前跨張，力水就差左d;在憂心下再試全景聲，真係唔同左，好似放煙花雖不及偷鷄imax大範圍，但力水接近、電鋸車力水唔講以为聽緊imax、金剛爬大廈係頭頂由右到左好清晣，之前imax得氣勢無左細節，宜家聽界卻大開、擲爛電單車不及偷鷄imax有種擲鐵感，但比舊版鴨毛那種無擲鐵聲，明顯打破舊效果，更新後係分析力強左、細節多左、力水大左、投入感有偷鷄imax近9成，卻又唔惡聲，點解會咁？相信係玩上不止7.2.4，而係7.2.6即FH都開埋聲，6隻天空喇叭開聲，真爽！最後玩左4粒鐘，不停試耳熟能詳的片段，聽南太平洋跳水係無偷鷄imax咁夠力，咁埋身，但空間大左，原來玩imax係可以玩盡13隻喇叭，CH及VOG終於開聲了，好興奮(待續)

issachar

排定隊上黎再試試佢

avsuperman

好奇怪，當我開左Audyssey，係imax同Atmos狀態下，係Off，而DTS-X未試

Martinkfc

😜咁似型容一架6700，好有興趣知道原封atmos 碟跟以往比較功力上咗幾多成分析能力🙏🙏🙏🙏

dik

我自己就未升，不過我就唔覺偷雞版imax好聲，係低聲強左，不過分析力弱左，唔知係咪條線弱。等大家升級講下報告下！

avsuperman

DTS-X一樣可以玩13隻喇叭

avsuperman

issachar 發表於 2020-11-12 23:55
排定隊上黎再試試佢

上次聽完偷鷄imax係咪夠震撼，下次聽下升级你會對Atmos有新感受。約時間

Martinkfc

avsuperman 發表於 2020-11-13 00:28
DTS-X一樣可以玩13隻喇叭

師兄，原來你裝齊八隻天空喇叭 羨慕死人

Martinkfc

avsuperman 發表於 2020-11-13 00:33
上次聽完偷鷄imax係咪夠震撼，下次聽下升级你會對Atmos有新感受。約時間

我可以掹衫尾嗎🙏

avsuperman

趁記憶猶新，繼續！
  體驗完挑戰者，馬上試下其他，可能係阿Q精神，無得玩偷鷄imax，唯有專注鴨毛表現。先聽阿拉丁入城，音樂感包圍強大，人声咬字實淨左，好記得抛樹葉，範圍大左聲效更清晰，比舊鴨毛埋身得多。同老婆試隱形客，佢話落雨聲好真實，我就認為雨粒感厲害，頭頂聲明顯，直頭要擔傘睇，當隱形人出現，嚇一跳的聲音好醒神。復4用槌擊盾，低音力度令我喜出望外。殺神2音質密度、爆破力、空間感與速度感，大大提升……果然有料到，整體分析力高左，力量夠，定位細節多左，如果有玩imax都知FH的影響力，今次升级用埋FH，音場改變明顯，想追求番偷雞imax，扭大音量，由-18去到-16，會有接近9成效果，但分析力肯定嬴唔少。
  無比較無心思思，升级前先考慮有無加FH，如果玩埋CH及VOG，你聽完後會馬上升級，尤其鴨毛鐵粉，绝對帶比你驚喜。！如偷雞imax捧場客，可以觀察下先，不過幾年後升级新機或好快轉A110版友，盡快忘記偷雞iimax。
  今次的確係人生交叉點，有得有失，一向DTS捧場客，如今我要轉投Atmos懷抱了，希望真imax會多出碟，亦都想聽下DTS PRO用13隻喇叭出聲的威力，不過遇到黑豹製作，真係更新左都無力……如有興趣可以交流分享下