Panasonic 電視三天有問題??? 咩話 : 係正常!?! 附相片

waisan1379 · 發表於 2020-10-25 21:56

其實師傅簡單簡短回覆，電視有綠光…影相幫你紀錄好同公司反影問題，等侯公司處理。不需要講廢話，師傅角度不能代表公司回覆，我理解！但綠光係正常…平機係咁㗎，會唔會 over 咗，自己倒自己米？？？還是公司內部溝通有問題，有人故意倒米。我嚟買電視有問題頭七天一換一，全行都知，其他我唔識…唔到我理…唔到我管，話之你師傅上嚟講粗口。我唔相信 National Panasonic 日本品牌特登出一部平價機係咁㗎～～～

我好簡單，等候公司處理。人地代理未有人返工未有回覆。

vincent369 · 發表於 2020-10-25 22:08

建議師兄投訴個師傅，色盲都請呢維修電視!

Kit2016 · 發表於 2020-10-25 22:46

waisan1379 發表於 2020-10-25 21:56
其實師傅簡單簡短回覆，電視有綠光…影相幫你紀錄好同公司反影問題，等侯公司處理。不需要講廢話，師傅角度 ...

Pan 記的產品品質確已不是以往的優質｡
我今年8月在人氣店買了一部$7000多元的雪櫃，收貨後用了9天發現上門側有五條像鎅花的花痕，通知代理師傅上門影相及檢查，我要求師傅註明要換機。
大約一星期後，代理再送另一新雪櫃來。當時發現下格冰箱打唔開，叫送貨師傅睇吓，佢用力拉開後，冰格門邊膠位變鬆了，當上門用一般力關門時，下門冰格會彈開。
結果，叫師傅收走第二部機，俾返第一部機我用著先｡再等了大約數天，代理再約我換機，結果9月尾送的第三部雪櫃可收貨｡
代理肯跟進，但足花了一個月時間，在疫情下又要請假，又要等師傅送完貨清潔家居，都幾煩的｡