Nuprime AMG PRA+STA 一套西裝

chopinlau

一路用開Nuprime MCH-K38 8CH後級其表現交足功課，入咗梅之後一直物色一部優質前級，但位置所限要搵一部好嘅前級而又放得落真係唔容易！在今年上旬Nuprime發布第二部向CELLO Encore前級的1MΩ輸入阻抗為基礎的中價位前後級AMG系列，因這套機真的好細部，就對她的前級AMG PRA感興趣，在九月時發現新代理在觀塘亦可試聽，所以約試聽這部前級，當時經同廠CD轉盤和DAC-9用RCA接一套AMG來聽，接過兩對唔同嘅喇叭聽都算不錯，「當時沒有XLR線而未能聽真其表現」，再試其它功能，在左按扭有項功能"主動低頻和諧波增益"是一般前級所沒有，同Loudness功能有所不同的是，啟動後其高頻並沒有衰減或壓縮，試了三段不同設定分別是125Hz +2.2dB、100Hz +4.5dB、75Hz +5.3dB，可因應唔同喇叭低頻不足而去增加，右按扭是開關機和輸入選擇及音量制，中間偏右有兩個制左邊是增益；右邊是正反相設定，當加咗增益後聲音大了一圈及低頻都會多咗，在晚上聽歌時用這個都不錯或錄音電平少的音樂用，最後入咗部前級。

在家接落現有系統用XLR線經MCH-K38後級推4306開聲，在無加增益和低頻下，近場聆聽都聽到嗰浸低音彈跳同力度感，4306係鑑聽型喇叭中頻會響啲，然後轉返對Sonet喇叭聽，音樂感多啲但低音沖擊力無4306強，高音柔滑粒粒音都好分明有質感，中頻甜少少雖然同膽機仍有距離，不過這部前級的聲音表現有點超乎想象。記憶中E470夾Sonet係有所欠缺的，現在所有都有齊了，亦都好多玩法，如加低音或加增益來配合唔同歌曲來聽。

及後同代理借埋部後級來對比我部多聲道後級，發覺兩後級相差唔多於15%，分別在於中低頻STA修飾得好些，而最大分別係兩機熱度，STA係微熱而MCH係好熱，這後級嗰開關制好特別，當向下關機狀態時是可用遙控去開關機的、亦可手動向上來著機，但就不能用遙控來開關機了，後級亦可橋接變單聲道後級，所以最後入埋STA一套西裝聽兩聲道，整體AMG PRA嗰驚喜係大于STA，往後亦可換MUSES8920及JRC 2114DD運算放大來調聲。

jeffreylam98

你會唔會玩 mono ？個時 sta9 mono 正好多

chopinlau

jeffreylam98 發表於 2020-10-15 15:42
你會唔會玩 mono ？個時 sta9 mono 正好多

MCH-K38我就有用作BTL，AMG STA就唔會用作mono了，因用了PRA後連增益或低頻都唔落已經有氣有力，如要兩部STA不如一對ST-10M好些，因10M比AMG STA高一班的。
STA-9噈無聽過了，代理話都不錯的。