參考前人作品：《頭號殺姬Ava》

alleelarry

  
前言：
早前回歸劇院時，看過電影預告，大概就知道呢套電影，又是另一部殺手被殺手追殺的「頭號目標」，剎那間閃現了是由 Voltage Pictures（網址：接此）所製作，有明星，有動作，至於故事就要睇過先知！個人看 Tate Taylor 作為演員多於擔任導演一職！近日較忙，看了的電影也沒有時間寫點東西跟大家分享，今天有點感覺就落一下筆！




觀感：
看罷，最精彩的都係電影預告呈現出來……，值得嘉許。音樂響起，何解是這麼熟悉？近似那一套電影！？主題音樂富有《殺神 John Wick》特式，及後了解過是來自不同的作曲家。先前說過的殺手被殺手追殺，又咁橋係《殺神 John Wick》的骨幹故事，或者你會話殺手電影唔係咁，仲可以點！？但再來一場的士高火併，場口都是熟口熟面；起用的男配角更加有份參與《殺神 John Wick 2》的 Common，只是沒有當上殺手一職而已（∇見下圖1）。另外的幾位配角，都曾出演過殺手角色（∇見下圖2-4）。Jessica Chastain 雖然都跟其他動作女星，一樣有受嚴格的武打訓練，但始終不及《原子殺姬》的 Charlize Theron、《殺神 John Wick 2》的 Ruby Rose 及《Anna》的 Sasha Luss，打得那麼有說服力！






影音：
兩者未見突出，或許是製作成本本身都不高，要求相對也不可以有期望了吧！

結論：
殺手電影為主題的電影其實拍過了不少，即使《殺神 John Wick》故事本身簡單直接，勝在動作場面設計每有突破，藍光影碟又遇上了 4K 年代初上場，不少朋友仔都以低價入手用黎守門口，再拍多幾集都應該無問題。至於這一套參考前人的作品，同樣留有「結尾」，多拍一兩集沒有問題，但現實係殘酷的，續集明顯需要的是票房，再加上疫情關係，就只能看運氣。

指數：3分（5分為最高推薦）

cc1357

thanks for sharing

正宗球迷

呢部戲拍到喉唔到肺.
jessica個身型睇到係有練過野,但係佢動作打得唔好睇,仲有跑步個陣好似好硬咁. 好少見瘦既女士跑步咁樣.
劇情個鋪排都可以,  但係麥高維治個段咁樣送死.同時哥連費路個大女, 好似好抽得,點知比麥高域治幾招了.
仲有佢比老豆看輕,唔重視, 個下眼神之後又冇乜表示, 係最後一個shot有野, 不過我會諗佢向ava學野,多過想復仇.

哥連係一個組織大佬,咁少殺手, 要親自出手, 仲要走個下咁笑料,真係吹到漲.

alleelarry

正宗球迷 發表於 2020-10-18 18:23
呢部戲拍到喉唔到肺.
jessica個身型睇到係有練過疇,但係佢動作打得唔好睇,仲有跑步個陣好似好硬咁. 好少見 ...

個下眼神我都以為有後續，點知今集無，咁究竟係留多D野下集定係被剪走就不得而知了！

大佬親自出馬，呢D咪正正係「港式」，所以標題以「參考前人作品」就係咁構思出黎！