求教蝸居電視櫃擺位

twins97

小邪ktm 發表於 2020-10-4 16:17
耳聽為實,師兄最好親自去試聽一下,AV life 都有好多款,b&w 606做緊特價六千！
師兄提嗰啲喇叭計,小瑟大王 ...

謝師兄，如果 wharfedale 的話我呢個有無咩 model 推介？
上個網站睇佢書架型都有好幾款，有啲亂😆
Thanks

小邪ktm

twins97 發表於 2020-10-4 23:19
謝師兄，如果 wharfedale 的話我呢個有無咩 model 推介？
上個網站睇佢書架型都有好幾款，有啲亂😆
Thank ...

D300系列！不過大王最後都轉回mission qx系列！

成龍大哥

twins97 發表於 2020-10-3 19:43
小弟應該 Netflix 漸60%，打機/聽歌佔餘下嘅 around 40%, 而且就算聽歌都應該只會係 Apple Music/ moov果 ...

120cm??電視都佔了近100cm了.......

bbc701

twins97 發表於 2020-10-4 23:19
謝師兄，如果 wharfedale 的話我呢個有無咩 model 推介？
上個網站睇佢書架型都有好幾款，有啲亂😆
Thank ...

你個問題係空間，但你如果想玩 AMP 就一定要放棄電視 Size 可能只夠放 3X 吋，喇叭太細唔夠玩，太大又放唔落
當你買 B&W 600 兩邊已經 165mm x 2 = 330mm 闊度剩返 870mm，43吋電視都差唔多 965mm，如果要中置，電視櫃唔使整，買簡單木架放 AMP 架頂放中置。
Anyway 其實 1200mm 又無 Surround 只可以玩半桶水音效，不如玩 soundbar 啦。
認真講你個空間其實等於一張電腦枱隔離放套 3.1 為乜呀，一係監粗整埋後邊變 5.1，唔係你之後睇電視及電影都幾辛苦

我再簡單咁樣講，攞部iPad Pro 12.9 駁5.1睇Netflix會有乜嘢家庭影院感覺呢?

twins97

謝謝各位師兄意見，其實前文都有提及已經向揸 fit 人申請到增加影音位置到140cm (當然可能其實大家可能覺得同120cm無咩分別😆）
頭先再向揸 fit 人傾過，皇恩浩蕩， 可再預多10cm 俾電視影音位, 總共150cm咁大擺😰，甚至乎有機會偷多5-8cm
另一方面亦批准梳化後緊貼的牆身掛兩隻細型 surround (唔知咁貼梳化有無大用？）

電視暫定只選43” （即有師兄提到嘅大概96-97cm) ，咁情況整兩隻細書架有無得玩？

仍然係偏細嘅闊度，中置是否多餘？
如果整隻細subwoofer擺在前置的下邊位會否所有喇叭太集中

定其實真係玩 soundbar 算😔
再謝過大家意見

bbc701

twins97 發表於 2020-10-5 01:52
謝謝各位師兄意見，其實前文都有提及已經向揸 fit 人申請到增加影音位置到140cm (當然可能其實大家可能覺得 ...

你不如比張 floor plan 大家睇吓啦，房門口嗰幅1200mm牆基本上已經砌咗磚，而另外果加長果 20-30cm 係邊度走出嚟，睇完幅圖大家先可以知道點樣幫到你
提醒你一樣嘢影音呢一樣野，空間大同空間細都係可以玩，只係要知道你自己想玩乜，六粒骰仔都可以叫5.1，只係好唔好聲，但玩 AV AMP 中置 + sub 基本上一定走唔甩

小邪ktm

twins97 發表於 2020-10-5 01:52
謝謝各位師兄意見，其實前文都有提及已經向揸 fit 人申請到增加影音位置到140cm (當然可能其實大家可能覺得 ...

如果師兄唔怕麻煩又有批文,絕對支持師兄玩喇叭,就算三隻喇叭一字排開放電視下面,咪當一支大soundbar囉！況且師兄依家爭取到150cm,已經足夠玩49吋tv加2邊放小書架,49吋tv110cm, whardefale d320 18cm,後置都出埋批文?咁就唔駛諗,已經完成一個家庭影院！

MDLP

twins97 發表於 2020-10-5 01:52
謝謝各位師兄意見，其實前文都有提及已經向揸 fit 人申請到增加影音位置到140cm (當然可能其實大家可能覺得 ...

如果有150cm闊
前後牆有8尺起(約240cm)
老虎魚蟹都上盡65"
再喺電視機下放三隻衛星或小喇叭
同一個筆直又放得落
頂級8K43寸都不及
低兩級大兩個碼來個震撼

要公公正喺150cm中間放部43"
左右放對窄窄喇叭
祗可以話係為買而買嘅一個家居擺設
並唔係一套可投入享受嘅AV組合

twins97

bbc701 發表於 2020-10-5 02:17
你不如比張 floor plan 大家睇吓啦，房門口嗰幅1200mm牆基本上已經砌咗磚，而另外果加長果 20-30cm 係邊 ...

其實我唔係樓主😆開 post張相唔係我的，不過我見到樓主張相剛好又係120cm , 所以搭單問問

我果度預備裝修，類似典型細細個長方形大廳，然後預計當中左右兩邊分客飯廳，不過揸fit人預個客廳一部分位要放未來揸fit人啲大型玩具（例如玩具廚房玩具枱兒童梳化之類）所以最初只俾到120cm闊的空間我放影音嘢，不過宜家爭取到多30-40cm空間（無可能俾多過15x cm我)。深度方面其實又係窄😔，梳化後牆距電視牆約23x cm, 梳化只能貼牆放，不過叫做又爭取到俾掛對細細隻果類 surround

不過自己都明白始終budget及空間其實都好有限，自己亦係新手，唔會玩咩高級嘢，只係想在有限空間和金錢下睇吓做到啲咩

我自己傾向睇 Netflix為主，聽歌其次（當然可能喇叭好聲的話會聽多啲), 不過聽都係 streaming果類，唔會玩唱盤 or even CD

最早都係睇 soundbar,見細細條都話玩到假3D聲，就想試下，不過睇睇吓（本地/外國網站）好多都話同樣 budget玩amp +喇叭 聲好好多，睇戲音樂都適合，就上來問吓大家意見

twins97

MDLP 發表於 2020-10-5 07:49
如果有150cm闊
前後牆有8尺起(約240cm)
老虎魚蟹都上盡65"

65寸對我來講太大了，始終深度唔夠，連55“ 揸fit 人都覺太大，又驚睇壞小朋友眼
原本目標48-50”, 但當時批文得120cm 位，左右放唔到喇叭，都諗過細細隻喇叭放電視下邊，但唔知好唔好過 soundbar, 就順便上來問下意見