攪咗好耐都攪唔掂

carreyjim

alleelarry 發表於 2020-9-27 17:57
重點在於最後一句，低音去左第二到，即係未搵到正確位置，再試！

無得再試，我覺得對喇叭做唔到我想要嘅聲音

koalaau

carreyjim 發表於 2020-9-28 02:04
無得再試，我覺得對喇叭做唔到我想要嘅聲音

我舊居聆聽位置較遠，用細書架低音都好好，但物理所限，細低音單元仍係要較大音量才出到低音，當然聆聽距離較遠，就大聲少少都不是問題。但當搬屋後聆聽位置與喇叭好近只有六七尺就唔得，因大近開大聲太大壓迫感亦唔好聽，所以反而換對12吋低音，咁就可以細細聲都聽到一浸浸低音，當然亦係會有行開較遠反而聽到更多低音的情形，不過坐在所謂皇帝位的低音仍可接受有餘，亦唔會boom，因為屋內空間係有的唔係密封，只係香港地方細，一般都無法發揮喇叭真正實力。

順帶一提，日本人喜歡在細地方反而用大喇叭唔係冇道理。低音單元係一吋長一吋強，首先要有足夠低音，之後才再處理低音如果太多的問題。

carreyjim

koalaau 發表於 2020-9-28 04:45
我舊居聆聽位置較遠，用細書架低音都好好，但物理所限，細低音單元仍係要較大音量才出到低音，當然聆聽距 ...

同你講情況差唔多，但12吋AV機推唔郁

LoMichael@G

carreyjim 發表於 2020-9-28 19:22
同你講情況差唔多，但12吋AV機推唔郁

加部後級咪得囉。

alleelarry

carreyjim 發表於 2020-9-28 02:04
無得再試，我覺得對喇叭做唔到我想要嘅聲音

即係又要換喇叭？

koalaau

carreyjim 發表於 2020-9-28 19:22
同你講情況差唔多，但12吋AV機推唔郁

av amp就算夠力聲音質素都係好一般。
12吋我係中古yamaha ns1000m，現代喇叭想有12吋，除左低檔野，應該都好貴下。

EricTse@FB

音箱設計已經時代唔同咗
依家喇叭要有12寸低音效果8寸×2可以啦！
又可以用6寸x3 x4加強低音量咪又係12吋囉！
物理上細單元要產生大量低音用幾個排列做柱型咪可以囉！
細屋用多單元排列柱 型喇叭可以等同用緊12吋單元喇叭

carreyjim

koalaau 發表於 2020-9-28 19:51
av amp就算夠力聲音質素都係好一般。
12吋我係中古yamaha ns1000m，現代喇叭想有12吋，除左低檔野，應該 ...

但都無理由正常低音都無， 周圍都有，係坐位置就無，唔通低音抵消咗

koalaau

EricTse@FB 發表於 2020-9-28 20:05
音箱設計已經時代唔同咗
依家喇叭要有12寸低音效果8寸×2可以啦！
又可以用6寸x3 x4加強低音量咪又係12吋囉 ...

細和大的低音單元可能都出到同等赫數低音，可以咁講，但嚴格來說係好有分別。

12吋振膜和6吋振膜單元大家發聲面積唔同，你可想像係6吋鼓/鈸和12吋鼓/鈸，兩個6吋鼓皮面的震動係唔會出到12吋鼓皮面的聲音。喇叭可以造到出同等赫數低音，但不同大細單元的振動，出來的聲音係好有分別。

koalaau

carreyjim 發表於 2020-9-29 00:54
但都無理由正常低音都無， 周圍都有，係坐位置就無，唔通低音抵消咗

可以咁講，低音在的，只是你的「皇帝位」聽唔到。
正如若某房的喇叭起boom，就要再擺位、攪吸音/反射，攪到唔boom，現在只係情況相反聽唔到。