電視機買機格價 10 大貼士 (轉載)

wil-wil

轉載自 PCM 網上應用知識庫版 資料

Tips 01 睇人劈價
一進入商舖後，建議大家留意店舖周圍的店員的口面，如果你覺得將會服務你的店員面口是黑色的，建議大家立刻逃走；反之如果店員是笑容滿面的，感覺是真心希望你買到一部好價錢電視的，分分鐘可以劈到一個好價。

Tips 02 大牌電視水位大
雖然，大牌子的電視表現一般都比其他二三線牌子電視好，但是表現的差距和價錢的差距是否成正比呢？可能犧牲少少功能，卻可慳很多。此外，大牌一開始定價會高，如果大家想買大牌子電視的話，建議落一點嘴頭，價錢可能有更大下調空間。

Tips 03 看準型號劈價更容易
到了商舖大家挑選的型號就好看大家的功力，大家挑選的是舊型號的話，如果型號將會 Fade Out，劈價的空間就會更加大，同時如果大家挑選的型號是差不多沽清的話，同樣店員為了清貨都會給你一個好價錢。

Tips 04 同區選店撞人不撞舖
就以旺角為例，一條西洋菜街頭可能同一間連鎖店都有 4、5 間分店，可能大家就會困惑究竟要去哪一間買好呢？第一，選電視比較多的一間；第二，選店員和你最健談的一間，因為店舖電視比較多，可以選擇的種類也比較多，其實同一間連鎖商舖電視的價格都有統一，找一個健談的店員可能會給你一些額外的優惠例如給你更多的贈品，而非一定是更低的價錢。

Tips 05 愈近大時大節愈平
大時大節前 (如聖誕新年，或世界盃舉行前夕) 大家都會爭相去買新電視，不過愈近旺季各個大商舖為了去貨相信都會以更低的價錢去吸引消費者，所以如果大家要掃平貨可能等一下價錢就更好，不過！有風險的是，很多電視到時都開始到達貨尾的階段，到了想買的電視已經全部沽清就得不償失了。

Tips 06 3D 電視宜忍手
今年電視正式踏入改朝換代的時期，相信會有很多新電視推出，不同品牌都會有自己的最新電視上場，可能大家會對今年最新的 3D 電視感興趣，還是建議大家可以等一等，因為相信 3D 電視一推出時候，價錢一定十分昂貴，而且現在 3D 技術還尚未成熟，大家還是忍一忍手，等 3D 電視的價格和技術都達到成熟地步時候再拍板都未遲。

Tips 07 因應預算揀 LED 背燈
現在的 LED 電視劈價潮已經開始，如果大家有心想買 LED 電視的話，又有預算的話不妨花費多少少錢，買一部 LED 電視，表現明顯地比一般 LCD 電視好。就假設以 $14,000 預算格價買 LED 為例，如市面上大部分型號既價錢都差不多大家心目中是差不多預算的話，就要衡量一下性價比了!

Tips 08 活用信用卡優惠
很多大型連鎖店一同推廣貨品優惠客戶，故此很多時其中薄屏電視機經常會做特價優惠，故此可以多加留意宣傳單張和多上連鎖商店的網站更新最新優惠，同時現在買電視商舖都會附送不同的銀行現金券回贈，這些都可以幫各位慳錢。

Tips 09 現金付款 放棄贈品
由於用信用卡或分期付款，店舖都要支付銀行手續費，因此建議各位說明用現金結帳，同時亦可將價格劈得更多。另外近年不少連鎖式店舖都喜歡送禮品吸引顧客，所以不妨問店員不要贈品能否扣減價錢，若是代理送出的贈品，就不要開盒，直接放到二手市場上套現。

Tips 10 留意電視出機動態
如果大家想買電視，應該預先上網參考或多看相關影音雜誌，看一看各個大品牌的產品動向，例如曾有商舖表示某牌子可能在短期內有新電視推出，所以之前的型號價格就會逐步下調，所以做得功課多格價就更加容易了。

rikudoll

黎緊要換 tv , 值得參考

大玩偶

黎緊要換 tv , 值得參考
rikudoll 發表於 2010-3-6 09:02

來來去去都係 500A  一部睇得上眼

大玩偶

不過咁喎.... 如果想主力係睇戲...

直接買投射啦 ~

其實 50" 都唔係好大... ! 少左一份震撼力 ....

AVabc

唔好意思,

第一同第二點我完全唔認同:

1.睇人劈價:
這是真的,
但意思不是這樣...

個sales最會開心的是賺到好多佣金,
你買唔買到部好機,
根本唔關佢事(以短視的零售角度),
而個價越低,
佣金必定越少,
那怎會開心???
而好多時笑住口對住個客,
係因為對上一個客比自己剛剛「劈」完,
大有斬獲,
才會笑住口。

但一些黑起口面的又不等如會在他身上取得到好價,
只是他剛剛遇上些不如意的事情,
令佢情緒有d波幅姐....
他可能會平比你,
但又可能因為上一個客冇得賺,
今次係你身上開刀.....

而我的經驗是找一個最年輕而多野講的,
年長的,
經驗老到,
佢會比你講得贏?!
人地係pro尼架,
日日講,
你同個豬肉佬比刀法.......找死.....
而且年輕的沒有太多熟客,
單少,
自然會希望以較低價錢給引客人落單,
因為sales的底價與來貨價仍有距離,
所以sales仍有佣金,
而很多時老店(店長)都是先看你做到幾多張單,
之後才看你每張單做幾多,
所以很多年輕的小伙子都會很輕率地減低價錢,
希望你盡快落單,
而且佢欠缺談判技巧,
佢先開低價,
你壓得兩壓,
再話諗下先...
佢就會怕走左張單而死死氣比個最底價出來。

而要選口多的一個,
是因為這類人會喜歡在同事面前認叻,
做到幾多張單是他的武器,
所以這類sales最怕走客,
而且言多必失,
你會有更多機會食住佢!

rikudoll

不過咁喎.... 如果想主力係睇戲...

直接買投射啦 ~

其實 50" 都唔係好大... ! 少左一份震撼力 .... {:6_1 ...
大玩偶 發表於 2010-3-6 09:58

間房無位玩投投啦 , 頂盡換 40"

AVabc

2.大牌子水位大

唔好意思,
當年於泰林,
一部菲xx29吋電視有$450佣金,
而聲x就得$6、索x得$10!!!
你係Sales,
你賣邊部?!
越大牌子越多人找,
果d客唔駛你搵,
自己送上門的,
但一定係入尼問個「最低價」,
所以那間最低,
那間便做到那張單,
這樣的話,
電器零售商晨早就執晒,
邊有錢賺,
當年的黑店手法,
就是這樣產生,
你比左訂金(因為價錢平)之後就開始「做野」,
這是當年sales的學歷、文化、道德、專業知識都偏低時所產生的一些「生態」,
要搵食,
乜都做得出,
有了消委會後,
情況是一路改善的。

到後來,
sales的專業知識與學歷都好了,
就開始出現一些如:校靚d某一部「好肉」的機款,
就說比其他牌子好,
但這文化維持不久,
便被互聯網、討論區等營造的高透明度所打破,
為何只有你一間係咁???
很容易被識穿。
所以是互聯網提升了音響零售業的市場文化....

而商人們都要賺錢嘛!
那怎辦呢,
多人買的「貴」牌子沒有錢賺,
而有錢賺的少人問津???
那就成就了市場推廣於音響零售界的高速成長,
香港人有一個習慣,
「見」得多就是好野,
所以君不見幾間最大的零售商,
廣告都是一模一樣,
你唔到廣告最後,
你都唔知係百xx、中x、定雷x....
推廣中將一些好肉的型號/二三線牌子,
刻意大特寫,
而且,
通常都會在「規格」上將其他品牌比下去,
但科技日新月異,
法例的監管根本追不上,
而市場上亦很正常地缺乏專業知識的支援:
你會知點度得出2百萬比1的對比度?原來黑色是拔電源線度的...
你會知部amp真係有200w x7的功率輸出??原來我有我公式....1000w都得呀..
你會知對喇叭真係由27Hz至到35000Hz???原來27Hz時低了20個db,我個儀器度到,你聽唔到之嘛...
所以這令很多人盲目地去信一些「數字」,
令一些質素較差的二/三線品牌有不俗的銷情。

市場是一定黑暗的,
但在當中找一些真的性價比高的產品,
才是玩影音的樂趣!!!

sunnyt

回復 7# AVabc

師兄非常 pro ~~~所言甚是!!

leomatrix

C hing..好有見解 .. 謝謝..

wil-wil

agree ... 我有朋友百記做，佢話 SXXY 個隻既任何野水位緊底，再落就連佣都無。反之，三叔及 LX 就好好，所以點解成日推比買家話點正 ...

2.大牌子水位大

唔好意思,
當年於泰林,
一部菲xx29吋電視有$450佣金,
而聲x就得$6、索x得$10!!!
你係Sales ...
AVabc 發表於 2010-3-6 10:48