有感而發，買電視機的苦況

joeblack

小弟電視壞了，於是開始做功課，準備換機。在過去的一星期當中，已經上網做了資料搜集，鎖定了四部型號，包括：

1) Sony 49X9500H
2) Panasonic 49HX900H
3 LG Nano86
4) Samsung Q80T

於是四出去各主要連鎖店試機，eg 豐百中等。 小弟基本上想要求他們可否試播4k電影，1080 電影， 和普通電視，小弟想看看質素如何，因屋企人一半時間睇電視，一半時間睇電影，而且又仲有好多1080嘅舊片 。大大話話去了十多間不同的店舖，结果95%啲sales都不太願意去set每部電視去同一個source作出比較，可能因為要撳太多掣，有一間甚至說：『先生，冇人會好似你咁去比較嘅喎 』 ，並且露出好不願意的態度。 這是苦況一 。

至於苦況二， 佢哋十個十個都係 sell LG Samsung, 講幾十個好處出嚟話比你聽點解你要揀LG。而且勁踩sony 和 Panasonic，這兩個牌子，吾係收最底就係放上天花板。 我現場睇過好多間， 在佢哋舖頭又真係睇得出sony同panasonic嘅質素真係超差，無論層次感，黑白位，顏色準確性，對比度，流暢度等， 睇落去你真係唔會揀sony同panasonic， 只會覺得 LG 和 Samsung 真係高過佢哋幾十班。 但係我吾忿氣， 因為做過功課 ，好多師兄都對sony同panasonic 有好多唔錯的評價。 於是我就上去 sony同埋panasonic嘅showroom 再睇一次。 結果發覺質素和我喺豐百中睇既好大出入， 簡直係 一個天一個地。 而且，他們陳列室啲 sales 服務水準和態度非常好， 你想點樣試佢哋都非常樂意配合， 非常專業，尤其係sony， 意見中肯又專業， 至少佢哋唔會喺你面前勁踩其他牌子， 又唔會在意你到底會唔會同佢買。 講返質素点解會有咁大既出入，好明顯，答案只有一個，相信大家都知道點解，唔使我多講。

我以上嘅經驗，我只得出一個結果，作為消費者想買一部電視， 喺而家嘅市場環境，你根本好難在大連鎖店可以公平地試到你想買嗰部機嘅質素到底如何， 不能作出一個公平嘅選擇， 並且你看到的畫面質素可能充滿誤導性。 唯一嘅辦法可能就係去每個牌子的陳列室去試機。

结果，由於LG同samsung喺香港好似冇陳列室, 所以小弟只係sony同panasonic裏面二揀一。 小弟憑著Top Gun嘅trailer 就已經分出勝負, Sony 尤其勝在色彩嘅準確性和流暢度，upscaling 比 panasonic好好多，的F-16 飛黎飛去睇得非常流暢，同埋層次感都優勝過panasonic ，畫面出嚟好自然好舒服 。 所以我都係決定買sony 49X9500h。 以上係小弟嘅愚見， 可能有師兄唔同意，見諒。

fansiuchan

絕對同意c hing 的說法，特別是咸片生活，95%的sales嘅質素真係超差，態度差又唔專業。還有一家叫X利，當年想買Y記M，絕對係sales的態度使我決定唔買

Overnite007

fansiuchan 發表於 2021-7-21 22:07
絕對同意c hing 的說法，特別是咸片生活，95%的sales嘅質素真係超差，態度差又唔專業。還有一家叫X利，當年 ...

唔係wor, 沙田個間服務超好

ronan

sony 和panasonic 都係日本牌子，所以services 一定係好好

其實唔好話電視，其他日本牌子如canon 的services 都好好, 相返magictv 的services 都痳痳

起1080p 年代，當時百記多數都會sale samsung 電視 ，好似話commission 會多d , 我每次買電視都會直接問sales sony 電視的價錢，所以d sales 唔會sale 我買三星和lg

samsung 好多電器都痳痳，又易壞，services  又差，我屋企無一樣電器係三星(包括電子鎖)

我好鐘意sony 電視，起sony trinitron crt tv 年代已經好鐘意，因為sony 電視出的顏色好靚，特別係睇演唱會，舞台d 燈光打出黎好靚

panasonic 的電器好耐用，但質素痳痳，例如冷氣無大金咁好，電視無sony 咁靚.......

神武光輝

四部都差不多,咁都揸唔到主意,咁你人生肯定好多煩惱！

avgod

咸片生活 樂富店 太古城店 幫襯過又OK WOR，如果近你可以去試下

成龍大哥

我諗樓主已買了新電視好耐了......

gamma

fansiuchan 發表於 2021-7-21 22:07
絕對同意c hing 的說法，特別是咸片生活，95%的sales嘅質素真係超差，態度差又唔專業。還有一家叫X利，當年 ...

我係咸片生活買，ok wor, 有時候人夾人和有些技巧，首先要做下fore play 吹下水，sales 知你真是有心買，服務自己會好d。若果遇到個差的，咪第二間，係佢損失

MM622

Samsung TV 可以去 AV-Life 睇 (Sogo 上面), 佢地有幾多demo 機,  我用緊Samsung 4K Q7F (65"),  So far 滿意, Samsung after sales 服務唔錯, 每次打電話去都好詳細教我做 setting 或解答其它問題..

我買 Samsung 主要因為佢個 One connect box (高型號至有), 所有cable 天線, HDMI, LAN, 都入晒去呢個盒,  如果你d HDMI 要入牆再去電視, 又用好多 device 例如 Blu-ray Player, Media Player, Apple TV...全部可以插入呢個盒,   好方便.  唯一美中不足佢唔 support Dolby Vision, 只 support HDR 10+,

KenKenHo@G

沙田 AV life Service 超好wor.