《TENET 天能》睇後分享

gashapon

都好多個月無睇過戲, 對上一套應該係Birds of Prey了. 今次由於聽到好多人說故事好複雜好難明, 所以未睇之前都做了少少資料搜集, 但就盡量唔睇劇透或結局講什麼.

其實睇完套電影又唔係好難明, 故事主要都係講主角加入了一個叫天能的神秘組織去防止世界被摧毀. 一開始主角以為是防止核戰, 不過最後原來是某一種神秘裝置. 可能以前有睇過電視劇Fringe. 所以又接受到入面的設定. 同埋我覺得去得睇電影就要預備定某種心態, 否則只會自己辛苦. 例如睇twlight, 主要都係睇靚仔, 睇變形金剛都係睇機械人打交, 唔會去睇老變而投訴"點解無愛情線嫁?" 唔會睇twilight去投訴CGI, 爆炸唔夠. 所以睇得nolan電影都唔會expect角色描述會太深入, 故事唔會太易明等等.

一開始都唔留意, 事後才發現男主角John David Washington戲入面係無名的. 一直只係用"the protagonist"叫佢.

先簡單講下故事內容, 劇透部份會在另一個post才寫. 不過我自己覺得就算知道故事講咩而入去睇都無咩損失, 因為除非有碟可以一路睇一路停一停去思考, 否則2個半小時其實真係好快過, 因為節奏都幾急速同無咩"回氣位", 所以如果中途去了洗手間出返來可能已經唔知講咩....

故事一開始是主角在歌劇院執行任務, 可惜最終失敗了, 但主角寧死不屈, 才知道呢個係一個測試. 佢加入了一個叫TENET的組織. 一開始以為只是防止第3次世界大戰發生, 點知發現原本唔係咁簡單.

主角找到另一位幫手, Neil. 2人一齊進行任務. 追查之下發展SATOR(俄國商人)是幕後黑手, 於是找來SATOR的老婆KAT幫手. 漸漸地主角發現原來滅世裝置不是核彈而是一個由未來送回過去, 可以令時間反方向行使的9個parts. 呢個裝置是未來的人發明的, 佢地係因為未來的地球由於環境同生態受破壞而希望reboot, 即係將我地現在的人消滅. (當然如祖父悖論, 你如果回到過去殺死了自己的祖父, 咁自己又點出世? 如果無法出世, 又點去殺自己祖父? 即係如果消滅了現在的人, 未來的人就不會出生, 咁又如果成功發明呢個裝置呢? 某程度都代表了消滅舊人類是不可能成功) 於是幾個人, 加上tenet"軍隊", 在順時和逆時的時間線中鬥快找到裝置防止世界被毀.

我覺得neil呢個角色應該是最複雜的, 睇戲時其實都有幾下估計到佢真正的身份.
同埋我又覺得唔需要睇得太複雜, 我指故事大網其實好簡單. 難明的地方都係2-3個位置. 就等於睇avengers時唔會去考究點解會有外星人? thanos點解會講英文? etc etc. 都係用一個"享受"的心態去睇便可. (當然也可以挑戰自己睇下明白幾多XD)  我覺得睇一次會難完全理解, 始終睇戲無得暫停, 唔似睇碟咁. 所以我都會睇多次再睇下有咩我是漏o左的. 同埋第2次去睇之前都會youtube 睇下d解說片再看.  


睇完戲之後我自己覺得有幾個重點, 未睇的朋友可以留意:

1. "what happened has happened" 意思即係會發生的一定會發生. 唔同某些time travel電影, 例如未來戰士, 回到未來, 甚至avengers end game, 歷史是不可以改變的. 可以想像成個世界就好似一套電影, 由頭放映到結尾. 我地正常人順時間去睇, 有因才有果. 而就算逆轉了時間, 都不代表可以改變, 因為就算逆轉了, 只係"rewind"了, 電影劇情也不會改變.

2. 如電影中女科學家所說, 不用去理解, 只需感受佢便可. 即係"聽故唔好駁故".

3. 有雞先定蛋先? 我覺得可以當成是"同步"進行, 因果是同時發生, 即係成日會講的"close loop".

4. 開場WB logo, 其實係有心思的....

劇情討論的部份, 我明天才post, 因為有幾點我仲未想通, 但又覺得可以討論下~~

gashapon

以下是有劇透成份討論, 如果未睇的朋友又想保持"零知識"入場就唔好睇住啦.

星期日去了睇第2次. 之前睇第一次其實都係明7成左右. 連我老婆都講其實唔係好複雜, 只係某些情節一時間好難搞清楚. 情況有少少似睇足球時要半秒內睇到是否越位其實係好難, 但用VAR慢慢睇就好易睇到.

電影都用了紅色/ 藍色去分辨順時同回帶的時間線 (科學上有得解, 不過呢度唔講了)

整個故事其實都係一個"loop", Opera搶核彈(algorithm其中一部份), 越南船河同最尾的大戰都是在同一日發生.  最後其實咩事都無 (唔怪得sir michael caine咁淡定XD)

主角一開始opera的行動其實是一個測試, 試下佢是否會出賣隊員, 佢寧願死之後才發現粒藥丸是假的. 一開始我都會想如果是未來的主角去令自己加入是否需要搞咁多野, 不過睇第2次又發現"已發生的一定發生", 咁其實都要跟返第一次的方式去做. 同埋睇完第2次見sator打算食粒藥丸去自殺, 我估粒藥都係假的, 最後一定死唔去啦.

最混亂的是追車同最後一戰那幕, 一開始唔太明個"流程", 同埋點解kat無氧氣mask. 不過睇第2次時發現原來係回帶版sator捉住Kat去令主角交出個裝置. (追車一幕sator是有2 team人去夾攻主角) , 由於kat中了反向子彈, 如果在正常昤時間捱唔到3小時(因有什麼反向幅射etc) 加上主角第一次想"改變歷史", 所以同埋neil 3人用裝置去了"回帶世界". 不過都少少唔明正反世界互相對話, d說話是反轉了, 咁佢地點解聽得明對方講什麼?)

印度女人叫主角去同sator交易, 係因為其實佢都想集合9件algorithm. (佢明知sator已經有其餘8件), 之後再想法搶回比自己用.

sator是"被選中的男人"都係因為佢年輕時在自己成長的地方掘核源料, 俾佢找到了由未來送來的其中一part algorithm同金條, 但都好大原因是因為吸入太多幅射而有cancer吧...

Kat回去殺sator那幕一開始我唔太明, 因為如果殺了sator那麼之後的事點發生? 睇第2次才發現那個是由未來倒回來的sator (即以為未來的kat已被佢那槍殺死), 也因此看到了肚上的傷痕會咁大反應.

另外有個網上的假設我自己都好喜歡, 就係neil其實就係kat的兒子長大之後的他. 咁都解釋了點解佢同主角有種特殊的友誼 (可能之後主角照顧kat都唔定), 同埋max是由父親湊大, 識Estonian唔出奇. 加上佢同主角第一次見面就問佢會否利用一個小孩同女人做人質 (唔係sator咁), 最後max的全寫是MAXIMILIEN, 將最後4個字母"tenet化"就係Neil. 不過都理解如果neil要回去主角的時間需要好多年 (可能之少20年?), 咁電影中的他又太後生, 因為就算回帶20年, 佢都係會花20年的時間.

alleelarry

gashapon 發表於 2020-9-11 00:43
~~~~post 2 留位劇透~~~~~

為了保持「零」知識入場，以上分享都係等多陣先睇

ckmpatrick

Thanks sharing...現在明白些

ltho3k

gashapon 發表於 2020-9-11 00:43
~~~~post 2 留位劇透~~~~~

值得睇 imax?

rach

師兄, 里套戲你整體會比幾多分呢?😀😊

cryo

睇完久違嘅IMAX早場，其實都係玩time travel，只不過呢套設定係要倒帶咁玩
片中仲要特登拍兩段講解呢套片啲逆時物理係點，都好小見老蘭會咁畫出腸
主線戲軌就好鬼王道冇乜特別，主要都係玩呢個物理設定下嘅視覺效果，當爆谷片睇係幾好睇亦冇乜冷場

gashapon

ltho3k 發表於 2020-9-12 11:01
值得睇 imax?

我覺得畫面又未去到需要IMAX, 不過如果情況許可 (方便性, 場次剛好match我) 我都會選IMAX.

gashapon

rach 發表於 2020-9-12 11:15
師兄, 里套戲你整體會比幾多分呢?😀😊

我自己睇完第一次其實只是明到7成左右, 但其實我未睇都預o左會咁.  因此會再去睇多次. 我自己會俾8分(10分滿分).

不過我經常會用"食物"去形容電影, 我覺得Nolan電影風味一直都唔係"大眾化"的.  就如nolan係煮開麻辣, 除非本身食得辣, 否則一定頂唔順. 食Mc記最簡單方便, 一定多人食. 所以我始終覺得如果純粹因為難明, 或說太過複雜而話唔好睇係唔公平的.

alleelarry

ltho3k 發表於 2020-9-12 11:01
值得睇 imax?

絕對值得！