完全被荷里活化了的韓國電影：《屍殺半島》

alleelarry

前言的前言：
很久沒有看電影的衝動，但自己開完一個會，又睇完一份文件，個一刻就有所「感覺」，即係代表左甚麼！？好難咩！？我唔覺囉，尤其係當某某都掌握得到的話，無理由其他人唔得既（改編至真實對白）。無厘頭的開場白，明就明唔明就唔明，有心人睇到的對號請就座，總言之好就笑怒要罵！

真前言：
當初看到片名叫《屍殺半島》，無刻意了解故事內容，只知道故事會跟香港有關，下意識就當左「半島」係「九龍半島」，原來係講緊「朝鮮半島」，一向地理極差既我，又上一課了吧！在港當日只上映了一天便叫停，如今大家真係好似喪屍咁湧出去睇……



感想：
早已經有了心理準備係「不似預期」，為了一解心中怒火，睇完先講！正如大家所言，電影的確充滿了很多「荷里活」成功電影的原素，但話似係「狂野時速」就真係講得太遠，「末日先鋒」系列都可以既，個人而言相對接近既應該係《未來水世界》，當然加入了「喪屍」元素，但跟上一集好唔同，佢地通通成了「路人甲」，大概因為咁會令大家好失望。要達至「荷里活化」有幾個原素：香港無論係邊都一定會有「霓虹光管」，韓國商場如果無咖啡店就唔似係商場，又可能因為有資金，場境看似係片場搭出黎，演員自不然唔用香港人，估計又是為了遷就外國人，一兩句聽極都唔知講咩廣東話之後，就一定會講英文，外國人睇梗無問題，香港人睇真係好難收貨。故事係片頭稍作解釋之後，基本上大家都可以估到點發展落去，動作場面係有既，似乎用得太多「二級」電腦特技，似打緊機多少少！

alleelarry

4KPK 發表於 2020-8-30 15:40
我早幾日睇咗《柏林諜變》
其中有幕抄足Quantum of Solace
家陣好多韓國popcorn movies都唔多唔少揉合咗Hol ...

《柏林諜變》睇個陣比個 ARC 煩死，聲畫唔對地睇左個開頭好多次，但未認真地睇完，相信外語都係配音既多！

alleelarry

4KPK 發表於 2020-8-30 18:00
我喺飛機睇
所以將就下算
不過套戲已經拍得好過唔少Hollywood B Class movies

咁多年黎我都認為韓國人好喜歡抄襲荷里活，但佢地就係唔會照抄，點都加返自己特色！

alleelarry

4KPK 發表於 2020-8-30 18:25
港產片都有表表者
《無間道II》向 The Godfather Part 2 致敬
同樣是用插敘手法

抄橋有兩種，最討厭既抄畫面，抄講故事既方法就會高尚好多，超碼個故仔係自己！

《讓子彈飛》初睇係好好睇既，點知原來個開場，係照搬《疤面鏢客》，想點？

Versa

今日睇完，冇期望之下依然失望，全片著重動作，冇驚嚇，喪屍元素只淪為呢套動作片的環境設定。
今集budget明顯較多，場景、化妝、CG都比上集強，但人物描寫、故事都單薄到不得了，情節抄荷里活電影元素堆砌出來，甚有其他電影影子。World War Z，狂野時速、Mad Max、屍城。另外韓片邏輯仍然很弱，不能用腦去睇，例如片尾明明俾喪屍追緊，都可以夾硬整個懶催淚的擁抱鏡頭

alleelarry

4KPK 發表於 2020-8-30 19:36
Megan Fox嗰套Jonah Hex? 套嘢票房毒藥嚟喎，姜文冇理由要抄佢

你咁講

所以我唔多明，唔計開場，整套電影係不錯既，但就會「幻想」究竟仲有無抄其他野！