胡金銓4K修復版

mike384 · 發表於 2020-8-3 10:45

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

之前都見過有分開賣, 不過都唔平, 今次見到一盒兩片, 計返一隻都係舊零水, 畀佢啦~~~

先講套戲啦, 其實兩部我都冇正式睇過, 反而胡導其他作品, 天下第一, 忠烈圖我就真係去戲院睇過的, 空山靈雨冇去戲院睇過, 但有碟在手.
昨天剛剛睇完俠女, 首先, 呢一部其實上次係D電影節都有再次出返黎, 不過實在太長, 時間就唔到就冇去到, 只去了睇忠烈圖.

整體美術上, 我覺得佢比忠烈圖更加靚, 可能後者的背景實在太熟(都係著名香港景點), 打鬥上也較為實在, 唔會太抽象....
點解我會提埋忠烈圖? 因為除了係一個導演之外, 演員陣都好相似架, 首先係女主角徐楓, 佢係忠烈圖中就只撈了個女配角, 反而俠女中的男配角喬宏, 係忠烈圖就變左做男主角....
反派方面也很有趣, 洪金寶(當時名為朱元龍, 該片連CREDIT都冇) 係該片只是大波士韓英傑(也是該片武指)手下的一名高手(叫做有不少打戲), 但去到忠烈圖, 除了昇LE做了韓英傑的波士外, 仲撈埋個武指, 出埋CREDIT, 而兩片時間上差了約四,五年
而女主角徐楓除了人省鏡,  武功又了得, 相當悅目, 另外風景也是很靚的.
講返該片的長度,  BLURAY的長度是三小時, 當年台灣上映時係分上下集播的, 上集叫返俠女, 下集叫靈山劍影.

再講返隻碟, 其封面已寫明是4K修復版,  畫質也是相當好了, 我自己也有少量舊片的so called 修復版, 如果比起七武士仲係七武士勁一籌, 但都叫做好好了.
不過該片的夜拍都相當多, 我用部連HD(只有720P)都冇的電視睇就麻麻了, 喜歡玩AV的朋友可以試下.
小弟係喜歡睇戲多於畫質/音質比較個D(一來也冇咁的錢, 和咁的興趣), 所以睇戲會注重返整體的氣氛, 故事和製作啦.

龍門客棧(之後除克版係有睇)就未睇, 有緣再寫.