《格鬥三人組 4》 復古遊戲現代化之選 - 老玩家必買之作

阿定

今日7月30日正式推出的 《格鬥三人組 4》 (Streets of Rage 4)，一聽個名都知係著名的橫向捲軸動作遊戲《格鬥三人組》的續篇，遊戲保持了系列一貫的遊戲玩法，加上現代的遊戲系統、新繪的美麗畫面，並收錄了 BareKnuckle 系列的作曲家 Yuzo Koshiro 等知名作曲家參加的音樂。



除了前作的主人公 Axel 以外，玩家還可以選擇 Blaze、Adam 與新追加的角色 Cherry、Floyd 等角色。前作 Bare Knuckle 系列 1~3 代的像素風格角色 12 名也可以在解鎖後遊玩使用。在遊戲內，可以切換前作系列的原聲音樂。



遊戲總共有12個關卡，要完全爆機應該無咩難度，一般路人角色都好有復古味，雖然動作看似單調，但同時面對多個對手都幾有挑戰性，同以往一樣，上下左右咁走來走去會係最常用的打法。



當完成一次劇情模式後，玩家可以揀選個別關卡來玩，亦可增加難度，揀只有一次機會的街機模式來玩。



同樣，解鎖後想只係打BOSS戰同都可以的，特別係最終BOSS都真係有少少難度呢。

聯機對戰方面，本作支援單人模式、單機最多可四打，而online模式最多只能二人，不過呢個時勢，有online打變得好重要了，始終橫向格鬥Game好多回憶都係來自童年同老友一齊玩的吧。



爆機後感 - 作為七八十後的你，如果想要復古玩法，但又想要高清畫面，呢隻就最適合不過啦，受惠於卡通化畫面，雖然我係玩緊Switch的版本，但駁上4K電視畫面都無問題，加上配樂可以揀復古原聲音樂，遊戲解鎖後亦可使用前作角色(像素風格)，小編到手後已經火速爆機，玩到停唔到手了。

tinlunlau

呢隻遊戲四月尾推出噃。係實體版七月尾推出。

阿定

tinlunlau 發表於 2020-8-17 06:11
呢隻遊戲四月尾推出噃。係實體版七月尾推出。

係港版發售日，寫得唔夠清楚

tinlunlau

阿定 發表於 2020-8-20 22:11
係港版發售日，寫得唔夠清楚

香港數位版都係四月出㗎