爛番茄奪得83%高分的<不死軍團>

成龍大哥

<不死軍團>獲外媒盛讚,不少專業影評人都大讚是今個夏天最佳動作片,更大讚電影能拍得住<神奇女俠>...........................????


嘩!大佬,唔係掛,有冇睇錯呀?
首先故事好簡單,講不死人被人揭發了有不死能力,有藥廠睇中佢哋可以作為生財工具就搵人捉佢哋,與此同時不死軍團發現世上還有另一位不死人.....黑人少女士兵執行任務時受傷意外發現自己有不死能力,通過心靈感應下不死軍團尋找到少女並要請她加入軍團,.之後有成員相繼被捉,最後少女決定去救人.

講動作場面又唔算得上很精彩喎,主要都要槍戰及查理絲花朗拳腳工夫,呢套戲嘅動作場面都似係向<殺神>致敬,不過係低一個Level,而且動作場面唔係好多,佔成套戲最多15%,其他場口好鬼悶,節奏相當慢,若果觀賞時精神狀態唔好應該會瞓著......

最後係影音發燒友好關心嘅聲畫質素,佢話有4K囉,不過憑肉眼真係睇唔出同1080有咩分別,仲有成套戲D顏色好淡,對比度清晰度都好差,完全唔合格,聲我就唔識評了,用電視睇冇得比較......

成套戲唯一值得睇就係查理絲花朗,佢嘅動作場面總算似模似樣,呢套戲若果唔係佢做主角真係睇唔睇都罷......



謝謝觀看!!

mike2837

正有此意, 分咗4次仲未睇完....

RICKYMUI

睇咗，不過不失喇，無聊既都可以一睇既
但好似無解釋到點解有佢地不死人(但其實又有可能會死喎)既出現?依樣就有D唔明喇

xyz56789xyz

希望影后做不死女打得激過原子殺姬(Atomic Blonde)媲美叛諜狂花。

pbtour4il

查理絲花朗拍呢類戲很耍帥！

成龍大哥

xyz56789xyz 發表於 2020-7-20 16:55
希望影后做不死女打得激過原子殺姬(Atomic Blonde)媲美叛諜狂花。

原子殺姬好睇好多...

xyz56789xyz

成龍大哥 發表於 2020-7-20 18:58
原子殺姬好睇好多...

我係接受唔到花朗MAD MAX 尼姑頭之外，其餘近期作品都幾好，原子殺姬中捨棄尊容同智商上線，係極優秀女間諜片。

rogkwong

早排睇咗Netflix由雷神主演的Extraction超驚喜，諗住繼續刺激，但今套無論劇情推進、動作場面都差一截，有點失望。

killbear

Netflix 自家拍電影都有一個通病。就是單天保至尊。一個主角撑起成套片。唔夠綠葉去陪襯同主角交流。結果成套戲都變得好單調同唔夠戲味。即使驚天營救都有同一問題。希望日後會有改善。

xyz56789xyz

killbear 發表於 2020-7-26 13:37
Netflix 自家拍電影都有一個通病。就是單天保至尊。一個主角撑起成套片。唔夠綠葉去陪襯同主角交流。結果成 ...

也有一齣Netflix 自家作品：Point Blank是有兩個出名演員，也是MCU 的 Cross Bone 和 Falcon，此片不過不失啦。