耳機版寫手 ： 意見收集

小瑟

小瑟在耳機版一直都係處於一個玩家既狀態，分享既都係Spec同聽感居多。所以我地新聞中心既文一直都係係出面搵D耳機燒友同有經驗的寫手去做測試再同大家分享。就好似近排搵左Cato老師幫手做文章的評測，同埋我地有位BiLy兄咁。想了解一下版友點睇呢類文章的呢？

希望大家多多發表。

Chubill

支持多些测試。"耳機同耳機線"我覺得係好奇怪既產物, 尤其近排一大堆高質chi-fi產品, 性價比極高, 經常令人懷疑過萬元耳機是否值得

alleelarry

個人來講，大師既分享具參考價值，版友既亦不可以忽略，只要不是一味吹虛，就是好文章

ew014042

希望評測入面可以全面啲，有彈有讚，比版友更加了解到功能同產品係咪適合自己，再加埋版友嘅意見或者用後報告就完美喇！😁

bertram

Chubill 發表於 2020-7-11 12:26
支持多些测試。"耳機同耳機線"我覺得係好奇怪既產物, 尤其近排一大堆高質chi-fi產品, 性價比極高, 經常令人 ...

咩係 chi-fi?

hongling1028

希望都可以繼續落去可以看到多d呢d耳機評測文章，有時看評測片是輕鬆些少，但都同時想通過文字去仔細多些瞭解各類耳機，其實現在網路發達，我有時想找些講耳機雜誌去看看，但都找不到，之前有買過臺灣出，cato老師之前出過的期期我都有齊，臺灣出果本買了兩期之後，香港沒有再有新一期運來，所以都買不到啦，所以有人肯寫呢類耳機文章出來分享比玩家用家們，應該多多支持，因為全部是評測員花心機時間，為大家無私奉獻。

t1174

bertram 發表於 2020-7-12 01:54
咩係 chi-fi?

中國品牌音響。

小瑟

多謝大家的回應。有讚有彈真係一士都係我地想做到既效果。我地有時就係諗，文字同影片好難平衡，小瑟都真係好想保留文字評測呢。

小瑟

Chubill 發表於 2020-7-11 12:26
支持多些测試。"耳機同耳機線"我覺得係好奇怪既產物, 尤其近排一大堆高質chi-fi產品, 性價比極高, 經常令人 ...

國內品牌依家真係可用大件夾抵食想形容。不過外國有既係經驗同品牌感情，要睇大家係咩取向呢。

JimmyNgai

個人鍾意文仔+圖片評測遠多於影片。睇文字快好多，飛黎搵副標題淨係睇有興趣既section 又得，睇圖片同caption 又得，有效率同彈性好多。
好似Whatsapp 咁，我有啲friends 好鍾意用錄音，我做聽嗰個覺得好困擾，要聽晒先知佢想講乜，明明用文字既話幾秒鐘就可以睇晒，有時想search 返之前講過既野用文字好快就搵到，錄音既話要搵都好難。。。