影輝RX1 + TW8400 + X6500H + LS50W 可以點優化？

adamadam1982

小弟初哥一名，聽好多人都話 , KEF 既喇叭聽歌好出色，但用黎睇戲真係差幾條街。無奈我真係覺得LS50W 好靚仔，同埋佢既wireless 功能真係好方便，播下音樂仔睇書，起馬唔使特登開部amp，直接connet media server, 用 app又可以揀歌聽，真心覺得好滿足。之前都唔係好明佢睇戲點會差，但呢排用黎睇戲多左，開始有小小明🤣

我用 X6500H , AQ Big Sur RCA 出 LS50W，天花後置中置都係KEF蛋仔。

問題 1）

（LS50W已煲400個鐘）睇戲：一見到 流水聲，玻璃碎聲，子彈落地聲，一D本身尖銳既聲就變得更尖銳，即係刺耳😔（已用app調低高音）

扒文話睇戲要喇叭要反應快，試過問鄰居借左條貴價銀線試一試，銀線反應快嘛，點知結果係所有聲都變得更刺耳，馬上想熄左部機！

想請教大家，除左換器材之外，有咩方法可以令LS50W睇戲冇哂d尖銳感呢？(其實聽歌真係幾好聲完全冇問題）

問題 2）TW8400 + 影輝RX1 灰幕

人生第一次玩投影機，完全0經驗，剛到手唔夠2星期，買佢都係因為睇Post76, 性價比甚高，岩我地呢 d 初哥玩，不過試左幾套戲如水行俠/羅拉等，同一套片 係Sony A1 睇, 同投射出黎睇好似好大分別，電視機顏色鮮豔無比，非常分明，但投影機則電影感豐富，顏色較為暗淡，（已用自然mode），係咪用灰幕顏色冇咁鮮豔呢？

請較一下大家有冇一d設定參數可以借我設定一下😌

謝謝大家幫忙🙌🏻

raylee

高音問題可能同你家居布局有關。 我個人覺得喇叭兩邊有玻璃係一大問題。當然你都可以係線材上作調整。

而no pay 的測試方法，係首先用d 厚布去遮住你右邊的玻璃櫃， 之後試下唔同物料(枕頭) 放係喇叭， 耳仔水平附近， 睇下有無改善。