遲來的KEF LS50W 夜曲特別版 “Nocturne”開箱 + 中獎感受(下)

martin845

上一篇(https://post76.hk/thread-318589-1-1.html)提到，好好彩變左買LS50W特別版，本篇講下買完如何跌入火坑…….(相片上一篇出哂，呢篇無相 )

我諗我經歷同大部份師兄師姐一樣，當初買左蝸居，懶型買左條SOUND BAR，對於甚麼DOBLY , DTS點燈乜都唔識，純粹覺得好聲D，但呢D野無興趣由自可，一研究就賴野，結果前兩年就的起心肝買左DENON X2500H 同KEF 蛋仔套裝5.1，人生第一次玩AV AMP確實好鬼震撼，終於可以點ATMOS , DTS HD燈，連NETFLIX都JOIN左最貴既PLAN，終於叫做識少少，而唔係買套野返黎擺。

但睇片打機之餘，夜晚想聽下歌，用AV AMP聽兩聲道，初頭已經好開心，但正如頭先講，愈研究愈賴野，無彈藥直上兩聲道AMP + 喇叭，屋企又無位兼無批文情況下，LS50W真係我救星。

坦白講，我係有諗過同一筆直拆開咁買，但一萬零蚊要有齊STREAMER + DAC + AMP + 喇叭，講真，砌到個組合真係未必差LS50好遠，重點係我無位擺咁多舊野，結果就帶左LS50W返屋企。
頭幾日開聲，真係同AV AMP完全兩個世界，細節多左，音牆闊左，人聲凸出，所有聽開既歌，聽感都同以前好唔同。然後上網爬文又睇，大家都話行NETWORK好過USB多干擾，但我試哂不同接駁組合，以LS50W計，都係電腦行USB好聲D，我估部份原因係WIFI只升到24/96，但USB可以行24/192，結果又買埋IFI USB俾佢，甚至原本諗住搞埋電源，但萬零蚊器材，實在確得不值。

而另外一部份原因，我最想分享下，音樂真係好神奇既事，用FOOBAR+升頻+FILTER，雖然背景係靜，加左模擬真空管FILTER係無咁乾，但唔知點解硬係覺得好悶，根本聽唔耐，反而因為我有黑磚，有用SONY 既 MUSIC CENTER，真係無得講，同樣升到24/192，明顯SONY個PLAYER調聲係好FOOBAR太多，唔係話佢清，話佢甚麼細節多左，而係音樂感，你會聽歌到幾個鐘，我諗呢D就係大家成日話唔好成睇數據睇或牌子，個種聲底只有鍾唔鍾意，自己是否享受，結果我而家都係開電腦經USB同MUSIC CENTER聽，SONY真係有一手。

其實買完之後，日日上網睇兩聲道文章及討論，勤力過返工湊仔，甚麼喇叭，DAC AMP，STREAMER ，合併機分享文及討論，好似睇左當買左，諗返轉頭都無好好坐低正式欣賞LS50W，情況就好似剛娶個老婆，已睇定二奶，實在罪過。

其實而家每次開機，LS50W RUN IN左，感覺都會有進步，高音無之前咁吉耳，識得用APP個EQ去調，愈來愈捉到自己最享受既感覺，我諗自己都要欣賞下元配，最多睇下幾時忍唔住，去聽金仔，老麥合併機，哈哈。 多謝大家收睇。