有關前級與其他器材的關係

黑色幽默

小弟為音響初哥，想請教下一些關於器材配合的問題。

主要想入手玩下兩聲道，聽CD及無損檔案為主。（SACD有就當然好，但就不是必須。）

如果咁係咪應該買一部有CD播放及Dac解碼的前級就可以呢？

還是應該前級還前級，CD 播放還CD播放，解碼還解碼呢？

仲有係假設我將比較多的錢投放於好少少前級（＄20000左右），再買一部相對係普通中規中矩的Cd播放器（＄5000），出來的聲音會比較將錢平均分配買前級及CD播放，要好一些還是差一些。

當然明白係耳聽為實，但也想聽聽大家的經驗。

jackybee

你可以買chord Hugo tt2 前級＋解碼大約35k,再加iodata +CD-ROM 可播file及cd大約$3000-$4000,視乎你用咩cd-rom，咁就可以満足你嘅要求，有排都吾駛換機

kl122002

呢個問題有少少複雜. 當然每件買是最好, 只是這樣我覺有點沒必要.

DAC 這個東西如今在不少機中也可以有: pre-amp, CD機等
如果是依我自己的取態來說, DAC 的地方還是留回在CD機吧? 至少CD機在播CD時要走的DAC 線路用得比較少,
一般的CD機內其實都有Text-Clock (鐘) 負責保持DAC 和 CD讀取時同步處理而安裝, 也即是說CD出來的聲音我信應會有保障多少少 .
是有些CD機的設計不同而可能要另外置Text-Clock 才可以好一些, 這個情況在今天CD已不再是大風潮下已很鮮見了.
好的CD機有North Star design , 也有Luxman 等主流大牌子, 視乎你的取向了

如果是在pre-amp 中用DAC, 那麼 CD與Pre-amp 之間的連接應是用同軸或光纖, 但這樣用digitial 方式的連接會易有jitter?
傳統上好的前級不會加DAC 或黑膠用的phono , 這點你可以留意一下,  當然今天或者因為技術改進已有點不同吧?  

黑色幽默

jackybee 發表於 2020-6-25 20:28
你可以買chord Hugo tt2 前級＋解碼大約35k,再加iodata +CD-ROM 可播file及cd大約$3000-$4000,視乎你用咩cd ...

感謝回覆，去睇下你所推介的機先。

黑色幽默

kl122002 發表於 2020-6-25 20:54
呢個問題有少少複雜. 當然每件買是最好, 只是這樣我覺有點沒必要.

DAC 這個東西如今在不少機中也可以有:  ...

感謝回覆，在接駁上真係完全無概念，
所以真係無乜諗過應該係點。🤔🤔

我見現在普遍網上介紹那些新機，好多都係多功能的合拼機咁。

jackybee

kl122002 發表於 2020-6-25 20:54
呢個問題有少少複雜. 當然每件買是最好, 只是這樣我覺有點沒必要.

DAC 這個東西如今在不少機中也可以有:  ...

最初我嘅諗法同你一樣，覺得前級內置解碼嘅機，好極有限，但當用了chord Hugo tt2後立即改觀，tt2是一部完全被低估嘅機，可能好多人買tt2只用來當headphone amp用而chord 在香港亦不是什麼一缐品牌，但我可以話你知佢嘅解碼+前級係比佢嘅headphone amp嗰parts更強，我用tt2前級+dac入Eso F03a(有獨立後級功能)比較原本用緊國產旗艦解碼＋F03a 嘅表現更好無論音場，分析力，立體感,音樂感都全面嬴哂只是人聲冇咁甜美及無咁Analog,(但吾代表數碼聲)而iodata嘅性價比更無話可說$3000頭嘅價錢(2tb型號$2780+$240cd-Rom)可以rip碟及play file及cd,基本上冇機可以做到，

jackybee

Chord一套三件

jackybee

同埋tt2是可以吾用前級部份直接當一部純dac

HD_2

多功能的合拼機 可能仲平仲好玩

kl122002

黑色幽默 發表於 2020-6-25 21:33
感謝回覆，在接駁上真係完全無概念，
所以真係無乜諗過應該係點。🤔🤔

現在不少線路是微型化， 是的確可以一兩台機就可以一口氣集齊所有。

如果想知一套機可以怎樣組合， 我會推介Naim作為參考它們的產品組合和配對方式？ Naim 出了些產品是應對今日的CD+CAS 的玩法， 而且有些可以接喇叭再玩