終於圓夢，兩個月開兩次箱，影音正式分家了

avsuperman

嚴格來說，算入AV擴音機題目。
  去年11月訂了先鋒800(仍未有貨)，心諗部機有平衡玩，唔好浪費，曾經睇過纯前级兩聲道，法國野，有平衡輸出输入，4千到，有意。廣州音响展聽左polk audio傳奇，好爆得又好聲，當時前置亦係玩polk，唔知换左會點。可是，地方淺窄，早已打消念頭，點知執完屋，心思思，左度又度……結果3月開箱，玩得開心，突然多左聽歌，原來用天龍8500播兩聲道都可以接受，訊源係oppo203，但始終受限AVM，聲音生硬，不自覺地留意兩聲道，尤其大鄉里宜加先得知有av byass這玩法，唔知力水夠唔夠用開的國產winner好力呢？開始時係由入門機睇起，直至試左老麥5300，嘩，可以咁有力，價$也相當可觀，又擱置……其實一直擔心玩Av力水問題，要點揀！結果又試左audia flight等等，最後鎖定金仔270，因為polk行4ohms，都有120輸出，但部winner去到250W，又一次心大心細。自己绝對係AV發燒友，但唔係hifi，要求唔高，之後聯同友人聽真d，分別再試老麥5300，知金仔380出古幾個月，試埋……瀨野，原來鍾意金仔音色，比5300又多幾千，超出預算。聽完380，口痕話用環牛的480會靚幾多，唔比較係無問題，仲要知埋480變後级用，4ohms去到260W，仲好力過我部後级，就比一個月時間我諗，那個食樹皮，零消費的日子，待出糧即刻行動，带埋太座去别的公司試聽，皆因可配合polk傳奇聽真d，同時也試了luxman505，如果喜歡聽輕音樂，人聲，肯定冧死，但我要的是爆得，結果在太座面前比$真係好爽，睇住佢無得阻止，正。昨日執下位，正式迎接影音分家的紀念日，分別玩過兩聲道及多聲道，慢慢煲，期待先鋒800早日入屋，相信會有另一番景象。

matt88p

2ch夢永遠都不會完, 恭喜你踏入兩聲道日以繼夜無敵燒錢第一步!!

5.1外星人

跌入2声道黑洞

sin324

呢度係房定廳..?

小邪ktm

遲啲AV師兄要改名做hifisuperman！

avsuperman

邊度有咁大間房，地方淺窄，係廳

avsuperman

我等埋先鋒800，加埋條平衡線，夠玩了。上年一張CD都無聽過，自己對聽歌唔燒，但又唔想浪費對喇叭，學人玩下兩聲道。毒瘾唔會深，始終影音才是心頭好，可能供完阿仔讀碩士，反正洗左畢，豪一次，而且當後级用，都算入門hi end

avsuperman

Av版，用金仔480當後级用，見少有C兄報告咁玩法，1日機的感受……由oppo203接入天龍8500，用pre out接入金仔main in，起初有點擔心力水，故由380再上480，我先试前置喇叭表現，歌唱、動作、科幻、賽車片等等，我可以放下心頭大石，力水足充，能量感豐滿，也不失細節，之後開埋2部後级(AB類及D類)，聽感上比以前更結實，更包圍，地動山搖绝不失禮。不過新機落地，電源線也要慢慢煲，有點生硬是自然的，但已滿意收貨有餘。無疑亮燈係靚，睇戲還是關上，兩聲道可以當後级用，的確令我d AV發燒友比藉口開箱

sin324

avsuperman 發表於 2020-5-1 14:40
邊度有咁大間房，地方淺窄，係廳

勁,咁你老婆都幾就得你,完全一絲"你有老婆"嘅氣息都感覺唔到XD
呢SET野超正,雖然鄰居未必欣賞XD

avsuperman

sin324 發表於 2020-5-1 15:19
勁,咁你老婆都幾就得你,完全一絲"你有老婆"嘅氣息都感覺唔到XD
呢SET野超正,雖然鄰居未必欣賞XD ...

難得太座支持，仲親手油灰油，果廳真係可以玩盡，後置有4隻座地，全屋有17隻喇叭，無另一半支持肯定玩唔到，佢都鍾意睇戲。除左影音，有50隻hottoys放係廳，到訪过的朋友見到排到密麻麻