Polk audio傳奇實試，又驚又喜

avsuperman · 發表於 2020-3-26 17:14

終於棄置兩個雪櫃箱，也煲了兩星期，真正睇左2部戲，玩左多套試機片段，聽左多張CD，個人喜歡聽動態，今次polk傳奇不單止唔會失望，當開聲一刻，直頭有d感動，戲院氣氛再上一層樓，也發覺用Av amp聽歌亦不算失禮。聽歌睇戲都係用oppo203入天龍8500，由後级13聲道推。用CD播埃及王子ch2 deliver us由輕音樂突然加強節奏，磅礡氣勢營造之包圍感，效如後置同時發聲，這樣用數碼播放已有如此從未聽過的音樂感，用纯兩聲道一定聽出耳油，目前只試過老麥MA5300，一試愛上，更可玩Av bypass，但因已元氣大傷，暫時望梅止渴。當然比較差的CD錄音，還是充滿數碼味，欠人聲温暖感，而喜歡交响樂的，polk绝對要試。至於影音，反斗奇兵4試细節不俗，雨聲除天空聲由上而下，前置擴散度令空間更闊，再試極速傳說，不得了，賽車聲實在太迫真兼太埋身，轉波效果聲非常實在，星萝情深更聽到我起雞皮……實在有太多碟要慢慢試真，但肯定比我之前的polk營造更迫真劇院聲，如今舊愛退居後置被冷落，有點過份，但傳奇玩動態表現係超班，驚位就是怕中午又被人投訴。另外係影音店見polk t系列好平，入唔入玩全套(中置除外)……希望盡快煲好，聽真傳奇實力