遲來的用家體驗～Cary Audio DMS 500

fatboy88 · 發表於 2020-3-23 12:53

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

由於疫情關係，多了時間係屋企聽歌仔，加上見到Cary Audio DMS500二手價錢幾吸引，於是早排入了部返嚟玩吓，確係幾滿意Cary嘅表現，想係度同大家分享吓使用感受，只在分享，不喜勿打頭！

先嚟想講吓Cary App嘅界面，非常簡單易用，但實在太簡單了，同埋係App上用Tidal選歌，比較難搵到心水專輯，所以都係用返Roon算了。

再嚟講吓操作及設定，基本上完成初步設定，其餘功能大都可從App或用roon來操作，所以搖控可以收埋了。有點值得留意嘅係，Cary嘅音量控制，由於沒有bypass，所以要留意本身volume 最大值是+8db，說明書亦健議先從+8db開始，再從自己喜好調節，呢度比較麻煩同要花點時間。以我的器材為例，從8db開始聽，會發現音量同件頭過大，於是將音量減至0db再試，音量變得較為正常，但某啲歌曲件頭仍相對較大，再試從0db開始減3-6db去試，但動態就減弱了，幸好小弟的前級有3段Gain調校，將前級調到12db，Cary由0db再加加減減去試，發現調到0db至+3d整體出來較為正常合理，亦最為自己喜愛。不知其它Cary用家會否同樣有呢個情況呢，大家可以交流吓。

接下來再講講個人嘅聽感及心得，軟件以Tidal及Nas內啲file為主，再用roon嚟操作及處理訊源，自己幾滿意Cary嘅調聲，幾平均及耐聽，唔會太着重高分析力但又唔覺有所欠決，遇到質素差嘅錄音都會表現得較為順耳，聽唔到所謂嘅數碼味，當遇到質素好嘅錄音時，出來嘅表現更令我覺得似聽緊高級CD player，當中以聽Tidal嘅MQA檔最為有驚喜！由於用Roon，所以升頻方面嘅工作都交由Roon去處理，個人感覺一般16/44檔升到24/88-24/172最為順耳，升得太高反而會有點假。置於升DSD就真係唔係首首歌都合適，不過有個有趣嘅經驗，以玉置浩二嘅酒紅色的心，由本身16/44 rip檔升DSD同直接由hifitracks買返嚟嘅DSD檔比較，發現兩者分別非常接近。

最後，CAS跟傳統高質CD player比較當然仍有些距離，但在便利度及easy listening方面又確實有一定嘅優勢，加上Cary播放Tidal嘅表現，特別係MQA檔上確係令我有點喜出望外! 歡迎Cary嘅用家及其它玩CAS嘅師兄一齊嚟研究及交流吓心得！