今日剛到新玩具入手A8g

koo9726

恭喜師兄部機喲黑位好到位！

Scfai747

Ken134547 發表於 2020-3-15 10:04
我都係考慮緊買75吋led好定買65吋oled好
師兄你部 A8g 咩價位入呢？

$24k

josephlok

a8g good

ManHoWong@FB

恭喜師兄 我都用緊A8G 上年10月中入手 當時A9G 未出55吋 但我第一次用OLED 雖然話粒clip係低一級 但已收晒貨👍🏼👍🏼

HKSGIRORO

我岩岩同你相反🙊都係猶豫65A9G同75吋X9500G，但最後買左75吋，部機今個星期六先到手。

買之前我對比過兩部機，岩岩仲拍埋一齊，講畫質A8G無得輸，一定係比X9500G好，啲色好實正好銳利，這是OLED的優勢。我揀X9500G只因為想感受下大電視的震撼，65吋的確係有點少😅 唔係話我間屋大，我張梳化離電視都係得7-8呎咋，不過睇大電視的確過癮好多。同埋我平均五年就換一部電視，唔理佢有冇壞，所以五年後又係一條好漢，到時等OLED機再成熟啲，我一定會入手。恭喜師兄🎊

issachar

HKSGIRORO 發表於 2020-3-16 08:23
我岩岩同你相反🙊都係猶豫65A9G同75吋X9500G，但最後買左75吋，部機今個星期六先到手。

買之前我對比過兩 ...

7-8 呎緊係唔係大屋... 0係香港算係豪宅喇

師兄裝好記得同大家分享下

HKSGIRORO

issachar 發表於 2020-4-12 20:05
7-8 呎緊係唔係大屋... 0係香港算係豪宅喇  

師兄裝好記得同大家分享下   ...

好似又有點誇張左，7-8呎距離唔會係豪宅啦，不過都真係算好濶落﹐都多謝你的讚賞
其實我仲糾結緊買65吋OLED定75吋LED，上次機緣巧合下，賣家可以畀我揀多次，原本我係買左75X9500G架，而家搞左個幾月，我都仲未有定案
不過我而家都係得返幾個選擇，因為去百記睇過三次實機，大概都知自己的去向，應該唔會再諗其他了
Sony 75X9500H
Sony 75X9000H
Sony 65A8H
LG 65CX

issachar

HKSGIRORO 發表於 2020-4-12 22:25
好似又有點誇張左，7-8呎距離唔會係豪宅啦，不過都真係算好濶落﹐都多謝你的讚賞
其實我仲糾結 ...

如果冇用過 OLED 咁用 LED 仲 OK 既... 近幾年廠商技術好左, 其實黑位有進步... 最正唔駛成日驚 OLED burn in 既問題呢

HKSGIRORO

issachar 發表於 2020-4-13 07:00
如果冇用過 OLED 咁用 LED 仲 OK 既... 近幾年廠商技術好左, 其實黑位有進步... 最正唔駛成日驚 OLED bur ...

師兄，你講得好啱，不過自己成日都鑽牛角尖。想麻煩師兄畀少少意見我可以嗎? 我會詳細講講自己點用部電視同一D個人感受
(原本打左千字文，已經刪左好多😅)

前言
我新年期間上去個親戚屋企，玩過佢部65吋三叔Q80R就開始PAT PAT痕。

用途：我諗6-7成用來睇NETFLIX，3-4成用來打機/普通睇電視，唔睇波的
屋企環境：個廳有限光射入，不過唔會直射到部電視，雖然唔會係完全的黑房，但整體的光暗都適中
梳化同電視的距離：6-8呎，我屋企係鑽石型廳，最近距離可能只有6呎多，最遠大概8呎
目標：65吋OLED或75吋LED

我出去睇左3次實機，每次睇完都有唔同的感受。
第一次睇的時候乜都唔識，大包圍無乜目的咁睇，所以無乜幫助。
第二次再睇，覺得自己係鍾情於75吋大電視，覺得大電視的震撼可以彌補到畫質上的不足，所以仍然是偏向LED多D。
第三次再睇，覺得畫質才是重點，我企左喺百記有45分鐘，視線不停來回OLED同LED，個SALES都無我咁好氣，由得我自己望飽佢😅

想買OLED的原因
我諗都可以講，任何一部OLED的畫質都靚過LED。上次只係齋睇普通電視節目，我對眼都睇到得OLED係贏哂，A9G的畫面真係令我好深刻，原來睇電視可以咁靚😍 (不過無錢買😛)
無可否認有某D畫面OLED係偏暗，但OLED係暗得來我覺得仍然保留到D細節位，相反X9500G LED係就係好搶眼，但有時都會覺得有點棘眼，例如白底背景的畫面。所以我想讚下X8500G，如果真係買來齋睇電視，我首推X8500G多過X9500G，因為佢睇電視的效果真係好似OLED。另一樣野想講就係打斜睇OLED的感覺，我覺得打斜睇OLED係特別靚，更加睇到出OLED D顏色的紮實感，真係贏LED成條街。但如果係正面睇，兩者的差距又唔會話好大。因為我個係鑽石廳，所以VIEWING ANGLE會係一個考慮。

怕買OLED的原因
BURN IN...雖然網上都有人話自2018年出產的OLED改良左好多，部機會有一D設定可以減低BURN IN的機會，話可以DETECT到如果有LOGO就將佢淡化之類的設定，不過都係仍然好擔心，如果我買左OLED當然會錫住部機，不過有時D野都控制唔到。網上都有唔少人報告唔夠三年就出事，畀二萬幾蚊用得三年係幾肉赤呀。我朋友話用租機的心態諗，租約期三年，但都係仍然唔得😥

65吋VS75吋
老實講，以我屋企咁GE距離得6-8呎，買65吋就應該適合D，但75吋電視的震撼感又真係好大，無論係打機定睇戲，我諗都會越大越好。只不過如果只有6-8呎的距離睇，會唔會真係過近? 😅 仲有如果真係買75吋的話，因為電視隻腳太濶，我個電視櫃唔夠大，一係就買過個濶D的電視櫃，一定就電視上牆，兩者都係要用多一筆錢，原本我想平平地買個2.1喇叭駁落電視。所以對我來講75吋LED的成本會大過65吋OLED。

如果師兄係你，你會點揀?  唔該哂
我由一月尾折磨到而家四月中，好辛苦呀!! 救救我!!
======================================

我頭先反思左一段時間，又想玩OLED又想試下75吋大電視的震撼，咁GE情況我突然有以下的諗法
不如自己買一部中價位的75吋LED先，例如SONY X8500G, X8000H，先感受下大電視的震撼，三年左右後再檢討一次，自己究竟適唔適合玩OLED，好過而家日日不停咁上網睇REVIEW，真係好無謂。同埋我自己睇過實機，我知道X9500G之後的第二最愛係X8500G，騙唔到自己對眼。雖然RTINGS等等其他的網站都對X8500G評分唔係好高，但我自己真係鍾意X8500G嗰種柔和光亮度，X9500G有時真係太刺眼了，同埋X8500G可以出到哂D細節位，只係差左光線的反映效果。喺百記睇左幾十分鐘，我覺得唔會有錯，UPSCALING來講SONY真係做得最好。不過總係FOMO，即所謂的FEAR OF MISSING OUT，總是擔心買部低型號會無左一D功能。X9500G有LOCAL DIMMING，感覺好似好D。所以兜兜轉轉都買唔到