《動物森友會限定版主機》開箱啦！！

阿定

Nintendo Switch ≪集合啦！動物森友會≫ 特別版主機昨天3月13號開賣，因受到新型冠狀病毒疫情影響，搞到呢部特別版主機比平時更加難入手，所以一早七點幾已經有人龍係百貨公司門口集結，我地都要七點前去到才成功買到機，聽講排頭位係之前一晚11點來排，真係非常可怕。



封面係主機的特別式樣，封底係無人島落機時的情況，真係好想快點玩呢隻20號推出的遊戲呢。



今次主機最特別的分別係以下呢三樣，底座，主機，Joy-Con手掣，火牛同HDMI等配件同以往一樣，這次就不作介紹啦！



制別配色手掣，採用近期大熱的口罩配色(誤)，加上米白色手繩。



底座用上米白色外，亦有Nook社長同社員係無人島上的圖案



近睇一下，社長狸克，社員粒狸同豆狸，三個係度歡迎緊大家呢。



放上主機後，同以往的普通版或限定版都好唔同，搶眼得多。



主機雖然仍以黑色為主，但加了暗花係後面。



近睇就會見到無人島上的動物，花花草草。



平放主機，粉藍同粉綠的配色，非常搶眼，大家應該都是衝著這對手掣而買機的吧。



不過Joy-Con後面採用米白色，未夠統一，就未必個個都滿意了。



最後雖然主機係賣HKD2340，但現在市面已經炒到3500-3800蚊了，如果有心買又唔想食炒價的話，大家可能要等多一排，疫情無咁嚴重，工廠正式開工才有機會讓價錢回落了。

koo9726

我估大部份排隊買機都是炒家。。

gashapon

我都打算買switch比阿仔玩下郁下, 不過普通版都已經OK了~