煙仔又加價?

粟米湯

7仔正話每人祇可買一條...都己經冇貨..

薄餅薯片

點解唔加到$100包呀？！咁咪大把人戎煙囉！

粟米湯

不如將煙仔都列為毒品啦,橫掂都危害健康,食煙都要拉去坐監...

tennishk

加價有乜用，通街都係大陸煙！
最好一方面加價，一方面重罰買賣大陸凐人士。

jackiewong518

0岩0岩睇完報紙.....話今年唔加喎

PP-HK

今朝問報紙檔都話唔會加。

ricoy288

都好似話唔加喎.

Raphael

戒咗煙會健康啲......
老實講, 小弟有個疑問 : 連我阿媽都唔理我既健康.......何解其他人反而會咁關心我既健康?

每次見到加煙稅, 就會見到一班人話 "好呀~好呀~", 對住食煙既朋友幸災樂禍, 仲要 "好似" 非常有理咁講: "戒煙啦~ 為你好咋~"
唔食煙既人, 總係搵籍口叫食煙既人戒煙...... 唔係因為佢地關心他人健康, 而係因為佢地唔喜歡嗰陣氣味, 同埋怕二手煙

唔喜歡氣味
小弟都好怕人地既香水, 古龍水氣味....... 如果小弟叫人唔好用, 合唔合理?
如果小弟怕拜神香火既氣味, 又應否叫阻撓鄰居拜神?
"呢啲迷信野嚟架.... 戒咗佢啦~ 為你好咋!" 咁講的話, 有無人會覺得小弟真係為人地好?
如果小弟怕臭豆腐 / 榴槤氣味, 就諗盡方法阻撓其他人食, 會唔會好乞人憎?

怕二手煙
而家好多人都會自動自覺咁搵吸煙區 / 垃圾桶, 只有少部份人仲會喺人群之中食煙
利用一撮人既行為作為籍口, 乘機打壓全部食煙人士 (包括有公德心地吸煙既人) 既權利, 合唔合理?
如果咁都合理的話......咁我地應該倡議:
大幅提高電費 (因為有 "部份" 人唔節約能源, 影響地球生態)
大幅加水費 ( 因為 "部份" 人唔珍惜用水, 浪費資源)
大幅提高酒稅 (因為有 "部份" 人無公德, 醉酒駕駛..... 連米酒都要加稅)
重新設立化粧品稅 (因為生產呢啲化學物品, 有 "部份" 種類會污染環境)
大幅提高燃油稅, 汽車進口稅 (因為有 "部份" 人違例泊車)
設立皮革稅 (因為有 "部份" 人買得太多皮革產品; 而生產過程之中, 會用到對環境有害既化學品)
仲有好多好多野可以諗到.............

rikudoll

如果吸煙者吸煙時影響唔到我 , 我都唔係太介意 ,
有時排隊等 bus , 有啲人硬係要係隊中抽煙 , 完全唔理會四周既人 ,
哩種時候我就覺得自己好憎人地吸煙 .

Ken704

戒咗煙會健康啲......
老實講, 小弟有個疑問 : 連我阿媽都唔理我既健康.......何解其他人反而會咁關心我既健康?

每次見到加煙稅, 就會見到一班人話 "好呀~好呀~", 對住食煙既朋友幸災樂禍, 仲要 "好似" 非常有理咁 ...
Raphael 發表於 2010-2-24 10:09

講得好！,如果依番說話由我依d食煙既人講只會話我係藉口，
印象中你好似唔食煙，說服力大增。
講真，除左錢，我覺得好多人好仇視食煙既人，
我自問都係擺埋一邊食既人，個種眼光真係！艹！
飲beer或wine 都傷身同發生意外，又可以減稅，
仲比人感覺有品味