Audionote DAC 2.1 DIY

Alman

趁今日放早， 先換隻最弱的 Evo oil， 以 Clarity 代替之。

一開聲的感覺是音色比前清爽一點。 Ada 兄建議要煲三十小時， 待煲過30個鐘後再向大家分享

Alman

換電容真好玩， 忍唔住啦。。。今日訂咗兩隻 ODAM V-cap, 準備替代 Audio Note 0.47 uf copper foil

Alman

煲夠三十個鐘出個報告先

一切不變， DAC接前級用Mundorf silver／gold foil 線（愈聽愈鍾意 ）， 這隻 Clarity 電容所帶來的改善一定： 最主要其清爽特質（相較於EVO oil), 收了些擁腫感， 音場擴大，好似多咗空間比音樂餘韻揮發 ，演出更有solid感覺， 音場較前dd背後細節出得更清楚， 高低兩極洽到好處， 播古典的定音鼓一下下輪廓清楚； 相信如此等表現亦得Mundorf foil線所助不少。

一隻DAC上的電容就聽死人，換埋另一隻 Mundorf silver gold oil 會唔會死得？下回分解

Alman

換好啦。。。

Mundorf silver／gold oil 取代 Supreme：

kwcha333

Alman 發表於 2020-2-13 11:27
分享下進展：

換了兩粒正確數值電阻後， B+ 仍然係 420 vdc 而非應有的 260！負責人叫小弟量度 Zenor Diod ...

有用資訊,謝分享

Alman

Mundorf 金銀油電容煲咗十幾個鐘頭後偷偷試聽， 嘩嘩嘩 有料東西！

整體音場更深線條圓滑咗， 有d背景音樂突然間走前咗會明顯咗同活咗。 高音好幼細更清脆， 低音柔順。 煲耐d再詳細分享

V cap 兩隻電容尚未收到， 第日換埋佢哋的話。。。。。。那怕Covid－19唔出街

Alman

V-Cap在此

急不及待， 今個周末趕走Audio Note， 鵲巢鳩佔

Alman

等仲未換Vcap 之前， 詳細聽換Mundorf 金銀油電容後所帶來的轉變。 以此為鑑作V cap參考。

所聽的全是小弟至愛的試音碟， 包括 蕭斯達高維契第十， 帕格尼尼小提琴協奏曲，  聖桑骷顱之舞， The Oldies 的Green Field， Knock Three Times； The Beatles， 炎黃第一鼓的 鴨子伴咀，沖天炮等。

蕭斯達高維契第十： 最主要的改變是音場拉闊， 空間線條定位都變得更好。管樂器演奏更具質感。

帕格尼尼小提琴協奏曲： 明顯的改變是小提琴演奏同背後伴奏的距離感變強變清楚d， 低頻更有彈跳力。

聖桑骷顱之舞： 這首曲整體表現最突出， 開首的右邊鋼琴stand out， 低音大提琴豐厚有body， 樂器排列清楚過以前。最後爆棚的一段令人興奮， 不同樂聲無黐埋！

Green Field： 人聲企後， 今次高音反而無之前的標的感覺， 舒服舒服好舒服

Knock Three Times： 整個音像柔和。音場後咗同闊咗， 但種種樂器線條依然清晰。

The Beatles: 效果同上述相似。 聽舊錄音聽得出原來咁豐富演奏。 未換DAC之前大聲d變得好燥， 高音標， 今次可以講係感覺自然富質感。

鴨子伴咀： 這首曲考人地方是好多超細聲打樂器， 今次全無走雞。 敲擊樂器的質感定位展現眼前

沖天炮： 換了粒Clarity cap 後的改善加埋這粒Mundorf ， 鼓聲查查聲定位pin point有body線條，殘響好似無咁盡但音質圓滑順耳d

整體印象： 音色厚潤， 自然， 可能是金銀油的特質。

依家可以專注V cap 也

Alman

V Cap 到位

Audio Note copper foil 讓位， 雖然佢哋身型粗大但也不濟：V Cap 第一首聖桑骷顱之舞一開聲， 立刻聽多咗信息 。 興奮之餘， 繼續煲不能聽， 因要去行山也

Alman

V cap 已煲了大約廿個鐘， 分享下初步印象先。

聽第一首音樂的發現是其分析力高過Audio Note， 多咗訊息， 其低頻好似幾潛下， 但覺得有d笠同實。 今日聽番平日所聽音樂， 大致知道它的特質， 音色走細緻中性分析那邊。 至於低頻則收咗！它無Audio Note 的色濃及那份量感。 所比較的各樣音樂都聽多咗嘢同埋層次更上一層樓。 例如 High Performance Carmen 第十八cut， 小提琴群奏更有肉及節奏， 幾下三角鈴聲清脆冇問題， 以前只被這些鈴聲吸引， 今次聽其後排演奏排列突出咗，比以前更聽得清楚。    

網上對此ODAM的評論極為正面， 有稱越煲越有details出， 觀此表現， 雖不中亦不遠矣 。 亦有稱其 natural， 正是如此。 有評論稱Audio Note copper foil 濛， 今次比較的印象： 是。 所以， 無換錯 。

煲到一百個鐘再跟大家分享。下一步就係把手頭上三隻Duelund by－pass cap接去新換的 cap 較音。 話時話， 今次換咗咁多隻caps， 佔了 機價差不多四分一， 小弟覺得值得也。