《深海異獸 Underwater》睇後影評

gashapon · 發表於 2020-1-16 13:09

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

終於找到時間去睇呢套電影. 因我自己都好喜歡呢類題材, 雖然明知一Team人一定係一個一個咁死, 最後得返主角etc.
其實未睇之前都無太大的期望, 我見有人將佢同異形去比, 我都覺得太誇張了.

但雖然未睇前同埋聽外邊的人都說只是一般, 但睇完又真心覺得唔算差. 如果10分滿分我會比7分. 我都認為有興趣睇"困獸鬥+走難"電影絕對可以一睇.

成套電影無記錯大約90分鐘, 比一般電影"2小時"少了1/4左右. 但都覺得正正只有90分鐘, 反而無咩拖戲來做. 全程其實都幾快幾急, 但就係因為急, 反而令我有種"危機感", 會快d走才會有機會無事.

電影基本上由一開始就已經發生了事故, 都無咩時間比觀眾"warm up"(例如簡單介紹下個設施, 環境etc) , 只知道成個基地本身有300幾個員工, 但成套電影只有6個人(即係好多人死o左都唔知咩事?) . 大家想法要逃走. 當然一路有人死etc. 過程就唔講太多了, 不過都真係睇得幾緊張的. 少少唔滿意的地方係明明是深海, 佢地係mariana trench 中鑽油(成36000呎深), 但居然可以就咁行出去. 同埋周圍又會咁多牌呀燈呀成個鎮咁. 同埋咁深的水要逃出水面應該要好長的時間, 可能個逃生pod入面的人未上水已經餓死了. 另外減壓又係一個問題. 不過基於"聽故唔駁故", 同埋既然咁深的水底都可以起基地, 就信佢有足夠的科技咁啦.

最後少少總結: 有興趣可以一看, 氣氛唔差但不算是大師級作品.