純分享 (已補第二部及相片) --- 恤髮與音響

Wesleyii

第一部

話說九月某天跟我家雌火龍去”恤髮”，男士當然早早攪掂…跟雌火龍相約完成後一同午膳，然後我先到街上逛逛。

肚子餓，亦要打發時間，自然到處混吉。餓著肚皮混吉，也是渡日如年！美麗華、iSquare什麼都逛完，才過了45分鐘，只好去K11走走…沿地鐵站走去，不知不覺，經過 “AV 拉乎”就進去借試音為名，好分散一下注意力…

逛著逛著，看到EdgeNQ和W賣街實物---2017 和2018分別在hifi展試聽過prototype和production，但兩次都是推803D3。是故總是好奇單獨後級推其他喇叭會如何…反正混吉，跟店長要求試音，店長二話不說，著機，配以店內巨型JBL…嘩~~impressive!秉持著混吉分散精神的要旨，跟店長相詢JBL太巨型，有咩符合香港蝸居又抵玩的？店長立馬駁在一對PMC座地…一開聲…哦！好英國聲~好從容，又樣樣有~再轉幾首，有澎湃的，有古典有重金屬的，依然好吸引！聽著聽著，已五六首…問一下型號、Spec同有幾抵玩，原來係身價近七萬，上代同系老頂 Twenty .26三路，難怪中音那麼豐潤甜美！然後，店長趁機細數現時優惠，除一堆禮品，還有六折！眼珠不其然突出，然後口自然張大…然後，店長話，其實對野無外邊人講咁難推，即刻又轉插到馬蘭PM和CD 8006，一樣推得下~聽著聽著，忽然自己聽到肚皮咕咕大叫…跟店長互望一下，只好紅著面跟店長講，肚餓，比我諗諗，醫左肚先(笑)。店長亦補底一句：最後架啦，promote賣晒唔做啦 :)

幾日過去，依然記掛住對Twenty.26…心想，馬蘭都推得郁，無理由851W推唔郁~而雌火龍連續幾日見我若有所思，都間歇詢問所為何事…是故，個多星期後，和盤托出，當然係被Band！但，所謂念念不忙，必有迴響。反正都開左頭，又一直心掛掛，自不然用麻甩佬D無賴水磨功夫日哦夜哦，得閑就哦~雌火龍見我常有掛念，心軟之下答應去試聽一下看是否滿意！備註如有不滿或promote己過，就不作考慮！最後當然係成功下單！(Yeah~)

Wesleyii

第二部

又話說，十一月底又去恤髮，又係我攪掂先，又再去逛街；呢次直接去“AV拉乎”安排送貨…因為要等雌火龍，所以半混吉咁同店長閑聊。聊到近來經濟唔好，商鋪優惠多，就講及近來特惠：Cambridge到31/12/19做舊換新，回收任何音源加Amp，就可以八折買入NQ+W！計起慳一截！重有一堆商場優惠同贈品！返歸思前想後，又再硬住頭皮同雌火龍拎批文…當然，又少不了一輪無賴水磨功夫…終歸都o係截止前出到批文~~

結果就係新年伊始收到呢四箱o野~ (Yeah~~~)

高興得滯唔記得裝底座，又大費週章裝返~(笑)

單元


至於NQ+W，大把人開過箱，出晒報告，我係咁倚分享幾張cell phone相就算

NQ 面板

Signature 的同軸大旋鈕

另一Signature 座標記號

背板

closeup

W 的Signature - 散熱鰭片


準備就緒！有排食樹皮！(雌火龍按: 你呢輪o趙樹皮都笑住o趙啦~~)

多謝收看！

安祖利

無得輸

HD308

師兄好幸福呀，有個咁體貼嘅另一半，
如果喺我咁同老婆講，未開聲就俾人滅口嘞
點都好，恭喜師兄新一年有新玩具

Wesleyii

HD308 發表於 2020-1-6 22:12
師兄好幸福呀，有個咁體貼嘅另一半，
如果喺我咁同老婆講，未開聲就俾人滅口嘞
點都好，恭喜師兄 ...

雌火龍好錫我架~

確實係使左好大筆的錢，我相信絕大部份人都唔捨得咁使錢法！
其實，去到咁既水平，大概玩五年起碼。尤其喇叭，起碼十年八載。就當你使十萬，每年平均兩萬！試問，男人興趣邊樣唔使每年兩萬？在在有師兄可能一年買碟都唔止呢個數。更唔數攝影、車、模型…等。買野討雌火龍開心都可能唔止~

當然，仍然唔講得上平。但，拆細佢睇，唔少人都負擔得起！就睇你捨唔捨得。

萬般帶不走，使o係自己身上的錢先係錢。尤其世道唔好，今日唔知聽日事。

共勉之！

benwongkk

我都係玩PMC...喇叭潛力深不見底..3年半過去我都係發揮到4成

freedom9394

Wesleyii 發表於 2020-1-6 12:02
第二部
又話說，十一月底又去恤髮，又係我攪掂先，又再去逛街；呢次直接去“AV拉乎”安排送貨…因為要等雌 ...

小弟都係用緊PMC 22,正,試隻鼓碟個Hi-Hat高音聽多小小野.用左1年

衰仔樂園

代理呢幾日定價低到5折，好吸引

Wesleyii

衰仔樂園 發表於 2020-1-9 20:04
代理呢幾日定價低到5折，好吸引

六折我都眼都凸，五折真係抵!