日本中部北陸昇龍道尋雪之旅

245141525

#世事豈能盡如人意

諗住去白色嘅白川郷，點知變咗落雨嘅白川郷⋯⋯
好彩最後都完成任務，估唔到仲要超額完成。

行程九日，成個旅程揸咗1,083公里車，行錯過幾次路，經歷過大雪，最長車程三個半鐘頭，雖然唔算好多，但都算係自己一個紀錄。

每一個地方嘅揸車文化都唔同，淨係香港同九龍都已經有分別，今次去到日本，雖然唔係第一次喺日本揸車，上一次係沖繩，由於車唔多，而且得一條收費公路，所以今次多咗好多體會。

首先係跟車導航同Google Maps導航，都有啲出入，各有各好，所以兩個都用晒，最後都行錯過幾次路，皆因有好多唔似路嘅路，但係又真係路嘅路叫你轉⋯⋯
日本人揸車，快嘅可以揸得好快，慢嘅可以揸得好慢。
紅綠燈好耐，但都可以好有耐性咁等。
唔係好慣綠公仔可以轉灣，突然有人標出嚟都幾嚇一嚇，好在本身揸車唔算橫衝直撞，所以問題不大。
泊車好貴。
無做功課之下，原來錶位只能泊一個鐘，之後要換位。
公路收費系統都幾複雜，揸咗咁多日都未分得清點計，唯有見錢就畀。

可能有人覺得去旅行都揸車好辛苦，但某程度上揸車都係一種享受，而且時間上比搭車靈活好多，揸車睇到嘅風景絕對唔會比搭車睇嘅少，所以情況許可下，我點都係會揀自駕。

無辦法之下，旺季去旅行的確幾貴，好在尋雪之旅最中可以尋到雪，總算達到目的，始終錢係要用先係你嘅。

以下係簡單精華：

#指定動作


到埗。
鐵路網絡好複雜，Google Maps又睇唔到，影定份地圖旁下身。



陪伴七日嘅車，Hybrid真係好慳油。


去名古屋要去名古屋城。


行完街無乜行程之下，搵咗個公園去。
估唔到又幾好玩，仲有旅遊節目先見到嘅高軌單車。
#戸田川緑地



人地啲天點解可以咁靚？
#我地嗰啲好天極都係有霞



雖然唔係好大，比想像中少人，畀我感覺好過迪士尼。
#LEGOLAND



去日本要食飛驒牛。
特點：好貴。



人地啲天點解可以咁靚？
#我地嗰啲好天極都係有霞



磁浮鐵道館，日本人做嘢好極致，鐵道迷應該會睇得幾興奮。
#磁浮鐵道館



有一種錢，叫旅行先會使嘅錢。
#三百幾蚊嘅鰻魚飯



見到雪喇！
不過係遠觀⋯⋯



重點行程，竟然無落雪⋯⋯
但朋友話齋，仙氣難求。
#白川郷合掌村



但確實係靚嘅。
#白川郷合掌村



合掌屋
#白川郷合掌村



稻草人
#白川郷合掌村



第二朝去新穗高高空纜車途中由落大雨變落大雪，忽然驚喜。
#新穗高高空纜車



仲越落越大。
#新穗高高空纜車



大雪到第二段暫停，上唔到山頂⋯⋯
#SoSad



打獵咁款。


#指定動作
瞓雪



#指定動作
砌雪人



唔捨得走，係都要攞埋舊雪走⋯⋯


經過一輪風雪歷程，車牌都無埋⋯⋯


溫泉酒店嘅一泊二食。
老實講，我麻麻地⋯⋯



早餐好少少，起碼有隻蛋。
#一泊二食



大阪到著。
#指定動作



奈良餵鹿。
#掛住吃草的小鹿



#東大寺
#世界最大嘅木造建築



專登兜入中谷堂買草餅。
#中谷堂



初試一蘭，唔係話唔好食，但感覺名大於實。
#一蘭



#自助入油
日本人就係咁有原則，明知你唔識，會好熱心咁教你，但係都唔會落手幫你。



九日完結，回港繼續享受工作。

SonSon

中部北陸去一次係唔夠架.......

alleelarry

去多幾次，由唔識變成專家！

我會學日本司機講：蝦多是馬屎，估計是話我要開車了……

小瑟

嘩．．．．．頂，好正呀！！！！

245141525

SonSon 發表於 2020-1-2 09:46
中部北陸去一次係唔夠架.......

最弊啲錢只夠去一次⋯⋯

245141525

alleelarry 發表於 2020-1-2 10:50
去多幾次，由唔識變成專家！

我會學日本司機講：蝦多是馬屎，估計是話我要開車了…… ...

時代太快⋯⋯
未變成專家之前又已經脫節⋯⋯

245141525

小瑟 發表於 2020-1-2 11:00
嘩．．．．．頂，好正呀！！！！

頂！仲好貴添啊⋯⋯

小瑟

一泊二食<---- 呢個唔係在乎好唔好食, 係在乎享受個過程....同你XX一樣!!!

小瑟

245141525 發表於 2020-1-2 13:20
頂！仲好貴添啊⋯⋯

咁9日一行三日, 全數洗左幾多呢?? 同埋D車位一個鐘比一次錢, 之後要換位咁麻煩???

光與曝光

白川郷係我最想去嘅地方之一！！