如果想睇到更多76師兄嘅分享，快啲登入成為會員啦！
您需要 登入 收看或下載更多內容。還未成為會員？成為會員
x
本帖最後由 ikkjr 於 2010-2-22 18:51 編輯
今日早上行程概括:
06:30 由酒店出車
07:00 到達食早餐食店
07:45 由食店到 “租滑雪衫褲商店”, 約 一小時四十五分車程.
09:30 到達 “租滑雪衫褲商店”,
10:00 到達 “陽智滑雪場”
14:00 離開滑雪場
話就話 06:00 morning call, 但 06:30 就要由酒店出車,
得半小時邊够 my boss 同 小弟 梳洗, 所以又要 05:30 起身!
OMG. 又瞓得個 4,5 個鐘, 希望滑雪時够精神, 千其唔好 “新年溜溜” 發生意外. 
07:00 左右到達食店外, 可能太早關係, 條街相當清淨.
今早氣温同咋天差不多, 零下2-3度, 唔覺冷.
個早餐係食 “韓國早餐 buffet”, 有 米飯, 麵條, kimchi…………… etc.,
唔多好食 , 所以冇影相俾大家睇.
到達租滑雪衫褲商店約 09:30, 詳細費用如下
My boss 同 小弟就租咗滑雪用具 同 滑雪服,
滑雪手套 同 滑雪帽 係 冇得租嘅, 要買.
Total 用咗 100,000 won 左右啦.
成團人換好滑雪服, 上車出發到 “陽智滑雪場”.
到達時間約 10:00 左右.
第一時間去租滑雪用具 (費用係車上巳俾咗導遊)
記得租用 locker 以便放女士手袋, 電話, 假髮, 假……等等. (Just kidding) 
locker 柜要用硬幣, 左手面有自動對換機.
領取滑雪用具嘅地方
如果唔係經常滑雪, 想 “著” 對滑雪鞋都幾困難, 
負責影相嘅 “Peter 仔” 又係時侯出動啦,
見佢穿梭於各團友間幫手 ”著鞋”,
又係忙碌到 '不亦樂乎'
未開始租滑雪用具 同 滑雪服前,
問過領隊有冇人教滑雪,
佢好肯定咁話 ‘有’.
原來所謂教就係個導遊企出黎不停咁重復講一句:
“滑雪想停, A 字腳就得啦”. 
回想一下, 可能小弟條問題 問錯咗,
應該問 “有冇人免費教基本滑雪” 先啱.
但見到其它團個導遊又唔係咁 ’求其’ 喎,
見佢帶晒 d 團友出雪地,
圍成一個圈,
教 d 團友點樣跌, 點樣起身, 點樣係雪地上行, 點樣停 ….. etc
講足二十幾, 三十分鐘. 
点解小弟咁清楚 
皆因小弟 '靜靜雞' 行咗埋去偷師. 
呢個 “陽智滑雪場” 其實相當’袖珍’, 一眼巳經望得哂.
除咗近首爾市區外, 真係唔知仲有乜嘢好處.
如果一人多, 就 你撞我, 我撞你!
適合初學者用嘅 escalator, 送你上高小小嘅地方, 方便你滑落黎,
要另外俾錢, 好似每位 $23000 won.
適合較高級滑雪人事, 送你上高 d, 當然又貴 d 啦, 每位 $53000 won
玩咗一輪, 醫下肚先,
点知揾哂全場都冇乜嘢啱食,
唯有買著 d 小食醫肚 
離開前見到玩滑兜嘅滑道, 每位 $12000 won.
上面提過: 如果唔係經常滑雪, “著”對滑雪鞋都幾困難,
有好多團友“除”滑雪鞋時又遇到困難, 
“Peter 仔” 係時間出動啦. 
玩到下午 14:00, 嗚金收兵. 上車去下一個景點.................... |
發表於 2010-2-22 18:06
樓主
