全無線環繞聲音響系統 One Audio ONEmini 評測(道歉啟事)

小瑟

hihiar123 發表於 2020-5-12 13:32
其實我真心想問你介紹得嗰啲嘢高價嘢你又話幾好,低價嘢你又話幾好,咁咩叫唔好呀 ...

其實我地做REVIEW都係以價論貨, 其本上我地試完覺得D PRODUCT真係過得去先會做REVIEW分享的, 當然最尾我地都係希望大家睇完片, 有興趣就去親身試下, 唔好只聽我地講呢.
呢SET野係有佢不足之處的, 例如唔係食HDMI原生3D音效, 只可以用編碼運算升頻方式比大家享受3D音效的效果. 大家都可以睇到呢個PRODUCT的定位係唔想煩又唔會睇4K UHD藍光碟的一眾玩串流版友呢, 所以對準的切入點都會有D唔同呢.

希望大家留意一下啦!

hihiar123

其實可唔可以做多啲產品與產品之間嘅比較呀優劣呀嗰啲評論嗰啲影片

hihiar123

自己睇咗76十幾年, 見到76不斷咁進步但係啲post亦都越嚟越商業化

成龍大哥

hihiar123 發表於 2020-5-12 19:58
自己睇咗76十幾年, 見到76不斷咁進步但係啲post亦都越嚟越商業化

人地唔駛食咩,商業化咪好囉,商業化先有得長做長有呀,唔係邊有咁多片比你睇?

小瑟

hihiar123 發表於 2020-5-12 19:58
自己睇咗76十幾年, 見到76不斷咁進步但係啲post亦都越嚟越商業化

多謝Hi兄支持，我地的確需要收入去營運的，依家做媒體要搵定位生存其實都好難，又冇得出書，以前做書可以有大家比錢每人10蚊8蚊買書。變左可以做好多pk呀，vs之類既東西，但依家我地都係以廣告做主要收入，變相可以玩既野就小左了。不過我地都有個底線，Review任何野之前都試左件野係有佢既市場入手價值先做的。One Mini我地係大意左冇講清晰一點個天花係模擬出來係我地不是，我地之後既片都會講返清楚D呢。真係多多見諒呢。

小瑟

成龍大哥 發表於 2020-5-12 23:57
人地唔駛食咩,商業化咪好囉,商業化先有得長做長有呀,唔係邊有咁多片比你睇?

...

大哥，泠靜D, 記得小瑟開站的小小願景，大家尊重討論呢。唔好勞氣。唔好為小瑟今次錯失傷和氣呢。

starbear

請教同熱門2，3款soundbar比較，效果如何?

hohodog900

想問下，可以去邊度試聽?
Thx

小瑟

就『香港設計！全球首款全無線環繞聲音響系統 One Audio ONEmini 評測』的YouTube影片有誤導而作出道歉啟事

就著在 2020 年 5 月 12 日在 YouTube 上架的『香港設計！全球首款全無線環繞聲音響系統 One Audio ONEmini 評測』之中，片段提及 One Audio 系統可享 Atmos 及 DTS-X 之天空聲道之內容，經過連日來了解，其技術是以環繞聲音效中，抽出 Top layer sound object 的資料，再以廠方的自家 DSP 技術，模擬出天空聲道後才可呈現出 5.1.4 的天空聲道效果，絕非原生 Dolby Atmos 或 DTS:X 的解碼方式。現在我們將去信 Dolby、DTS 及 One Audio 三方面，了解其產品在出售前的任何授權之法律問題。而未有任何回覆之前，我們會先將影片下架，待進一步了解當中的技術問題，再重新補拍。

我們一向本著推動人人可玩影音玩樂這個概念，希望做到發燒與入門同樂也。就是次技術上的理解失誤， 謹此對各影音玩家帶來影響及誤導，致以萬二分歉意；我們亦非常感謝大眾指出箇中盲點，協助一眾新手更能了解當中分別。

往後，我們將更留意有關技術上的演譯及展示方法，以避免誤導的可能性，在此再三向大家說句對不起，並同時會從錯誤中學習及改善。

Post76玩樂網負責人 - 小瑟字

小瑟

starbear 發表於 2020-5-13 18:34
請教同熱門2，3款soundbar比較，效果如何?

今次唔敢答大家住.......等我地攪清楚呢件事先!