2nd Review for Oneaudio Medi 2.1

C.T.Chan@G

自從六月出第一次review，竟然都有五百多個“查看“，以處女作來講，成績算吾錯。

呢套 Oneaudio Medi 2.1 玩佐四五個月，（其實玩佐HIFI咁耐，究竟係我玩佢、定係佢玩紧我，呢類形而上的抽象的問題，的硧好難有明確的答案，不過，無論玩與被玩，最紧要Happy），表現真係超乎想像，我前後間接介紹佐两三個 有米的Friends 上 Oneaudio，點知佢地一出手，就扑鎚做低成套 Oneclassic2.1，成两皮幾，你話有米幾好呢，佢地仲响Whatsapps不断同我吹，Oneclassic2.1 贏 Medi 2.1幾多條街，真係恨死隔離。

我唯有返屋企，張自己套Oneaudio Medi 2.1玩盡 D （或者叫，比佢玩我盡D），我嚐試响喇叭底部加釘，但OneaudioMedi對喇叭底部四個角都有膠脚，於是我把喇叭 upside down，响原來的喇叭頂部貼上小釘墊（平價淘寶貨），因OneaudioMedi對喇叭上下單元係一樣，上下調轉，外觀及音效一樣，跟住换上不同的鋼釘，黑檀釘，又試埋 Oneaudio 自家的 Aluminium speaker plate （1cm 厚的鋁板墊）及 Anti-vibration spikes (可調較高度的鋼釘），音場的立體感，空氣感，牛荕的彈跳力，音樂的順滑感，盡現耳前，真係玩到想Dump信吾撈，成日 stay at home。

雖然呢套 Oneaudio Medi2.1 帶比我吾少的樂趣，但都有少少失落感，因為呢套野行full wireless，我已經吾使玩電源綫，信號綫及喇叭綫，咁以後真係少佐吾少的玩趣，為佐保留翻少少玩趣，為玩而玩，我嚐試吾用DLNA的方式輸入去Oneabox Micro，改用notebook or MACbook 接駁去 Onebox Micro，musicplayer 行 Jriver 、Itunes之類，D 音效都有少少吾滿意，Ondeaudio個网址都有提及 DLNA 的音質係高分過 Notebook，可能因為notebook 隻電子牛噪音大。為佐解决呢個問題，唯有吾用Notebook，轉用平靚正的 Linux Single Board Computer, Raspberry pi4 （中文譯文：草莓批，我就比較喜歡叫佢做“草妹“）或者 Asus Tinker Board S（中文譯文：我自己叫佢做“碩哥“），兩者都可以接駁5V/3A 綫性電源牛，加埋IFI audio 的 DC power filter （DCIPurifier 2），D 電想吾靚都幾難，跟住由 “草妹或“碩哥“直接駁去OneaboxMicro的Micro B input，“草妹“及“碩哥“本身可以經USB接駁存放歌仔Files 的HDDDocking 或插USB 手指，有關 Musicplayer，“草妹“及“碩哥“都可以行 Volumio（volumio.org），“草妹“兼容性較高，可以玩埋 Moode6.3（moodeaudio.org） 及 Runaudio（runaudio.com） 等，都幾多花款玩。

终於，接駁好哂，先試 Volumio（現時最新版係2.668，launched on 14 Nov 19），一開聲，立即要把Volume由40 調低到17, 18，原來”草妹“個USB output 咁勁，volume大佐好多，15度已經夠聽，跟住 Play佐幾首爆棚野及人聲，D聲厚佐，純佐，力水及音場好明顯大佐，雖然Ondeaudio個网址話DLNA最好聲，但我個人聽感覺得用“草妹或“碩哥“直接駁去OneaboxMicro的Micro B input，更加優勝。

耳油未盡，試過Volumio，一定要試埋我最喜愛的 Moode6.3，我立即把moode 6.3燒落張micro SDCard，然後把佢好大力咁插入”草妹“窄窄的slot （各位師兄吾好諗埋哂D衰野），一開聲，Moode的音樂感真係滿到瀉，Moode 同Volumio的最大分別係，Volumio 剛性強，Moode柔和及有音樂味及文化俢養，我個人比較喜歡Moode，但講到低頻的沖擊力，Volumio係無得輸。

因“草妹“及“碩哥“都系行5V/3A DC 電，再推埋OneaboxMicro的5V/1A，會吾會分薄佐D 電力？我於是再翻箱倒籠，竟然比我搵到只塵封已久的IFIIUSB 3.0，呢隻野除佐有Digital Reclocker 功能外，仲可以把9VDC input 轉成兩組5V USB outputs（每組各有一個USBpure Power 及一個Digital signal 加Power），IFI Audio 個网址話，噪音低到0.1uv。我如獲至寶，立即把IUSB 3.0接上，我用其中一組的PurePower去推“草妹“，另一組則用Digitalsignal 加Power駁去Oneabox Micro的Micro B input，“草妹“則用USB output 駁去IUSB 3.0的Digital input。一切就緒，立即開聲，聲音的質感改善好明顯，我諗最主的原因係IUSB3.0 的5V電再純D，或者係IUSB3.0的Reclocker功能，Digital Signal 的質素有所提升。

玩到呢度，Oneaudio Medi 2.1的確仲有好大值得玩的空間，例如，可以升上5.1，加多幾隻Onemicro 無綫喇叭仔，用Optical input，煲埋Blue ray 碟，如果各位師兄有玩開大羊（auralicaries）或者Lumin D1 Mini 呢類Streamers，可以直駁去Oneabox Micro的Micro B input，肯定升上另類境界。另外，Volumio 及Moode每一兩個月就出新Update，每次都可以PK，直係樂無止境，而且費用全免。

依加除佐Raspberry pi4 （“草妹“）及Asus Tinker Board S（“碩哥“），仲多一家叫 AlloUSBridge Signature 掙飯食，賣到 USD240一塊，標榜UltraLow Noise RPI，有機會真係要整塊試吓。