噚晚終於睇O左風雲II

chhanthony

可能係大家實在評得套戲太差
所以我O係有心理準備底下睇
反而覺得唔係太差



我係用DTS HDMA 7.1睇
套戲嘅音壓比平均嘅戲大O左成8dB
底頻部份都幾勁, 但有O的位有少少過龍
人聲有回音多數係O係人洞同山道
一般情況下無回音, 但成套戲
O係山洞同山嘅時間太多
而回音多數O係後中置出, 後置又無乜聲
所有有O的怪怪地
而打鬥聲同配樂就有時大時細嘅問題




畫面方面我幾鍾意佢嘅色調, 好濃好有電影度
特技, 同視覺效果方面, 前段的確係明抄戰狼300, 無乜好講


而我自己覺得後半段幾好, 可惜成套戲節奏真係太慢
加上大量慢鏡, 係就係做到漫畫效果, 但真係有O的悶
儲氣儲成分鐘, 真係以為自己睇緊龍珠



故事方面,
我由天下第一集一直追到上年先無睇
但太多劇情唔記得,
乜楚楚係咁死架咩?
乜聶風唔係比步驚雲整盲O左隻右眼架咩?
乜第二夢唔係同雄霸有關係架咩定係真係刀王個女?



選角
風雲唔講, 十年前已經唔鍾意, 但無得好揀
一直以為由任達華做絶無神會好有型
但佢嘅演譯方式令我一O的都唔覺佢有型
謝霆鋒做絶心太後生, 絶心應該同風雲差唔多大
但佢都前期無乜用嘅絶心做得幾好
而無名, 唔知點解, 一直我都覺得劉德華做係最神似
雖然何家勁以前做過華英雄, 做得幾神似
而無名又係華英雄嘅翻版, 應該無問題
可惜佢說服唔到我佢係無名
佢少O左一O的一個內歛高手隱藏嘅氣勢
朱王由林雪做外形上說得通
但都係演譯上唔得我歡心



整體嚟講, 比起十年前嘅風雲,
今次O係特技同視覺效果上真係進步好多
呢O的都係拜科技進步所賜
但成整套戲反而無第一集咁吸引我

畫 : 85
聲 : 70
觀賞度 : 55

風雲迷可以一看
非風雲迷可以不看

以上係小弟非專業個人觀感

perrybeckham

左戲院睇時最後風云對决拖成20min,悶到why仲未完場.又成日聡到叫 '風大哥.云大哥,唔好打呀!' 好剌耳.
當初知有謝檸檬做,心唸會是做斷浪適合.而找到何家勁做番無名又滿心歡喜,

ILoveUBoyz

呢套勁正呀! 絶不能錯過!!

magicmilk

呢2日睇!!

morrise

O係山洞同山嘅時間太多
而回音多數O係後中置出, 後置又無乜聲
所有有O的怪怪地

絕對同意~!!!!
其他低頻真係幾勁既~
不過論故事佢就同漫畫有d 唔同la~

kk2817

我睇dvd咋！睇特技ok,睇故事九流！

邪同學Derek

好彩唔係入戲院睇。。。
d特技。。。講就點勁點先進
睇完咪又係行貨咁。。。港產。。。失望

snoopyboy001

好彩未去戲院睇,咁又可以省下百幾

giralda

感覺似兩舊水睇一期漫畫書!

aiken

呢套野最好唔好夜晚睇,好鬼大聲,由頭嘈到尾,開大聲D都驚俾人投訴。