《青春豬頭》影評︰奇幻感人故事

粗人敵卡

小弟因為睇過電視動畫，覺得劇情吸引先去睇今次《青春豬頭》劇場版。見到劇場版得個半小時，擔心會唔會將原著小說情節刪減得支離破碎，不過劇場版動畫叫做編排得有頭有尾。

如果大家睇劇場版之前無睇過電視動畫或者原著小說，可能會對動畫裡面男女主角嘅行為、動機同另一重要角色會難以理解同不知所云。今次劇場版故事主要揭開動畫裡另一女角色翔子身世之謎，以及她與男主角咲太有著「神秘」關係，小弟儘量唔去提及劇場版重要劇情去講套戲係點。前半段可能因為片長(經費問題)關係劇情推進極快，稍不留神會忽略某些翔子女主角嘅關鍵情節。之後咲太與他女朋友麻衣發現翔子的「秘密」，引發中後段一連串意外…


劇場版同電視動畫一貫風格，每一個主要角色差唔多有思春期症候群，而今次嘅思春期症候群(有睇會知道今次係邊位角色)令小弟諗起舊戲《回到未來》同動畫《Steins;Gate》。劇場版中後段一次「意外」之後劇情充滿感染力，咲太性格轉變，女主角麻衣為愛人不惜一切等等令人忽視劇場版奇幻設定嘅小小漏洞。臨到結局Flashback電視動畫劇情，會令到稍為眼淺嘅觀眾感觸落淚。劇場版畫工叫做不過不失，而一眾配音員演出亦係今次劇場版嘅賣點之一。

小瑟

Thx Report

小瑟

jayarambro 發表於 2019-10-25 03:52
Excellent Blog! I would like to thank for the efforts you have made in writing this post. I am hop ...

呢個PO咁似機械人廣告既??? 是真有其人嗎???

光與曝光

小瑟 發表於 2019-10-7 19:31
Thx Report

［青春豬頭(不會夢到兔女郎學姐)］係近年驚喜嘅新IP動畫，的確而家好多作品都係由輕小說改編而成，除了題材氾濫嘅後宮異世界之外，也不乏創新主題嘅新作品，[青春豬頭]肯定佔一席位

個人認為電視版頭三集可謂近年經典，三集一個小故事有頭有尾蕩氣迴腸，呢三集已經可以同一套[你的名字] 媲美

可惜未能抽空到戲院支持 .... 😔