[少量劇透]《Joker》影評︰全城效應

粗人敵卡

呢套電影未上映其實都幾期待，因為Joaquin Phoenix做Joker呢個角色。比較愕然嘅係Joker會喺今年威尼斯攞咗金獅獎，估唔到超級英雄電影會響國際影展攞到最高榮譽大獎。(但其實套戲本身唔係定位做超級英雄電影，而係文藝片)
Joaquin Phoenix嘅角色Arthur未變成Joker之前係做小丑，想為Gotham城市市民帶來歡樂。奈何因為一次表演失誤加上俾同事陷害，被公司解僱。接著發生的一連串事件，加上被Robert De Niro於電視節目羞辱，令Joaquin Phoenix開始精神崩潰。成套戲氣氛壓抑，瀰漫著一股不安同焦躁的氣息。早段電影Joaquin Phoenix被解僱後，於火車裡突然病發大笑被三名男乘客毆打。男主角反抗殺害三名乘客嗰場戲充滿爆發力。

Joaquin Phoenix之前攞過威尼斯影帝同康城影帝，今次喺Joker亦無令人失望。因為自己係精神病康復者而俾公司老闆與其他人歧視，佢每一次病發時的大笑令人睇到好心酸。中段擅自拆開母親要寄俾Thomas Wayne嘅信發現自己與Wayne一家人嘅關係。但到咗後段Arthur真正知道所謂何事後，Joaquin Phoenix一舉一動同演出相當震撼。Joaquin Phoenix喺呢套戲付出唔少心思，不能自控嘅大笑，後段化完裝響樓梯跳舞等等場面好帶動到觀眾情緒。最後佢同Robert De Niro嘅對手戲好有火花，上流社會人仕與社會邊緣人價值觀的對壘令人反思。


劇情方面導演聲稱借鑒Martin Scorsese嘅Taxi Driver同King of comedy，而導演亦刻意將Robert De Niro響套戲做Talk Show主持人，定位故事同King of Comedy差唔多。電影比較有爭議性係將Thomas Wayne定位做一個懶理民間疾苦的反面角色，佢嘅妄言間接令民怨大爆發。另外一個有爭議嘅係結局，Joker俾Gotham市民追捧，劇情實在有啲政治不正確，同時亦到Bruce Wayne嘅立場好尷尬，佢大個做Batman點說服到Gotham市民佢係真心幫個城市？


總括而言，Joker係一套劇情同演出相當突出嘅電影，由頭緊張到落尾。

alleelarry

即買飛去睇先！

正宗球迷

小丑既成魔之路, DC呢家玩單人獨立片睇黎幾好, 內心戲.

想知個鄰居對小丑有冇做過乜?我係睇到做開槍手勢.

樓主提到既thomas wayne個角色變成咁, bruce的確難左企出黎.
小丑仲會唔會拍落去,同時納入未來batman,或者正義聯盟既故事內?? 馮力士既小丑感覺係內心文戲, 唔知佢做到加埋動作同batman對打, 有冇heath leger咁好睇. 我想睇佢做到再癲再狂既小丑.

gashapon

我睇完心情其實都幾沉重, 好似講緊依家的社會情況咁...

我最不喜歡都係將thomas wayne寫成了一個懶理民間疾苦的反面角色. 但成套電影都係好精彩的. 同埋由於電影都係以主角同佢阿媽的"觀點"說故事, 所以其實當中有幾多是真實的, 我是有懷疑的(特別是最後十分鐘的劇情).

以下內容有劇透:

電影最後其實都講到arthur自己有d事情係幻想出來, 所以我都有懷疑佢被其他人救出是否是"真實". 另外因突然又跳o左去一間白色精神病院, 個醫生都問佢咩事, arthur回答"講你都唔明". 因此有可能成套電影其實只是佢幻想出來, 佢一直都生活在精神病院內(佢講過佢曾經入住過).

audia

我睇k11 IMAX  。 真係一部值得回味嘅好電影

alleelarry

正宗球迷 發表於 2019-10-8 00:03
小丑既成魔之路, DC呢家玩單人獨立片睇黎幾好, 內心戲.

想知個鄰居對小丑有冇做過乜?我係睇到做開槍手勢.

此片被定為非正傳的故事，加上睇到尾有交代「點解」

alleelarry

audia 發表於 2019-10-8 23:53
我睇k11 IMAX  。 真係一部值得回味嘅好電影

IMAX 的話，1.85:1 用得好盡，感覺應該好正下！

alleelarry

audia

alleelarry 發表於 2019-10-10 09:57
IMAX 的話，1.85:1 用得好盡，感覺應該好正下！

今日megabox睇多次

alleelarry

audia 發表於 2019-10-10 15:11
今日megabox睇多次

咩原因咁吸引要睇多次？