[入門級]我應該買乜野amp？

keinop · 發表於 2019-10-3 08:35

本帖最後由 keinop 於 2019-10-3 08:40 編輯

感謝各位版友既回覆，呢兩日搞新屋d野比較忙，我再慢慢消化各位既建議。

呢度我再回應一下其他版友既補充資料：

budget上：成件事我預8k左右，如要再多就要推遲，遲就多變數，唔係唔得只係我唔太想。

空間上：長方形廳120-140呎(未正式度呎)，電視放長方形既短邊，距離seat位7呎半，一邊牆係玻璃窗，另一邊無野，天花無雜物。

使用上：
-因為屋企有女人，最緊要一開就用得，最好唔洗set野轉input乜乜，很重要。
-電視主要睇netflix，外加bt國外劇集，打機有但少，因片源關係我都唔求什麼效果，聲靚d仲實際。
-聽歌1，主要食飯時播下bgm，因食飯係另一邊，所以有聲就得，支持手機射就方便d。
-聽歌2，我最常用反而係假日攤係梳化睇書或純粹攤屍(or用下notebook上網)，呢度就想靚聲d。
(我聽開果d歌全部有CD或上網買左，所以全部都係flac格式，但我無整NAS，只係插下手指播)
-因屋企想簡潔，所以影音野唔想拖一大秋野，如果有隻十仔好d，咁都無計。

因為依家影音野有好多玩法同變化，我都唔多識。我既終極想法只係易用地、簡潔地有個合理好聲音，我唔需要什麼包圍效果(據我了解有d sound bar兩件頭已有唔錯模礙效果，如果比我揀我會要靚聲多過效果，當然我未去到試聽既步驟，可能8-9k既sound bar d聲都靚都未定)

再次感謝各位。