需要買電視的新手幾個疑問

WaterGKK@G · 發表於 2019-9-25 01:51

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

本帖最後由 WaterGKK@G 於 2019-9-25 01:53 編輯

本人無牌子信仰也沒有影音知識，請教各位前輩數個落鋪觀察後的問題。
本人主要睇新聞和電視綜藝節目，間中打機，很少睇電影。原來打算買lg b9，但上網google大多回覆oled不適合睇新聞同打機（??），又不清楚oled技術是否成熟，所以打消念頭轉買4k lcd電視，先到百記對比sony x9500g、lg nanocell sm9500同三叔q70r。先說lg sm9500睇tvb電視的字幕起格，心諗係未個別鋪頭setting問題先skip左，咁啱sony x9500g拍住三叔q70r就叫sales轉tvb節目對比下，sony啲色對比三叔係正常啲（三叔太鮮色），但節目主持人郁動身體個邊緣位就起格或疾疾地無q70r咁順（一齊去的朋友也指出個主持一郁個膊頭會疾或跳格），記得x9500g已經用佢oled頂級x1 ultimate處理器，點解仲會跳格或邊緣起格?因為果間百記無display panasonic gx880h。第2日（即今日）去荃灣新天地間中原，見佢鋪頭細但55"電視好齊，拍埋6部電視p記gx880h,fx800,lg sm9500,sony x9500g,三叔nu唔知乜同不知名1部。原先播demo片無比較，之後有個sales黎分享意見，攞左2條聲稱用黎試相機的片，1條係數幅小朋友起公園的相，1條是一隻狗仔起草地跑的片。小朋友的片，無論zoom近時和轉相時，gx880h都順過同自然過sm9500同x9500g，狗仔跑時4肢擺動就更明顯，gx880h真係好似見街邊啲人放狗時咁自然，sm9500就4肢擺動都順，但擺動時有啲浮浮地同慢動作的感覺，x9500g就最差，啲擺動位又係疾同跳格咁。所以唔明佢processor係頂級，點解啲郁動或擺動位就怪怪地?另sales可能想sale oled，又播一段多暗位的片比我睇，話比得錢買g880h不如加少少買lg b9好過，咁佢套片我就無乜理佢光暗位，反而人物臉部輪廓同皺紋，2台oled（lg b9同p記fz1000）同p記gx880h比又清楚細緻好多，真係無得比，又令我唔知買gx880h好定b9 oled好。其實oled技術現在成熟未?唔計手神可以玩幾耐?（台灣網上講lg表示每天睇5小時，3-4年後會暗50%）。想請大家比啲意見

Kkbank · 發表於 2019-9-25 06:38

如果真係怕OLED就咪囉,其實現在D電視都係預用5-7年,合價錢就買吧,

Kkbank · 發表於 2019-9-25 06:53

其實再講多一D銷售技倆, 很多公司/SALES都會將佢地最想售出的型號擺設係最好的地點/視覺效果/位置, 等D人一睇就覺得大分別, 再深入D, 佢地一個畫源開出咁多部電視, 其實每一個訊號都有強弱,高低之分, 只要將訊號比最想賣果部效果又會再好D, 最簡單用條靚D的HDMI線都已經差天共地啦.....

P.S 個人意見,買最高CP價值的就足夠,反正買左返屋企又唔會有得比較