CTM-AS7開箱，有啲俾原廠埋沒嘅好耳機。

Korwai

我覺得算係平反文。
如果想知CTM對耳機嘅調音口味，請帶線或者做店家嘅線去試。
我會稱原廠係將揸架Benz用食物油開車。。。。嘥咗架靚車。

重要嘅事重覆三次
帶線去試
帶線去試
帶線先好去試！！！

會寫呢隻耳機純粹係一個意外，佢原本完全唔係我中意同射程入面，但係因為有公司同事買左而佢又換左線，令到我覺得可以一寫，換線係會好過癮。

(呢對野適合人士係有線換，或者打算升級線材人士)

最初對呢對耳機係無太大好感，以前響音響展聽過。
(我口味好簡單，定位要準，結象要好，高頻唔一定要非常高，重點係修得甜同靚。
中高低密高令包圍感好，低頻彈性下潛要靚仔。
同空間感音體。)

As7係幾好帶，舒服較身兼細隻。
可惜佢嘅結象有啲怪，無乜力，平面感有啲強烈。。。。出奇地iphone推會俾dap好。。。dap又比加amp好，係一對好神奇嘅耳機。

當然可能間廠預大家係iphone推，但係咁貴嘅耳機。。。。有幾多人真係用iphone推呢？

老實說。。。。7單無理由咁嘅聲？點搞先。。

返到公司見到有同事買左，當堂打左個突！咁公司玩耳機唔多，所以大家得閒會交流下。

我問一問做乜放棄治療呀。。。咁同事話好聽叫我聽下先，換左線差好遠。。。咁咪試下囉。

OK。一試先知原廠放棄治療得好緊要。。。。同事用緊creator嘅vocal，平面感覺即刻88。相位準返哂，，結象好到位，分析力同密度合格提升返應有身價，耐聽舒服，聲底同個名一機好鬼乾淨，而且包圍感好好。

心諗咩事呀大佬，之後我想試我條近期最愛brise audio Asuha，點知個高頻唔到位。。。同事話要轉filter俾我試。又得返喎，動態同低頻好靚仔，包圍感更強烈，高頻好過我對13.6。。。。仲要都幾多。。當然，13,6 個13mm 圈就冇得比。。

而換口味改變之餘，先真正聽得出個特點出黎，佢動態好高，但係好舒服，聽中型音樂好好，包圍感密度幾靚。有少少懶洋嘅聽感，無論動態幾突出都少少懶洋洋味。

聽Jazz同女聲係非常吸耳，尤其是色士風。

佢中高頻個修色好靚好甜，而越靚嘅線就越出色，甚至高於身價，聲線銜接好暢順，相反而已。

而原裝線亦似走懶底路線，懶加懶炒埋一碟。
搞到件事有啲錯。

Sad but true係佢堆filter，佢啲fiter唔係for係轉口味，係for你tune返正個聲。。。而且係tune得非常到位！！

呢對野係一對對線材好敏感而且換線升身高嘅耳機，唔係小提升。。。係換耳機嘅級別。

如果係線材玩家加換Filter係一對幾過癮嘅耳機。

希望廠個邊可以正視下條原廠線配搭。。。有時咁貴買一對耳機，都希望一步到位，有條靚線跟埋。。。用咁耐時間做好一對耳機俾條咁線令到佢變到個結象怪怪地同flat哂，哂曬呀。。

真心大家試真，再一次覺得原廠線會埋沒左一對好耳機。

Korwai

eph200 發表於 2019-9-16 20:36
(我口味好簡單，定位要準，結象要好，高頻唔一定要非常高，重點係修得甜同靚。
中高低密高令包圍感好，低頻 ...

點解咁講???Ssp瘦佬係？

heatpursuit

Korwai 發表於 2019-9-16 21:13
點解咁講???Ssp瘦佬係？

That guy got banned by many forums.  Please ignore him.