新加入報到及少量聽感

Cybray

各位師兄好，剛剛加入哩度，小弟叫做玩左好耐IEM,歷史都追溯返去UE5C嗰期（數一數都應該有十年八年?），當然個時係簡單好多，UE10pro都已經係好震撼，中間得玩過既IEM有UE5eb,triple fi 10 pro,ue5c,er4p等等，去到有一期，隻ue5c壞左，好唔開心，最後走去求其買左隻w4r,一用就用到今年，突然間覺得對住佢5年好悶，走左去試，試左好多隻（不詳述了），最後竟然我會換左隻人人都話廢既綠仙女，我事後先知不討好好多人，聽Rock/metal多點解會係佢？

我都唔知，個個人隻耳唔同，佢咁啱係我杯茶，佢的確係清既，但係低頻亦無想像中薄弱，係有質素，中高頻不用講相信都係佢強大之處，高得來不太尖，係耐聽的。

我初初去試係試Larc en ciel既25th live,其中有動態較高既歌，亦有靜，我覺得試iem都唔錯，仲有hyde把聲，真係一隻碟就可以去試了，如果你聽開的是rock/metal向，其中一首-瞳之住人真係會聽到你起雞皮。

咁IEM又換左喇，player又唔係好發揮到，我諗師兄們都經常發生，包括我自己，之前係用開AJ JUNIOR,雖然是入門級，但價錢成正比，機仔細細推力都唔太差，起碼主流較平價既都推到，而且操作size好方便，但係我聽得出對綠仙係發揮唔到的，雖然相比w4r相差什遠，在同一個conditions下對比。

爭扎左好耐，最後走左去試，初初target是ZX300的，試左之後，覺得正wo,聲底幾厚，再叫店員介紹一條4.4來試，名我唔記得邊條了，反正最後無入到zx300,用平衡試，出來更加放同闊左，同個店員講你攞新貨比我，就要一set,在比錢之前，我竟然話想試吓黑磚，你慢慢攞貨唔洗急，唔試由自可，一試就hihi了，我只係用3.5綠仙原裝試，一試已經係超越左zx300加4.4輸出，聲音更放，分析聲底，更details,最後我耳仔同自己都說了oh no,而店員都好樂意幫我攞過部黑磚來咁樣我就造就左綠仙加黑磚哩一pair出來了。。。

其實我打咁大段野出來，係因為我未去入條4.4線材，我係偏向想暖聲同聽樂器，主要band sound,有冇邊條好介紹，起碼收窄范圍去試，budget約3k左右，Thanks!

Cybray

eph200 發表於 2019-9-8 02:39
呢兩條係淘佬 4月買 zs10pro 時, 店主"送"既 8股 共392芯 銅銀混編線 and  392芯單晶銅銀線  , 仲要做埋 ...

我都係想有現成可以試試才買，但都好多謝你既回覆

ip_csl

可試Plussound Gold Plated Copper (4 wires)

Cybray

ip_csl 發表於 2019-9-8 11:54
可試Plussound Gold Plated Copper (4 wires)

出緊去了，先記得一陣試

ip_csl

Cybray 發表於 2019-9-8 12:39
出緊去了，先記得一陣試

可順手試 Dunu磐

Cybray

試了師兄那一條不是我杯茶，另外有試到EFFECT AUDIO ARES II+,哩條價錢不太貴，低頻確係有提升，相對令到我覺得好‘立’，古古怪怪咁。
跟住見到條同我budget一樣既luminox audio shadow，試一試，初初覺得好似無乜特別，試多陣發覺佢全頻都有提升，夾落仙女唔會話好似攪到整容咁，令到隻仙女走曬樣，我聽落幾舒服，我買野就係唔會三心兩意，諗多兩吓，試多兩吓只會選擇困難証發作，跟住就入手了。
不專業聽感有時間會出的

Cybray

ip_csl 發表於 2019-9-8 13:04
可順手試 Dunu磐

敗了另一條了，都多謝師兄回覆，有時間去試吓

ip_csl

Cybray 發表於 2019-9-8 14:06
敗了另一條了，都多謝師兄回覆，有時間去試吓

我都是黑磚加仙女前用家(夾Plussound T-metal)