向版主/管理員公開題問

jc2ssych

致行動組版主：

長話短說，恭維說話我不多講了。大家成年人，受過教育。

討論區，是民主地方。本人出post發言，閣下作為管理員，若認為言論內容有不當，係應該跟本人討論，無論公開或私下，解釋何處不當，並給予本人空間回應。

若閣下沒有信心，或因懶惰，不欲跟本人辯論，從而加控本人發言是「跟版面主題/版規不符」，做法都應當是移帖，移去一個網站內相對合適的空間，而不是刪帖，直接要人聲音消失於大氣中。

民主社會內，管理員職責為管理，請勿膨脹至認為網站是屬個人全權擁有，一個人的聲音可以覆蓋全宇宙。

本人加入網站已多年，從來沒有針對任何網友。縱意見不同，亦向各方道歉「唔好意思」在前，敬語「祝福大家」在後。隨便造個理由，即便「自動屏蔽」發言，動輒自我審查，是人文素質衰落的結核。

現本人公開向論壇管理員的操守提出質詢，希望管理員有胸襟公開回應本人。

對，這帖不屬於藍光討論，因我找不到合適的空間置帖。如果管理員有建議，請向本人的提出，作為討論區的和平使用者，本人願意配合。

請以理服人。若沒有空間，或沒胸襟回應，亦可公開宣佈，永久刪除本人賬號，大家有個了結。

重覆：大家成年人，受過教育。請管理員公開回應。


此致

jc2ssych

致其他網友，

要吵要鬧，無需急進。請先留空間待管理員回覆。

本人是對網站管理有意見。各位網友，無需對號入座。

KenLeung1@FB

又係一堆交代交代嘅口號

xhatax

KenLeung1@FB 發表於 2019-9-8 18:49
又係一堆交代交代嘅口號

而家香港就是咁！

小瑟

Jc2兄，首先我完全唔知你邊個帖比版主封左或删帖，我依家出左街，不過都返緊公司，比我返公司開個電腦睇再了解下你邊個帖比人封左同咩原因比封先。

放心，呢D事我地一定會好好交代清楚既。

wil-wil

jc2ssych 兄，你係 76 多年版友當然記得你，你亦繼續有好多好野依然拎上黎 76 分享嘅 76 支持者，呢點係個個玩晒 WhatsApp 自己小組討論嘅年代，依然上黎 76 分享，我地都好感激你，縱使今次呢個係投訴，因為如果對個處死左心嘅就可以掃下蘿友走人，無需要發帖問因由，講多句都可能嚴多!!

至於你講嘅情況，雖然小瑟同我暫未知究竟發生何事，會盡快了解及處理!! 或者真會有你所講，版主懶惰做完野無解釋返造成誤會、或者搞錯唔知乜野，但都唔會係一個無胸襟嘅網站!! 因為 76 至今一直都係由討論區而生，這就要直接面對群眾、面對 76 支持者，有你才有我，而非單純私人機構!! 希望你能理解到，我地無唔會只 "屬個人全權擁有，一個人的聲音可以覆蓋全宇宙"、更唔會如之前網友講，我地唔接受大家對品牌產品嘅投訴，因為有商業因素，相反乜事都可以傾講，唯一堅持係大家要互相尊重地分享影音，唔岩聽乜說話、唔岩聽乜野意見或對邊個唔 like 都唔可以人生攻擊就可!!

放心，點都會得過明白，唔好勞氣!!

小瑟

https://post76.hk/thread-308950-5-1.html

Jc2兄，其實係咪講緊呢個帖？？？

wil-wil

剛理解到所指是問題，應該係源自上面連結個帖內討論!! 就咁理解，因為樓主分享內容與部份回覆無關系，且有談及政治內容，亦有一些不太合適嘅稱呼代號引起其他討論!! 咁等我同大家講解下點解版主有咁處理 ...

首先，Post76 版主全都係如大家一樣屬影音迷、戲迷、樂迷，閒來才上 76!! 之所以佢地成為版主，因為我地發覺佢地真係好熱心，有啲成日出帖分享、有啲好主動黎幫 76 搞活動等等，所以我地熟諾左就主動邀請佢地做義務版主，幫手協助版友出帖/回帖、調解下紛爭、管理下一些行政野，當然我地係有啲版規依從!! 由於他們是按自己時間處理，時有忙閒，所以未必就處理前會有討論，或跟得好足情況，或未必位位處理手法會完全相同，不過呢啲佢可以有待改善。

第二，如果內容離題或有不尊重他人的言詞，我地係會屏幕閉，甚或警告，呢點正正就出現係相關嘅帖內；

第三，政治內容不希望在 Post76 內討論，呢個情況見到都會被屏閉或刪帖，呢點亦出現係相關嘅帖內；

第四，我地亦加入電腦處理啲怪帖，如大陸怪客、打手帖之類 (呢個仍試驗中，有待改進)。

基於第二、第三點，所以行動版主就有此處理，希望你能理解。而版主就今次處理上亦沒對相關會員們再做過什麼。再講，Post76 唔希望有政治內容嘅討論，並非要扮中立或從什麼商業角度考慮，而係 "影音初心" 呢個重點。小瑟創立 Post76 係想一班影音迷、戲迷、樂迷聚埋，大家可以多真心分享、令大家多了解自己玩嘅野而玩到盡、幫到新手進入影音世界、工餘後減下壓嘅地方吹吹水、如有筍野互相分享、有被搵笨出聲提醒、產品有問題有個平台比到代理或廠商知到，好讓佢地知到可以改善改良等等，佢相信有此出發點，什麼問題應該都可拋諸腦後。 呢咁多好好嘅初心，服務大家 16 年都從無變過。所以小瑟、以至加入嘅每位版主都係本住 76 嘅呢份初心，只想做好個網比大家!! 但多年前見到因為談論政治，各方意見與政見不一下，好多變成敵對，開帖互罵，這完全有違 "影音初心" 嘅理念，由影音匯知音變成政治對立無 friend do 嘅結果；再者，相信要討論政治嘅地方多的事，但當到處都已經嘈嘈弊，想有一個靜靜地嘅樂土休息下，做返啲自己減到壓嘅開心野，仲要係講影音嘅地方，都應該唔會太多，對嗎? 咁點解唔可以放下一切 ，係 76 好好享受!?

就算唔係今次情況，大家都有機會因為版主處理未必能完全乎合大家期望會有意見，但我可肯定咁講，76 絕對願意接納意見及改善；當然，同時亦希望大家多一點包容與體諒，始終版主同大家一樣想 76 好，只係佢地再行多步義務幫手!! 影音係香港始終是一少堆朋友嘅玩意，大家都係想盡多一點力去支持，希望再能多些人玩，好好享受，多些出帖分享，甚或比意見我地都 OK!! 希望真心影音玩家們，唔好只係自己 WhatsApp / Facebook 群組分享，甚或有乜估估下就當真嘅野就得，你地多些分享先會令我地理解你所想，就算比我評估搞乜活動比大家我都要知先得!!  謝謝!!

jc2ssych

小瑟 發表於 2019-9-9 16:47
https://post76.hk/thread-308950-5-1.html

Jc2兄，其實係咪講緊呢個帖？？？

Wil-wil 和 小瑟 你好，

對。是這張帖。

類似的情況，大概三年前《十年》出碟時發生過。承蒙小瑟師兄當時願意撥冗，跟小弟陳述他的考量。當時我的回應是：「大家可能都係打工仔，收工後願意撥時間當管理員工作，其實相當難得。」

本人絕對明白瞭解情況費時，亦不是磨爛?跪求留言重見天日。「屏蔽」的已生效，說出去的話，亦覆水難收。本人關注的，是管理的 mentality。若各位亦關注本人發言有否帶刺傷人，本人亦虛心求教。

本人從不求將一己意志，強加於人。若版主全體認為採用「屏蔽」策略，是唯一平衡各方利益的處理方法，本人表示尊重，並願意從此收皮。

本人深信家和萬事興。但該講的，還需講；該聽的，還需聽。天下之大，有緣再聚。

（註：有理說不清，大家工作家庭忙碌，唔得閒理，可以由佢）

wil-wil

jc2ssych 發表於 2019-9-9 18:16
Wil-wil 和 小瑟 你好，

對。是這張帖。

jc2ssych 師兄，正如我之前所講，你肯發帖問，而不是不問因由就判定 76 對與錯，証明你也是心連 76，想我地作出改善!! 我地並非什麼管理專材，以我為例仲好長氣，所以討論區 Discuz! 有一系列功能，如「屏蔽」等，的確會可能以為用完唔想大家再轉落去傷感情就算，所以談不上是策略與否。不如你都分享下可以如何處理更好，好讓我們又參考下!?